豪華餅店原定10.1結業 突戲劇性「翻生」獲接手 將大翻新以原名重開
屹立在九龍城近半世紀、就連周潤發、蔡瀾和蘇施黃都是熟客仔的豪華餅店近日在門市貼出告示，宣布10月1日正式結業，令不少港人都為之惋惜，更有大批港人假日專程到豪華餅店排隊，把握最後機會再嚐一啖招牌酥皮蛋撻！不過，突然來個戲劇性轉變。據悉，豪華餅店已獲接手，會由目前餅廚師傅阿富接手繼續經營，是次「結業」後，將會大裝修店舖再重開，實際日期尚未能確定，但將會保留「豪華」原名。
健吾翻舊帳力批豪華餅店：執笠係有原因㗎啵
日前專欄作家健吾在自己Facebook專頁發文，分享一則2021年有關於豪華餅店的帖文，同時諷刺：
九龍城間餅鋪，執笠係有原因㗎啵。 食完啲咁嘅嘢仲要跑步減肥，真係你食埋我果份。
事緣上年有名網民生日前向女朋友落order，「我想要個傳統嘅生日蛋糕上面要有核突公仔嘅（一定要係畫得唔似嘅公仔）」，於是女朋友就請同事在紙上頹畫了一隻多啦A夢，還千叮萬囑不要畫得太似。畫好後就拿著圖片到九龍城豪華餅店預訂蛋糕，店員亦拍晒心口應承「咁簡單，OK 啦無問題！」
事主見生日蛋糕超愕然 多啦A夢變車頭相！
生日當日，他們到豪華餅店取蛋糕前還滿心期待「頹版多啦A夢蛋糕」最後的成品，豈料取蛋糕時店員竟表示：「我哋驚畫得唔似，所以剪出嚟擺落去。」只見在忌廉蛋糕上，女朋友同事所畫的「頹版多啦A夢」紙張被剪下，隨手放到蛋糕之上，猶如車頭相一般！而多啦A夢旁邊有2個朱古力筆畫上的小心心，前面則有壽星公姓名與「生日快樂」4個字，不過不止字體肉酸，更歪向左邊，沒有置中的幾隻字令人強迫症發作！
事主更忍不住在文末無奈地表示：
然後 因為佢收咗錢要畫嘢
所以畫咗兩個心心喺旁邊！！！！
呢個蛋糕嘅離譜程度
我大膽講句，係《天機 富春山居圖》嘅級數！！！#左右插多兩枝蠟燭似車頭相
#同埋佢寫錯咗我中文名
#我收到呢個蛋糕非常之喜出望外
網民極同意：真係難食到極點！
健吾翻舊帳post一出，即時引起大批網民熱議：
「前排買左一個俾媽咪，講真我唔識欣賞。仲要咁鬼貴（細個真係無食過咁難食蛋糕，有既無理由唔記得） 。 跟手買咗條手臂咁粗嘅卷蛋。食左一啖就無食啦，成條乾到唔識形容！」
「呢啲係奶油蛋糕唔需要擺喺雪櫃㗎喎！同埋嗰層奶油咁厚呢一個星期都唔會變壞！」
「超出咗我對生日蛋糕同埋人類包容能力的想像」
「唔係唔想支持老店，係老店啲服務有時真係好驚嚇。」
「嘩！呢個整餅師好大膽創新咁將食得嘅嘢同唔食得嘅嘢擺埋一齊，呢個組合真係無得頂！」
「我個蛋糕，快樂大魚日都變咗快7大魚旦啦！」
