網民評選最愛韓國公仔麵 1. 安城湯麵
是跟據南韓京畿道安城市生產的一種傳統湯料去製造，加入數種香料，鹹中帶微辣。就連少女時代的太妍也是其粉絲，更曾在綜藝節目示範如何煮出完美公仔麵。
網民評選最愛韓國公仔麵 2. 不倒翁芝士拉麵
公仔麵加芝士無得輸！不倒翁芝士拉麵會附上一包芝士粉混和湯麵中，芝香濃郁且不膩。
有網民笑言後悔加價後才懂得芝士麵的珍貴及好吃：
呢隻759賣廿蚊嗰陣我冇買！加到廿七蚊開始後悔！
網民評選最愛韓國公仔麵 3. 三養牛油辣蜆湯麵
這款是期間限定，可遇不可求。有數隻蜆肉在湯麵中，鮮甜帶點微辣，配上爽彈公仔麵，超滋味。
更有網民評為是「驚為天人」：
點買到，之前食過買咗幾次就冇再見過，真係驚為天人！
網民評選最愛韓國公仔麵 4. 農心辛辣麵 X 炸醬麵
有網友則推介辛辣麵及炸醬麵的混合版，味道不會像辛辣撈麵般
鹹。醬汁夠多，每一口麵條都沾滿醬汁。
網民評選最愛韓國公仔麵 5. 農心炸皇炸醬麵
炸醬麵麵條較闊，煙韌程度較高，口感Q彈好吃。附上一包炸醬粉及調味油，邊撈邊有香氣滲出，且不會有死甜或死鹹味道，鹹甜並重。
網民大讚味道鹹甜並重，沒有燶味：
有一隻叫炸皇，超好食！唔知係咪食唔慣，成日覺得짜파게티有啲燶味，但炸皇冇！
網民評選最愛韓國公仔麵 6. 農心薯仔麵
農心的薯仔麵被網民譽為不得不提。麵條用上薯仔製成，故每一條麵條都相當Q彈軟仔，每一口都能吃到淡淡薯仔香。
