凍飲加$4破防 網民爆笑嘲諷：啲冰南極運嚟
該名食客在Threads上載單據，無奈慨嘆：「香港食肆套餐凍飲加收$4的時代已經開始」。雖然有少數人認為百物騰貴，運輸成本上升可以理解，但絕大部分網民對「凍飲加$4」大感不滿，紛紛發揮港式幽默瘋狂嘲諷：「啲冰係南極新鮮運過嚟，中東戰事增加空運成本，體諒吓啦」、「凍飲太傷身，又要加四蚊，埋單又要呻，不如唔好飲」。不過也有心水清的網民突破盲腸，笑指某些大型連鎖米線舖其實「凍飲加$9都幾年啦喎」。
$69「六寶飯」揭盅 驚變極平價加工肉
除了凍飲加價惹爭議，這碟盛惠$69的「六寶飯」才是真正的「戲肉」。在大眾的認知中，「六寶飯」通常是燒味舖的豪華配搭，例如油雞、燒腩仔、叉燒、紅腸、半隻鹹蛋等。豈料這間冰室出品的「六寶」，竟然是香腸、火腿、午餐肉、煙肉、煎蛋，最後再淋上一殼黑椒汁！用接近$70的價錢食一碟平價加工肉，令一眾網民大呼離譜，直指這根本只是改了個高級名字的「超貴頹餐」。
網民轟當客水魚：成碟最有營養就係啲白飯
這種「掛羊頭賣狗肉」的配搭瞬間撻著網民神經，留言區群情洶湧，一面倒狠批餐廳當食客是水魚。不少人由價錢鬧到去健康層面，直言「餐肉、腸仔、煙肉呢啲完全唔值錢，鈉含量你已超標」、「六寶飯除咗煎蛋同飯，全部是第一類致癌物加工肉」。更有網民抵死地一針見血總結：「望住啲加工肉，成碟最有營養就係白飯」，並呼籲小朋友同孕婦少吃為妙。
嘆餐飲業步向寒冬 寧留家食公仔麵拒交智商稅
面對如此高昂的定價與極低成本的食材，不少網民無奈表示這就是香港餐飲業步向寒冬的縮影。有人直言：「食呢啲咁唔健康嘅食物，仲要加$4飲凍飲？！畀我喺屋企煮個公仔麵好過了」，更有網民將事件與近期的北上消費熱潮掛鈎，認為這正正解釋了為何港人週末寧願外遊：「所以北上熱潮不減」、「73蚊食呢啲，難怪咁多人返深圳」。更有網民表明已將餐廳「Mark低」，絕對不會入去中伏交智商稅。
