最近好流行去Staycation,有親子遊、情侶遊,甚至閨密遊都不足為奇。不過日前有位連登網民,似乎頭上一片綠,皆因早前女友聲稱同成班女仔朋友玩返晚,男友事後問起,女友竟然支吾以對,似乎好心虛啵!

撰文:CY|圖片來源:LIHKG

女友稱約朋友去酒店Gathering 男友事後問起卻支吾以對

最近有網民於連登討論區分享經歷,表示女友約「成班女仔Friend去staycation」,事主隨口要求「send啲相嚟睇吓」,點做女友突然口啞啞、支吾以對,又責罵事主不信任她,又隨手send一張合照想過骨,卻敵不過事主金睛火眼,一眼就睇穿是舊旅行相。事主自覺戳爆女友出軌,即刻頹爆上網求意見,「唔知點面對佢好,大家覺得應唔應該分手好?」

事主開Post分享經歷,頭頂似乎綠油油一片。(圖片來源:LIHKG)
事主開Post分享經歷,頭頂似乎綠油油一片。(圖片來源:LIHKG)

網民見到即刻齊齊留言「帽事嘅」並加上一頂綠色帽子,似乎想單憑文字就確定事主女友已經出軌。亦有網民話應該放個Airtag入佢袋,隨時Check到對方位置,認為可以買個安心。

護眼Post。(圖片來源:LIHKG)
護眼Post。(圖片來源:LIHKG)

不過既然認定事情已經發生,就算尋找到對方位置都無補於事。有網民就話分手最實際,甚至有部分網民表示「哈,又一pair準備分手,開心」、「感建分啦(感情問題一律建議分手)」,似乎好希望事主重新成為單身一族。

似乎好希望事主重新成為單身一族。(圖片來源:LIHKG)
似乎好希望事主重新成為單身一族。(圖片來源:LIHKG)

感情問題一律建議分手。(圖片來源:LIHKG)
感情問題一律建議分手。(圖片來源:LIHKG)

事主再講自己「但係有愛意,我抽離唔到」,被網民好玄回答:「愛一個人,預失去一個人。如果你愛佢,想跟佢一齊,佢過去,現在和未來所對你的傷害,你只可以接受。」,好似相當有深度。

(圖片來源:Unsplash@paulpostema)
(圖片來源:[email protected]

亦有網民話「港女偷食好平常」、「港女本性如此」、「而家呢個社會,女人偷食機會係大過男人」、「發現佢偷食,佢可以話你唔啱先,你好多問題令到佢要偷食」,對香港女性似乎觀念欠佳。

不過就算事主心灰意冷仍然好冷靜,表示「咁我諗唔係所有港女都係X女人嘅」,並不打算將錯誤怪責落所有女性身上。

好多人認為女性是「原罪」。(圖片來源:LIHKG)
好多人認為女性是「原罪」。(圖片來源:LIHKG)

有網民笑話事主女朋友都算誠實。(圖片來源:LIHKG)
有網民笑話事主女朋友都算誠實。(圖片來源:LIHKG)

不過事主所講僅憑一張旅行相及寥寥幾句對話,就認為女友已經出軌,實在未夠謹慎。事主曾提出應該攤牌對話,但其後未有進一步透露事件進展。