由方東昇主持的無綫新節目《尋人記》大獲好評,而第六集主題是找回80、90年代的消費騙案苦主,包括買新冷氣冇雪種的男士,當年只有20歲的他,在記者陪同下據理力爭,成功討回4,000元,卻於退貨後收到恐嚇電話!另一位受訪者林小姐,於80年代成為第一代「縮水樓」的苦主,竟撼贏而家的「納米樓」?今集方東昇再次發揮金句王本色,用金句道出香港普羅大眾之苦!

原文刊於《新假期》|圖片來源:TVB《尋人記》截圖|資料來源:TVB《尋人記》

那些年的消費騙案!大有大呃細有細呃!
苦主1:買新冷氣冇雪種 退貨後收恐嚇電話:「你好嘢!」

苦主鄧先生當年以$4,100的價錢訂了一部進口的冷氣機,點知店員以冇貨為理由,氹佢轉另外一部,後來發現進口貨竟變本地產!更離奇嘅係部冷氣開機都唔凍,檢查後發現,原來裡面根本冇雪種!鄧先生據理力爭,加上電視台採訪及消費者委員會幫忙,終於可以攞番冷氣機錢。不過,後來就收到疑似電器舖背後惡勢力打來的恐嚇電話:「你好嘢!」好彩後來乜事都冇。

「投訴先鋒」鄧先生30年後再到訪電器舖(非當年黑店)接受訪問,經一事長一智,鄧先生坦言之後買嘢都會小心啲。電器店老闆聽到佢嘅經歷後都話,佢唔搞你都真係好嘢!
「投訴先鋒」鄧先生30年後再到訪電器舖(非當年黑店)接受訪問,經一事長一智,鄧先生坦言之後買嘢都會小心啲。電器店老闆聽到佢嘅經歷後都話,佢唔搞你都真係好嘢!

電器店老闆聽完都話,佢唔搞你都真係好嘢!因為真係唔知有啲咩勢力喺背後。
電器店老闆聽完都話,佢唔搞你都真係好嘢!因為真係唔知有啲咩勢力喺背後。

苦主2:當年「縮水樓」撼贏而家的「納米樓」

以前的售樓書規管冇咁嚴格,一度出現圖則比例不符的「縮水樓」,擠迫程度可以形容為「一入房就已經上咗床,一落床已經出咗廳」,苦不堪言。

記者覺得呢兩句係本集最精警的金句!
記者覺得呢兩句係本集最精警的金句!

林小姐就係其中一個苦主,佢買樓被人呃後,仲要被朋友笑!方東昇搵番30年後的苦主,原本唔想做訪問的林小姐,都成功被方東昇氹到,半推半就邀請攝製隊上屋企接受訪問!原來嗰陣林小姐都算好彩,等咗2-3年,發展商原價回購單住,而家住喺200多呎的單位好滿足,更笑言睇番片段後,發現該單位比起而家嘅「納米樓」更好。

苦主林小姐受到雙重打擊,不但被騙,仲要畀朋友笑。
苦主林小姐受到雙重打擊,不但被騙,仲要被朋友笑。

當時的縮水樓比而家嘅納米樓好!起碼都仲有位間到房。
當時的「縮水樓」比而家嘅「納米樓」好!起碼都仲有位間到房。

苦主3:牛奶放30日發臭可以換錢

90年代有一單「牛奶種菌案」轟動一時!係香港早期嘅層壓式騙案。聲稱用高科技護膚品項目,要參加者買「種子」,再加入牛奶種30日,得出的發臭物體就是原材料,把原材料交給公司就可以賺取87.5%的利潤。

其後經化驗發現「種子」原來只是脫脂奶粉。之後被揭發是騙案,老闆亦被商業罪案調查科拉咗去坐監,不過一班苦主就血本無歸。
其後經化驗發現「種子」原來只是脫脂奶粉。之後被揭發是騙案,老闆亦被商業罪案調查科拉咗去坐監,不過一班苦主就血本無歸。

當年的苦主之一廖女士
當年的苦主之一廖女士。

廖女士已不在人世,不過女兒就記得小時候幫媽媽種菌嘅經歷,憶述:「真係好臭!」
廖女士已不在人世,不過,女兒就記得小時候幫媽媽種菌嘅經歷,憶述:「真係好臭!」

方東昇再爆金句 道出普羅大眾之苦!

方東昇本集金句:「世界上最大嘅空間,係進步嘅空間;最細嘅空間,係屋企嘅空間!」

昇爺又再一次超越自己!
昇爺又再一次超越自己!

無綫新節目《尋人記》尋回80年代消費騙案苦主1