【移民英國】個個都想移民英國,不過手頭資金卻不爭氣,或者大部分資金正在投資或轉為物業。再考慮到英國當地財政、稅務等問題,真係諗到頭都爆!facebook blogger「抗疫爸爸」於英國居住了8年,近日分享了部分港人最關心的移英資產配置問題,提出三個處理資金方法,並略提英國稅務必知資訊。

撰文:抗疫爸爸|編輯:CY|圖片來源:unsplash

移民英國|教你用盡免稅額!移英港人常見3大資產配置攻略|附稅務資訊

我諗好多30至40歲,有BNO有細路嘅朋友,都諗緊申請BNO visa去英國,第一個問題就係去到英國夠唔夠錢玩6年,所以就打算大家討論下財政、稅務及資產配置等錢銀問題。

假設你:
30至40歲嘅夫婦,假設你哋兩個都有返工,層樓供咗5至10年,樓價升咗5成至1倍,仲有幾十萬,甚至過百萬資金同MPF,有2至3個細路讀緊書。當你會去啲二、三線城市搵中產區住,等個細路去啲正常公立學校讀書。因為冇得請外地傭工,就需要一人睇細路,一人出去搵食。

移民英國, 移居英國, 英國稅務, 移英資金, 對策
移民英國|([email protected]

方法1. 太空人大法

唔賣樓,一個人繼續留港,搵錢畀居英嘅家人,直到香港冇得撈先過去英國。

好處:

  • 香港收入不用交英國稅,香港層樓仲可以租埋出去玩以租代供,一來博升值,二來萬一英國住唔慣仲可以返香港,進可攻退可守,再租間劏房住又慳一萬幾千。

壞處:

  • 家人兩地分離,唔係成個家庭完整過英國,唔知批唔批BNO visa。而且香港層樓在joint property rule下,一半租金收入可能都要報英國稅(未必過英國個人免稅額),遲下賣香港樓要交英國capital gain tax (CGT)。

方法2. 收租食息 —— 港樓港股

香港層樓出租,有餘錢買股票收股息,全家過去英國生活。

好處:

  • 港樓租值高,但扣除供樓後是否足夠支持在英生活?如果淨租金夠高,喺英國炒下散就得,生活無憂。

壞處:

  • 人在英國,身家在香港,萬一有意外就total loss:香港租金/股息/利息收入一樣要交英國稅,香港層樓並非英國稅法下嘅main home,遲下賣香港樓要交英國capital gain tax (CGT)。

方法3. 賣樓過英炒散度日

賣咗香港層樓,去英國炒散度日。

賣咗香港層樓清咗按揭,當你坐夠監唔使畀SSD(額外印花稅),計埋升值,少則收番有二、三百萬,多則有四、五百萬,加埋手上嘅流動資產同MPF,應該再多一、兩百萬。

咁多錢夠你去英國二、三線城市買間細屋,仲有錢剩去買股買債收息,又或買多層英國樓收租,得閒炒下散幫補下,最好其中一人搵到份full-time做。

好處:

  • 賣咗香港層樓先去英國,香港賣樓唔使交英國capital gain tax (CGT),英國買嘅住所係main home,將來亦唔使交capital gain tax (CGT),慳好多。
    買咗英國樓自住,就唔使賺錢去交租,少咗收入就變相交少咗英國稅。

壞處:

  • 你要有好大舊錢去買樓收租同投資賺息先得,一開波去買樓,人生路不熟,買錯地方就慘喇!而且租金回報率要減埋地方稅同埋維修雜費,未必有3%。

移民英國, 移居英國, 英國稅務, 移英資金, 對策
移民英國|([email protected]

英國稅項簡介

你住得喺英國就要交稅。

英國利息/租金收入計入個人income tax內,個人收入首12,500英鎊personal allowance免稅,之後收20%,超過50,000英鎊收40%,如夫婦其中一人收入低過個人免稅額12,500英鎊,英國嘅marriage allowance最多畀你轉1,250英鎊去你嘅伴侶度作減稅用。

利息收入(包銀行存款、國債/公司債、基金) 在personal allowance上仲有額外免稅額5,000英鎊(starting rate for savings)及1,000英鎊(personal savings allowance)。股息另外計,首2,000英鎊免稅,dividend tax rate 7.5% (37,500英鎊以下)。

Capital gain tax (CGT),賣樓(28%)賣股(20%)都要畀。不過CGT都有免稅額,一年有12,300英鎊,基金只有6,150英鎊。仲有地方稅council tax同NHS surcharge,冇收入都要畀。

移民英國, 移居英國, 英國稅務, 移英資金, 對策
移民英國|([email protected]

睇完以上資料,估計聰明嘅香港人會識如何去分配資產收入同報稅去食盡啲免稅額,最簡單係用聯名物業50:50去分配租金收入同分開報稅,及各自買債買股。利息收入可以扣personal allowance免稅,即係你哋返工收入加收租食利息股息,兩夫婦去到盡可以有41,000英鎊免稅額。

至於賣唔賣層港樓,你唔賣都可以租出去,又或係做二按cashout匯去英國買樓投資,以租代供,但始終你有大舊身家在香港,人在外而錢唔走,真攬炒就乜都冇,就要自己衡量下風險。

下面仲有慳錢小貼士。

移民英國, 移居英國, 英國稅務, 移英資金, 對策, 免稅額
移民英國|([email protected]

小貼士:移民英國點慳錢?

「住」係最大開支;「食」你去超市買餸自煮;「行」買架二手車或者坐巴士。

「學費」方面,細路入到public school(合法居留可享有免費公立教育),就唔好去讀私校/boarding school。所以要搵啲中產區住,當然羊毛出自羊身上,中產區council tax就會高啲。

除非你喺倫敦搵到份好工,去二、三線城市住平過住倫敦市郊係常識。如果玩太空人大法,一個大人帶1至2個細路,真係唔使住大屋;又或係幾個小家庭一齊過去,可以玩合租,或租間房畀人(咁都有7,500英鎊免稅)。

圖片來源:unsplash


延伸閱讀:移民英國|一家四口生活費不需港幣1萬元!餐單日常開支大公開

移民英國, 英國物價, 英國生活費, 英國開支, 英國生活, 英國


延伸閱讀:【移居英國】留英港人親身分享 15件移居英國必知的事!

移民英國|一家四口生活費不需港幣1萬元!餐單日常開支大公開