【Netflix 鬆弛熊】日本人氣卡通人物角色鬆弛熊,4月份於Netflix上架咗一共13集定格動畫,鬆弛熊一貫悠閒懶散嘅性格及行動依然非常討喜、治癒。喺睇動畫嘅時候,你又有冇諗過其實係點樣製作嘅呢?原來呢部定格動畫《輕鬆小熊與小薰》,係出自世界知名定格動畫公司,耗時2年完成嘅精心製作!

撰文:C|圖片及資料來源:「リラックマとカオルさん」メイキング映像

Netflix 鬆弛熊 定格動畫劇集

故事內容講述一名普通OL上班族小薰(多部未華子聲演),意外地迎來2位新同居好友:鬆弛熊及白色小熊,每日都懶洋洋、輕輕鬆鬆的。但就因為咁嘅性格,同埋可愛模樣而甚得女主角歡心。故事圍繞小薰、寵物黃色小雞及2隻小熊溫馨平淡嘅日常生活。

Netflix鬆弛熊定格動畫劇集畫面。

故事劇情極具生活感

劇情情節非常簡單,例如有一行人閒逛河邊、小薰上班時遇到不順心等情節,簡單瑣碎得嚟,濃厚生活感容易令人有代入感,係一部治癒型動畫劇集。適合一眾希望忙裡偷閒嘅打工仔。

濃厚生活感容易令人有代入感,係一部治癒型動畫劇集。

世界級製作!

於Netflix上架嘅《輕鬆小熊與小薰》,由世界最高水準嘅定格動畫公司Dwarf製作。

動畫劇集由世界最高水準嘅定格動畫公司Dwarf製作。

導演小林雅仁稱,一共13集嘅定格動畫劇集,製作時間約2年,只係拍攝都已經需時約7個月時間!

總製作時間約2年。

拍攝花費約7個月時間才完成。

劇集一共拍咗22萬格影像鏡頭,而每一位動畫師,一日最多拍攝到約10秒鏡頭。製作認真之餘,所有細節都處理得非常精細!

一共拍攝了22萬格影像鏡頭。

每位動畫師一日最多拍攝到約10秒鏡頭。

編劇荻上直子發揮出更強創作力,利用定格動畫嘅無限空間,實現飛上太空、與雪人共舞等天馬行空嘅畫面。描繪得細緻清晰的storyboard亦令導演更能掌握到節奏及劇情。

拍攝時實際採用的storyboard圖像。

拍攝時實際採用的storyboard圖像。

超精細場景設計

劇集裡每一個環境細節都處理得甚是精細,濃厚嘅生活感,甚至能令人產生「係咪真係有人喺呢個世界生活」嘅真實感。

劇集裡每一個環境細節都處理得甚是精細!

小道具之外,光線嘅角度同飽和度亦係劇組特別注意嘅細節,例如咩時分嘅陽光應該由咩角度照入、光度應該幾多先適合。

連燈光角度也非常講究。

女主角小薰係一個普通OL上班族,生活中所遇見嘅事情,同大部分觀眾都相同。編劇希望帶出嘅係,日常生活令你忙得焦頭爛額時,會唔會亦令你忘卻咗生活裡一些小小嘅開心事呢?希望鬆弛熊能讓觀眾從日常嘅緊張感中放鬆下來,舒一口氣。

女主角小薰

Netflix《輕鬆小熊與小薰》製作片段

Netflix《輕鬆小熊與小薰》製作片段

Netflix《輕鬆小熊與小薰》製作片段

Netflix《輕鬆小熊與小薰》製作片段