近年好多港人決定移民海外,尋覓新發展空間,然而並非每位親友都支持,會分別講出各式理由阻止移民。香港網民在討論區熱數最極品阻止移民理由,包括有「二等公民」和「歧視好嚴重」,連「外國多大陸人」都講得出口,被網民恥笑「(真係)打橫嚟講嘅!」

撰文:CY|圖片來源:Unsplash

親友阻止移民10大例牌理由 做二等公民歧視好嚴重 網民:打橫嚟講嘅

去到外國做二等公民

不少親友為阻止港人移民海外,各式奇怪理由盡出,有親友例牌講去到海外等同做「二等公民」,不過卻被港人反駁:「可惜留喺香港都將有機會做二等公民」。

(圖片來源:Unsplash@emily5370)
【親友阻止移民理由盡出】(圖片來源:[email protected]

外國歧視問題好嚴重!

當然亦有親友認為海外排華情緒嚴重,無論加拿大、英國還是美國,都一定會面對嚴重歧視問題,不過有港人則認為要視乎定居城市,「偏遠市鎮嘅地方歧視勁」,反而大城市則較少歧視問題。

(圖片來源:Unsplash@theeastlondonphotographer)
【親友阻止移民理由盡出】(圖片來源:[email protected]

香港高人工過其他國家!

不過定居大城市亦擔心有入不敷支的危機。有親友指香港收入會較海外高,就算於海外獲得不俗收入,扣除稅項後所剩金錢寥寥可數。不過亦有港人指香港稅率雖然低,但隱形開支高,單是住屋問題已經難以支撐,反而在海外能見到一線曙光。

(圖片來源:Unsplash@adeolueletu)
【親友阻止移民理由盡出】(圖片來源:[email protected]

之前去過旅行,覺得餐飲開支有啲貴

或許香港人們習慣買外賣解決一餐,有親友就話海外餐飲開支一定比香港高,會更難儲錢,「計埋條數你仲窮過係香港生活」。然而有港人反駁稱「你餐餐出去食梗係貴啦」,只要去當地超市買材料自己煮,其實都相當便宜,亦能慳到錢。

(圖片來源:Unsplash@reiseuhu)
【親友阻止移民理由盡出】(圖片來源:[email protected]

屋企太大好難清潔

連好多移民港人都與親友們同聲同氣,話「如果喺香港做開港孩,唔識煮野食同做家務」,實在不太適合移民海外。全因為海外住屋單位比香港更闊落,做清潔實在好辛苦。如果要聘請工人做清潔,開支會變得好龐大。不過既然決定移民,相信已經做好自理生活的打算,這又稱的上一個阻止移民的理由嗎?

(圖片來源:Unsplash@andreaedavis)
【親友阻止移民理由盡出】(圖片來源:[email protected]

有港人在日常更聽到不少阻止移民理由,感覺好滑稽,例如話英國「早天黑會抑鬱」、「冇地鐵要揸車」、「有父母不遠遊 何況移民」、「冇超級市場7仔係附近」,甚至連「外國多大陸人」都講得出口。由親情勒索至日常自理,各式理由盡出,不過均被有意移民海外的港人一一反駁,指「好多嘢都係事在人為」,認為這些所謂理由,只要有心都能夠迎面解決。