大學站等如香港大學站？港女賣家超烏龍 約交收搞足一個月
網民分享指本來與賣家已經談好價錢並約好在北角交收，點知時間一改再改後再撞正「咁啱m come」，一個星期後才約定於賣家收工後於「 5時40分大學站B出口閘口等」面交。 接近交收時間事主表示自己「大埔墟過緊嚟」，賣家竟然大感驚訝， 表示自己「喺香港大學站」，最誇張係佢要「頭先睇mtr app先知有大學站」！
面交機會又再落空，但賣家一再道歉，唯有再約過， 但賣家一再堅持自己「收工收6點直車返柴灣唔會轉車」而一拖再拖， 一個星期又過去雙方終於約好「 聽日6:15 pm香港大學站」，以為故事會有一個完美結局，但聊天記錄卻以賣家約定當日中午一句「 唔好意思，今日轉左更要收夜」畫上一個不完美句號。
網民：睇到對話都覺得攰
網民於留言表示只是觀看對話內容已經「 好攰」、「睇到嘔血」，並紛紛大讚買家好耐性， 表示改一次時間尚可接受，要求第二次都會直接改為順豐到付或者另找買家， 令人大感好奇到底貨物是什麼公仔令買家一忍再忍。但亦有網民覺得事件非常搞笑，「有啲震驚會有人叫香港大學站做大學站」， 有網民表示如果想避免混淆「 口語會講Kong U站，打字會打HKU站」！
