尖沙咀男子公然放煙花！
昨晚（8/6）有網民在Threads分享在星光大道有人大膽放煙花，上載的片段中見到男子多次嘗試點燃煙花，成功後火花直衝維港半空，吸引不少途人圍觀。男子發現有人拍攝時，更主動走近鏡頭，用普通話要求對方「不要拍可以嗎？」而拍片的目擊者事後在網上發文，表示「點解佢可以係香港放煙花？仲要掉垃圾落海 ! 之後仲要問我做乜影佢！」，又透露「佢由 rosewood 海邊跟我跟到去 MOA （香港藝術館）先消失 我先敢停低 post 出嚟」、「癲架而家啲人 唔敢有正面衝突」、「佢褲袋仲有枝煙花 可能又走番去繼續放」。該名目擊者並指，「我眼見已經係點咗第三枝」。
網民熱烈討論：點樣入境？
不少網民對事件感到質疑，質疑男子如何將含火藥成分的煙花帶入香港，「最奇怪，佢點樣帶呢啲嘢過關？違禁品有火藥成份，」「想問啲煙花點樣入境」、「怎樣帶過關？？」另一方面，有人諷刺地表示，「包容呀！做乜都包容呀！」、「香港要包容唔同類型嘅遊客，旅發局應該研究點樣去迎合呢類旅客嘅需要。」亦有網民批評目擊者未有即時報警，「唔報警自己拍片，真係俾人打都冇仇報」。不少人認為，對於明顯違法行為，市民應主動報警而非只在網上發帖，否則難以追究責任。
法例嚴格規管 最高可監禁半年
根據《危險品條例》，煙花爆竹屬危險品，任何人未經許可製造、貯存、運送或使用，最高可判監禁6個月及罰款25,000元。根據《危險品（管制）規例》第72條，陸上燃放煙花爆竹必須事先向文化體育及旅遊局申請牌照，否則最高可罰款10,000元。如肆意或疏忽燃放煙花爆竹，對他人造成損害或危險，更可被判監禁3個月及罰款2,000元。即使只是無牌管有煙花爆竹，亦屬刑事罪行，初犯最高可罰款100,000元及監禁6個月，再犯刑罰更重。
點擊睇片
在 Threads 查看
