【女生潮流】秋冬時節,又係戴帽嘅好時機。當中最受歡迎嘅款式,肯定有貝雷帽份!雖然係大人氣單品,但無論係戴法,定係合襯嘅髮型,都令唔少人感到困難。今次就睇下日本妹戴貝雷帽時會襯咩髮型、戴法,以及穿搭。

撰文:CR|圖片來源:HAIR、WEAR、ZOZOTOWN

貝雷帽穿搭+髮型介紹

1|Bob頭

短髮bob頭同貝雷帽相性最好。但因為bob頭嘅頭髮長度較短,要編髮嘅話,較為有難度。不過,只要將髮尾往內捲一圈,再戴上貝雷帽,就能營造girlish印象。

Wataru [email protected]

貝雷帽 x 眉上劉海bob頭:以衣服穿搭為重點

眉上劉海同貝雷帽非常合襯!戴上帽後,能將劉海固定,防止劉海吹散。

戴帽小技巧:首先喺頭嘅前方放上帽,固定位置。然後邊壓住前髮,邊將帽嘅另一端拉到後腦,呢個戴法可以將前髮漂亮固定住。

チョコビ@ZOZOTOWN

貝雷帽 x 單辮:成熟風束髮

將前髮收進帽內,其餘頭髮梳到後腦位置束成1條辮,打造清爽造型。但將所有頭髮緊緊束成辮,則會感覺太硬朗。用手指將頭髮逐少抽出,營造鬆垮感可令整體感覺更溫柔。

臉嘅兩側、貝雷帽下見到少許髮絲係造型重點!可以增添可愛感。而貝雷帽嘅戴法,則推薦戴深啲。

陽@WEAR

貝雷帽 x 內捲bob頭:造型更富女人味

將前髮露出嘅內捲bob頭,適合鬆啲嘅戴法。而bob頭最大好處就係唔需要過多嘅setting,就可以將貝雷帽戴得好好睇。兩側頭髮繑耳可令整體感覺更加清爽。

ちょこび@WEAR

貝雷帽 x 曲髮:適合鮮色服裝配搭打造個性感

色彩繽紛嘅穿搭,再加上電成曲髮嘅bob頭,適合土黃色嘅貝雷帽。

捲至蓬鬆嘅曲髮bob頭富有分量感,而貝雷帽就剛好可以作出平衡,減輕頭髮嘅分量感,令整體感覺更舒服。另一方面,將前髮藏起嘅戴法都非常合襯。

麻絵@WEAR

貝雷帽 x 短髮bob頭:可愛感倍增!

啡色髮色嘅短髮bob頭,同土黃色貝雷帽相當合襯。想增添可愛感嘅話,建議戴淺啲,唔好遮蓋前髮。

髮型唔需要太過花俏,將一邊頭髮掛耳便已足夠,僅僅係咁已經可以提高可愛感。佩戴吊飾較大嘅耳環或長耳環,可令整體配搭更添可愛感。

maamin♡@WEAR

貝雷帽 x 外捲:中性冷酷風

如果想將前髮收起,則適合戴深啲。髮型方面,只需將髮尾往外捲,就可以輕鬆打造潮流感。如果有時前髮「唔聽話」,又或者早上時間緊迫,冇時間set頭,可以試下呢個造型!

[email protected]

滾邊貝雷帽 x 鬈髮:注意別戴得太深!

有滾邊設計嘅貝雷帽款,推薦輕輕放上頭般嘅戴法。帽子稍微往後傾斜,望起嚟會更有可愛感。由於呢種設計唔適合戴得太深,因此推薦露出前髮。

髮型加上少許波浪鬈,可提升casual感。

[email protected]

2|中長髮

中長鬈髮適合針織貝雷帽。針織貝雷帽以後方為重點,可以令整體平衡感更好。另一方面,中長髮配貝雷帽,更可以營造出令人想保護嘅girlish感!

塩釜 勇人@HAIR

貝雷帽 x 低馬尾:用角度改變個人氛圍

臉頰兩邊留下多啲頭髮,後方頭髮則束成一條低馬尾,然後再配上貝雷帽。

透過臉頰兩側留有嘅頭髮,從正面睇有bob頭感覺,側面睇則有潮流感,由唔同角度睇,可以令人有唔同印象。

陽@WEAR

貝雷帽 x 麻花辮/魚尾辮:適合休閒風

想走休閒風打扮時,建議以麻花辮/魚尾辮配襯貝雷帽。可以有效營造文學少女感嘅古典風,配搭one- piece都非常合襯!

[email protected]

貝雷帽 x 編髮

戴上貝雷帽時,想將頭髮盤起,最簡單嘅編髮造型係「kururinpa」,即將頭髮綁成一束,將橡筋拉鬆,喺綁住嘅頭髮中間拉開一個洞,然後將髮尾翻入洞口並再次將髮束拉緊。

搭配貝雷帽時,可以就咁喺後腦反複用「kururinpa」編成成熟風,又或者只翻一次,然後收起髮尾,束成髮髻。

山口 卓哉@HAIR

3|長頭髮

頭髮嘅長度同量足夠嘅話,可以選擇嘅編髮種類自然較為豐富,而貝雷帽更可以作為冇時間做styling時最好嘅搭配小幫手!

[email protected]

貝雷帽 x 低馬尾:髮尾加添小技巧增加可愛感!

貝雷帽+馬尾可以增添時尚感,帽色推薦使用黑色或啡紅色。配搭重點在於喺後頸留有一、兩小撮頭髮!將其餘頭髮束好後,再戴上耳環等小飾品,可更添時尚感。

浅倉 まい@WEAR

貝雷帽 x 髮髻:種類豐富

團子髮髻簡單俐落,適合多種不同衣服造型。將髮髻束於側面,可增添時尚可愛感。當然,都可以選擇將髮髻收於帽內,然後將臉頰兩側嘅頭髮輕輕捲曲,可更添女性可愛感。

miho?ニニ@WEAR

貝雷帽 x 超長長髮:搭配全黑造型!

由於係全黑造型,將前髮收入帽內,可令印象變得清爽。唔需要過多華麗嘅編髮,就能有淑女感嘅,係長髮獨有嘅魅力。全身黑色造型,配搭黑色貝雷帽,可令整體感覺變得成熟。

[email protected]

延伸閱讀:【穿搭技巧】4招擺脫沉悶造型 日本妹教你「衣服重生」穿搭術|用顏色解決秋冬厚重感