最近Facebook群組「我老婆嫁左比Mirror導致婚姻破裂關注組」內,一眾「前夫」們控訴老婆、女朋友們太著迷Mirror成員而「拋夫棄夫」。近日一名「前夫」被老婆要求為房間貼上教主Anson Lo牆紙,老公親自挑選教主靚相做驚喜,不過老婆似乎未夠滿意,甚至因為一個原因,嬲爆要冷戰!

撰文:CY|圖片來源:Facebook群組「我老婆嫁左比Mirror導致婚姻破裂關注組」、[email protected]、張立基Facebook

老公印大幅Anson Lo牆紙做驚喜 神徒老婆一個原因嬲爆要冷戰

事源這位「前夫」的老婆是位忠心神徒,好愛教主Anson Lo,本身「前夫」抱著「呢樣係你自由,唔好搞到我就算」的大無畏心態,打算得過且過,誰知道還是逃不過一劫,被老婆要求「想屋企整張Anson Lo Wallpaper喺房」。「前夫」乖乖聽從老婆要求,內心又想「振夫鋼」,最終搶得「相片選擇權」,誓要為老婆準備一個「大驚喜」!

教主Anson Lo近期於ViuTV新劇《大叔的愛》擔正做男主角,加上推出新單曲《不可愛教主》,聲勢浩大,IG靚相Po不斷。(圖片來源:Instagram@ansonlht)
教主Anson Lo近期於ViuTV新劇《大叔的愛》擔正做男主角,加上推出新單曲《不可愛教主》,聲勢浩大,IG靚相Po不斷。(圖片來源:[email protected]

本身教主Anson Lo接廣告代言接到手軟,大把靚相任人揀,但「前夫」偏偏全部不選,唯獨精挑細選出一張教主Anson Lo初出道相片,並印刷成牆紙。圖片可見當時青澀樣貌與現在成熟樣貌有差距,老婆見到後即刻由「驚喜」變「驚嚇」,高呼「妖,咁肉酸」,似乎內心相當抗拒教主當年樣貌!

唯獨「前夫」精心挑選這張Anson Lo青澀樣貌,星味不及現在濃,不過青春動人好嫩口!(圖片來源:Facebook群組「我老婆嫁左比Mirror導致婚姻破裂關注組」)
唯獨「前夫」精心挑選這張Anson Lo青澀樣貌,星味不及現在濃,不過青春動人好嫩口!(圖片來源:Facebook群組「我老婆嫁左比Mirror導致婚姻破裂關注組」)

老婆望到教主Anson Lo當年今日的相片後相當火滾,不過這位「前夫」振夫鋼心切,居然回答「嗱,你自己話你偶像肉酸咋,我就覺得好靚嘞,我好鍾意喎!總之一係呢張做wallpaper,一係咪搞咁多嘢,記住邊個先係你老公」,聽落貌似好型,不過貼文後記加上一句「老婆而家仲嬲緊我,飯都唔同我食」,完美演繹「贏咗場交,輸咗頭家」。

「前夫」跪玻璃都搞唔掂。(圖片來源:ViuTV《大叔的愛》)
「前夫」跪玻璃都搞唔掂。(圖片來源:ViuTV《大叔的愛》)

有一大班「前夫」圍爐取暖,話「完全唔覺佢(教主Anson Lo)靚仔」,指責「前夫」老婆不應該如此著迷教主Anson Lo。亦有前夫酸味甚濃,稱「學黃子華話齋,呢啲唔係叫化妝,係叫易容」,甚至稱「好明顯打左針係鼻同下巴」,話「啲女人遲早會後悔,當佢地10年後再睇返Anson Lo個樣,可能唔明點解對佢咁瘋癲,呢啲樣根本唔襟睇」。

有網民笑教主Anson Lo與張立基撞樣。(圖片來源:張立基Facebook)
有網民笑教主Anson Lo與張立基撞樣。(圖片來源:張立基Facebook)

亦有網民解畫,指自己得知教主Anson Lo入行過程中被人批評外表而造成好大壓力,認為「前夫」老婆的反應過激,亦指其他網民「以自己快樂建築喺別人痛苦身上」,勸喻「己所不欲,勿施於人」。亦有網民話用外貌攻擊是最低莊做法,「唔好剩係睇人外表啦, 佢好多值得欣賞嘅地方」。

(圖片來源:Facebook群組「我老婆嫁左比Mirror導致婚姻破裂關注組」)
(圖片來源:Facebook群組「我老婆嫁左比Mirror導致婚姻破裂關注組」)