香港人搬屋已成常態，但相信搬過屋的人都知道自己搬屋是多麼痛苦的事，所以不少人也會花錢請搬屋公司，高效率之餘亦不煩心，有些搬屋公司更會把舊屋原樣直接在新屋展現出來。早前有搬運公司分享一件奇人奇事，竟有客人要求搬「這樣東西」？！
搬屋公司接奇怪報價
搬屋公司「貨Van仔（Fvj Logistics）」於專頁發帖文，表示近日收到客人要求報價，原以為只是一般傢具搬遷，但竟然是查詢「可唔可以搬棺木上山」，無奈大喊：「喂大佬，我唔係咩都搬㗎！」
貨Van仔表示：「有個客打電話過嚟報價，可唔可以搬棺木上山？」該公司表示，不知道如何就搬棺木提供報價，直言「唔知報咩價錢俾你好」，又重申「我哋公司係唔搬棺材」。
最後帖文回覆並建議該客人向專業人士查詢詳情，認為「搵返從事殯儀行業人士會好啲」。
網民點睇？
唔少網民紛紛表示：「其實要求搬運嗰位應該講埋究竟係「吉」嘅？定係有「人」嘅？」、「上得山應是有料的？」、「呢樣嘢真係唔係話搬就搬到……」、「搬棺材搵搬屋公司，白癡的嗎？」、「中途副壽仲要唔可以落地….擺明玩嘢」、「中途副壽仲要唔可以落地….擺明玩嘢」、「朋友仔要搬屋，又好似冇錯」、「如果真係搬呢副，新手抬都好容易反。」，亦有網民認為事件相當可疑：「運送遺體應是要有牌照才可？唔好接喎,有機會犯法。同埋香港嘅殯儀服務一定包上山的，揾人淨運棺木+遺體好奇怪。」
圖片來源：FB@Vanhk606、unsplash@streuselhaus