英鎊匯率|英女王逝世,英鎊當時一度企穩,不過在全球通脹情況持續下,英鎊今日(9月26日)再跌至低位見8.38港元。今日(9月26日)1英鎊兌8.38港元,英倫銀行行長貝利早在7月(Andrew Bailey)警告,俄烏戰爭導致全球經濟前景顯著轉壞,商品價格飆升推高了各地的通脹,對未來數月經濟構成進一步下行風險,人們對經濟狀況格外擔憂。加上當地能源價格上升,強化市場對英國經濟前景的憂慮;加上美元持續強勢主導,英鎊走勢繼續下跌。英國為香港人移民熱點之一,英鎊創新低的應對方法針對不同人士有所不同,應入手還是觀望, 《GOtrip》訪問了樹仁大學經濟及金融學系助理教授袁偉基,拆解困局。

英鎊匯率創37年新低 專家:「睇定啲先唔好心急」

美元強勢下,英鎊持續走弱,美國聯儲局近期再議加息幅度,令美元急升。加上英國當地能源價格上升,市場對英國經濟前景有一定的憂慮,袁偉基指俄烏戰爭不斷,俄羅斯尚未重開北溪一號天然氣管道,令能源價格上升。而英國正準備踏入冬季,若能源價格及供應情況未能改善,當地生活備受影響,市場的不信任態度將會再度提升。「英國而家通脹問題嚴重,但似乎英國未有意透過加息改變情況,早前英方曾預期通脹問題會於10月到頂,因而未有作出任何行動去解決通脹問題,意思即等待自然回落的時機,但情況確實未必樂觀。」

英鎊跌 移英港人 樹仁大學經濟及金融學系助理教授袁偉基
樹仁大學經濟及金融學系助理教授袁偉基(圖片來源:袁偉基授權圖片)

英國踏入冬季通脹問題或變嚴重 英鎊有機會跌穿8算

袁續指,英國一般都較早踏入冬季,暖氣問題緊張,加上俄羅斯近日表示或會使用核武,各國對其收緊取態未有改變,相信北溪一號未必太快重新運作,令英國能源價格上升。在美金強、戰爭未止的雙管齊下,英國仍抱觀望態度未有作出反應,市場明顯沒有太大信心,「其實真係有可能重現1976年危機,除非英倫銀行出手干預,如果唔係真係有機會跌穿8。英國唔同日本,日本仍可以靠開關復興旅遊業頂上去,但英國一早開晒關都無咩大反應,估計今年內都未必升得返上去。」

英鎊跌 移英港人 專家預計英鎊或會跌穿8算
專家預計英鎊或會跌穿8算(圖片來源:[email protected] Watts)

移民港人「蝕入肉」:買咗樓就真係慘

英鎊跌,並非每個港人都表示高興,有移英港人今在討論區表示「通脹買咩都貴,但啲錢越嚟越唔見使,身家縮晒水」。袁指移民港人受到最大影響,因在當地生活逼不得已必須兌換英鎊,接下來冬季日子或更難捱。「基本上過咗去生活嘅,如果買咗樓,到而家為止最少蝕咗1成,身家都大減,真係蝕入肉。嚟緊走勢未必太樂觀,大家要有心理準備,能源消費都係一個問題。」

英鎊跌 移英港人 袁指移英港人若買了樓,最少蝕1成
袁指移英港人若買了樓,最少蝕1成(圖片來源:[email protected]曼城物業服務)

現時為趁低吸納好時機? 袁偉基:睇定啲先唔好急!

對於英鎊走勢認為「有排跌」的袁指,已移民人士沒有太多選擇,反而準備移民或想存貨的港人則建議「睇定啲」。「好早期兌換咗英鎊嘅人其實唔著數,準備移民嘅人可以當趁低吸納,但現時仍未跌到最低,大家可以再睇定啲先,唔好心急,一次過換太多又唔係急用,到時又係蝕。」相反,由於美元和港幣掛勾,手持這2種貨幣會較安全。

英鎊跌 移英港人 9月21日英鎊於兌換店的價格
9月21日英鎊於兌換店的價格(圖片來源:Ttrate.com)

常見問題

為何英鎊持續走弱?

英鎊持續走弱的原因是,首先俄烏戰爭導致全球經濟前景顯著轉壞,商品價格飆升推高了各地的通脹,加上…詳情請看

現時為趁低吸納好時機?

對於英鎊走勢,英國而家通脹問題嚴重,但似乎英國…詳情請看

圖片來源:Google、袁偉基授權圖片、[email protected] Watts、[email protected]曼城物業服務、Ttrate.com