自助餐在香港大受歡迎,食客可一次過品嚐多款菜式,按照自己喜好選取又能吃到飽。當然各位客人亦應自律遵守規則,大家便食得放心。近日有網民在Facebook群組「香港自助餐及放題集中討論區」發文,問到「你覺得食自助餐嘅顧客有啲乜嘢行為最討厭?」網民公認的不外乎是「搶食行為」,今次為大家整合5大最討厭的食客行為。

撰文:AT|編輯:JA|圖片來源:Facebook群組「香港自助餐及放題集中討論區」、《愛回家之開心速遞》

網民票選自助餐食顧客5大最討厭行為!

1. 私下帶食物盒拿走食物

有網民批評,有食客私下帶來外帶食物盒與煲具,拿走自助餐多碟食物,不少網民也留言說遇過這種情況,更有人準備行李喼帶走飲品,不自律行為也令人不安:「攞嘢食摷到碟嘢嘅食物亂曬!以前唔規定戴口罩前,攞嘢食時打乞嗤!」

自助餐
(圖片來源:《愛回家之開心速遞》)

食自助餐嘅顧客有咩行為最討厭? 網民:帶食物盒攞走食物!不停浪費食物!
(圖片來源:Facebook群組「香港自助餐及放題集中討論區」)

2. 小童四處跑 當是遊樂場

自助餐是一家大小慶祝節日好選擇之一,各人可自由選擇喜愛的食物,但網民就投訴環境嘈吵令人不適:「莫名奇妙地俾好興奮既細路走來走去,當遊樂場咁跑,非常危險!啲細路夾完野食,即刻就地食,一邊食一邊再夾。個家長喺隔離,完全唔覺得有問題。食飽之後再不停跑來跑去玩捉伊因。」

食自助餐嘅顧客有咩行為最討厭? 網民:帶食物盒攞走食物!不停浪費食物!
(圖片來源:Facebook群組「香港自助餐及放題集中討論區」)

3. 口是心非!批評食物質素卻食不停口

「眼闊肚窄」可算是香港人食自助餐、放題的劣行之一,大多數人都會因任食而不斷下單,卻在品嚐食物後批評質素差劣!食客一邊批評食物質素,同時又食不停口,口是心非到一個極點!

自助餐
(圖片來源:Facebook群組「香港自助餐及放題集中討論區」)

4. 不停浪費食物 怕「蝕底」拿極多份量

浪費食物也是不禮貌的行為,但不少人卻往往怕「蝕底」,一次拿極多份量的食物。「不停話唔好食,但又不停攞嘢食,仲要食唔停口!一個人拎勁多話幫同枱拎!貴價食物一出就唔停夾,冇理後面好多人排隊。」網民反駁說責任應在餐廳上:「我覺得係舖頭問題多過客,即係唔夠供應一係安排唔好,再縮D係由職員派幾件。」

食自助餐嘅顧客有咩行為最討厭? 網民:帶食物盒攞走食物!不停浪費食物!
(圖片來源:Facebook群組「香港自助餐及放題集中討論區」)

5. 食客取食物零禮儀!

食物方面,網民提出要注意取食物的禮儀,保持食物賣相亦非常重要:「最憎啲食魚可以攞晒中間部位剩返啲頭尾,食牛只拎中間部份!豆腐花比人刮到爛晒!用一隻夾周圍夾其他食物!」

自助餐
(圖片來源:《愛回家之開心速遞》)

食自助餐嘅顧客有咩行為最討厭? 網民:帶食物盒攞走食物!不停浪費食物!
(圖片來源:Facebook群組「香港自助餐及放題集中討論區」)