曾為TVB主持多個《潮什麼》系列旅遊節目的梁芷珮(Christy),在去年播出的《西葡潮什麼》中,帶著老公和三位小朋友分別走訪了不同地方,除了有陽光與海灘、沙漠騎駱駝,去了找三千年歷史的秘境溫泉!而近月因為TVB藝人被網民聲討,梁芷珮就在IG發文指,不要因TVB而抹煞其工作機會!

撰文:東方新地(原文刊於:東方新地)|圖片:東方新地/梁芷珮IG

旅遊節目主持為TVB藝人發聲

梁芷珮現為TVB旗下藝人,隨著近月不少TVB藝人被網民聲討,叫品牌不要錄用TVB藝人做宣傳工作。

梁芷珮今日在IG發文,指希望網民手下留情。
梁芷珮今日在IG發文,指希望網民手下留情。(圖片來源:梁芷珮IG)

今次梁芷珮發聲,直指自己有工開就開心,希望大眾不要抹煞TVB藝人的工作機會!梁芷珮在IG發文:

「今晚開完live後有感而發,首先我好想喺到多謝喜歡我,follow我嘅粉絲,一個普通嘅師奶仔可以儲到十幾萬粉絲,我已經好滿足,好開心,能夠有今日嘅成績,我真係好感恩,我係一個好勤力嘅人,因為我嘅人生唔係為我自己一個人而活,而係為咗屋企三個小朋友」

「我唔係來自一個有錢嘅家庭,20歳嫁咗人,老公當年亦都係一個普通嘅20歲o靚仔,當年啱啱加拿大返嚟,我哋冇靠屋企人,未搵到工又冇地方住,劏房都住過,冇錢請工人姐姐,大仔咪周圍搵人幫手湊,我哋乜嘢工都做過,我做過娛樂記者,空姐,上樓時裝店嘅sales,reception…我老公bartender都做過,之後教golf先開始有穩定啲嘅收入、為咗小朋友可以輕鬆環境讀書,我地用咗一大半嘅糧供佢讀國際學校,生咗二仔後,我哋嘅收入根本唔夠供兩個小朋友讀國際,所以先讀homeschool。」

「好感恩呢幾年可以幫公司拍旅遊節目,多人認識咗,多咗好多KOL嘅工作,收入穩定咗,就可以比到更穩定嘅生活三位小朋友,我哋每日都好努力咁工作,忙到冇時間陪小朋友,好似呢幾個禮拜,每日7點帶完小朋友返學,就開始準備拍節目,拍劇,仲有KOL嘅job,同埋夜晚教運動班。」

「每一個工作都係有血有汗換返嚟嘅,我勤力做嘢,唔係淨係得個講字,所以希望各位高抬貴手,唔好因為我來自邊到,喺邊間公司做嘢而抹煞我嘅工作機會,我只係一個努力工作,賺錢養大仔女嘅媽媽,世界上每一個父母都係咁,你哋如果唔鍾意一樣嘢,其實真係可以唔睇或者直接block咗我,然後follow返你地喜歡嘅嘢,我個人好簡單,有嘢就做,有工就開,大家開心,簡簡單單就得㗎喇…」

梁芷珮IG全文。
梁芷珮IG全文。(圖片來源:梁芷珮IG)

有不少網民,都不接受梁芷珮的說法。

網民回應梁芷珮長文。
網民回應梁芷珮長文。(圖片來源:連登)

網民回應梁芷珮長文。
網民回應梁芷珮長文。(圖片來源:連登)

網民回應梁芷珮長文。
網民回應梁芷珮長文。(圖片來源:連登)

梁芷珮拍旅遊節目邊玩邊賺錢

梁芷珮自2014年入行,曾在有線娛樂台擔任主持工作,其後又與丈夫及友人製作了一系列旅遊及飲食節目,包括《 胃食遊戲 》及《 潮什麼 》系列等,在無綫 J2頻道播放,以及在遊戲節目《 Do 姐有問題 》中,擔任北歐線的問題專員。

負責攝影的老公,跟梁芷珮和三子女拍完一個月 《西葡潮什麼》 後,大讚葡萄牙好靚、好乾淨,物價亦好平,她笑言: 「我哋一家都好鍾意葡萄牙!大仔仲話想喺葡萄牙讀大學㖭!」
負責攝影的老公,跟梁芷珮和三子女拍完一個月 《西葡潮什麼》 後,大讚葡萄牙好靚、好乾淨,物價亦好平,她笑言: 「我哋一家都好鍾意葡萄牙!大仔仲話想喺葡萄牙讀大學㖭!」

梁芷珮自2014年入行,曾在有線娛樂台擔任主持工作,其後又與丈夫及友人製作了一系列旅遊及飲食節目。
梁芷珮自2014年入行,曾在有線娛樂台擔任主持工作,其後又與丈夫及友人製作了一系列旅遊及飲食節目。

梁芷珮 除咗去葡萄牙之外,仲玩埋陽光海灘嘅西班牙小島,超清嘅水啊!(Playa De San Agustin Gran Canaria)
除咗去葡萄牙之外,仲玩埋陽光海灘嘅西班牙小島,超清嘅水啊!(Playa De San Agustin Gran Canaria)

38歲的梁芷珮與老公結婚已有17年,並誕下兩子一女,但堅持運動和控制飲食的她,身材仍然零走樣。梁芷珮一有時間就與家人周遊列國,到了西班牙的大加那利島 ( Gran Canaria) 沙漠,除了騎駱駝 外,一家人還大玩跳沙丘,她笑言三個小朋友都玩到癲。

梁芷珮 帶Fans 去冰島,行程同活動大部分都係節目介紹過嘅item。
帶Fans 去冰島,行程同活動大部分都係節目介紹過嘅item。