最近流行去Staycation,大家手上係咪多咗好多「手信」呢?其實唔少高級酒店都會喺拖鞋、浴室套裝等細節下工夫,亦有唔少酒店常客以儲齊一套為樂。

尤其係疫情下人人都去酒店玩,收收埋埋咁多酒店「手信」!最近就見到愈嚟愈多人喺社交平台放售酒店房間免費供應嘅items,其中Marriott萬豪酒店嘅拖鞋就盛惠$15/對,寫明100%全新,對某部分人嚟講,應該都會幾有吸引力!編輯再繼續睇睇,見到連洲際酒店嘅絕版拖鞋都有得賣,仲貴一蚊,定價$16。

有朋友就話,Marriott萬豪酒店對拖鞋真係幾好著,不過編輯就唔算係酒店品牌嘅忠實擁躉,$15買一對即棄拖鞋實在有啲貴。唔知道大家又點睇呢?會唔會真係心思思想買?(定係打算下次去Staycation攞返屋企放出嚟賣?)

五星級酒店拖鞋有市有價!

Tags :