秋天即將來臨,亦是打邊爐的季節,但香港的餐廳經常爆滿,火鍋店更要一早取籌再等叫號碼,人多時甚至要等多個小時才可入座。然而有些無品客人卻會打尖不排隊,曾經就有「西客」打尖入座,被餐廳員工勸喻離開時還拒絕離座,最終被霸氣經理一招KO!

撰文:B|編輯:JA|圖片:網上圖片、新假期資料庫、西客之道 Hispitality Secret|原文刊於新假期

無品客人打邊爐打尖不排隊!霸氣經理下令店內員工 用一招對付西客

Facebook專頁「西客之道 Hispitality Secret」曾刊登了一宗酒樓「打尖」打邊爐事件,話說一枱客人未有在登記「等位」,一行人就直接入座,入座後,他們問侍應拿點菜紙,侍應質疑他們為何沒有入座時由店方分發的點菜紙,並要求他們出示「等位」的號碼票,無品客隨即發難「叫經理」,並揚言「我哋係唔走㗎喇!我要投訴你,投訴到你總公司,投訴到你哋全部無得撈!」

香港人熱愛打邊爐,外出打邊爐要等位是常態。(圖片來源:新假期)
香港人熱愛打邊爐,外出打邊爐要等位是常態。(圖片來源:新假期編輯部)

有食客唔拎飛就想打尖入餐廳!(圖片來源:《愛回家之開心速遞》截圖)
有食客唔拎飛就想打尖入餐廳!(圖片來源:《愛回家之開心速遞》截圖)

當網民都以為經理會屈服於無賴行為時,誰料他霸氣地回敬:「全部樓面嘅人同我聽住,無我吩咐,無人可以幫呢枱客落單, 斟茶都唔可以。唔識守規矩嘅人無資格係度食飯。」徹底打敗這枱無品客!

一家大細,一大枱人一起打邊爐是香港人最愛的活動之一。(圖片來源:《一屋老友記》節目截圖)
一家大細,一大枱人一起打邊爐是香港人最愛的活動之一。(圖片來源:《一屋老友記》節目截圖)

打邊爐不排隊事件的始末

幾個月前某日,小女子係某間酒樓打邊爐。因為打邊爐受歡迎,所以經常爆滿要攞飛排隊等叫。嗰日我打緊邊爐時,隔離枱有班客人自行入座坐低,然後開始叫侍應點菜。

西:我地要個麻辣湯底+任飲+海鮮任食,點野食張單比張我地睇下先,一陣再落。

侍:先生你入座時,會有一set比晒你,而且你入座號碼飛喺邊?

西:我張飛一早比你地收咗喇,你地收咗又唔比單我仲要多嘢問?

侍:我地唔會收你飛,而且一定會比單你。你等等先我問下門口。
(幾分鐘後)

侍:先生門口無人帶過你入黎喎,你張飛咩number?睇下有冇聽錯咗?
(我覺得侍應都比面你自己落台)

西:比咩姐?比咩比?入咗黎坐低就係架喇!你問咁多做乜?叫你經理黎。
經理問完門口接待,帶位。confirm咗呢枱客位自己入黎坐後,再次好客氣咁請佢地離坐。

西:我地係唔走架喇,我要投訴你,投訴到你總公司,投訴到你地全部無得撈。
然後經理黎料喇,好大聲咁講

經:全部樓面既人同我聽住,無我吩咐,無人可以幫呢枱客落單, 斟茶都唔可以。唔識守規矩既人無資格係度食飯。

嗰枱客就呆咗一呆,然後呆坐係度幾個字就走。至於嗰位經理同樓面,我前幾日食飯都仲見到佢地係度做。

(原文轉自「西客之道 Hispitality Secret」)

經理護員工保尊嚴 網民激讚

電視廣告一句「今時今日咁嘅服務態度唔夠㗎!」多年來害得幾多服務業從業員經常含怨受屈﹐今次這位酒樓經理霸氣地頂撞無品客,簡直就是勇者無懼的表現,保護員工之餘,又挽回尊嚴,一眾網民都對經理有讚無彈!

 

撰文:B|圖片:網上圖片、新假期資料庫、西客之道 Hispitality Secret