【護膚 保養】馬上又迎來畢業嘅季節,準備見工嘅社會新鮮人難免要開始化妝。雖然關於化妝品嘅情報非常之多,但若一個唔小心,好容易會引起皮膚敏感等問題!喺東京銀座開設皮膚科診所嘅吉木伸子院長就有下面嘅建議,及需要注意嘅事項。

撰文:C|資料來源:よしき皮膚科クリニック銀座|圖片:新傳媒資料庫、@cosme、樂天市場

皮膚專科醫生的6大護膚保養貼士

1|小心洗走皮膚內的保濕物質

關於護膚導致嘅皮膚問題特別多。一般程序為用卸妝產品將化妝品溶出、浮起,然後用潔面產品洗走。吉木院長指,為肌膚保濕嘅並唔係油脂,而係角質層中含有嘅,稱為「神經醯胺」嘅物質嚟為肌膚保濕。若果洗臉時沒注意,過度清洗,可能會導致呢種物質溶化流失。

1|小心洗走皮膚內的保濕物質

2|「短時間」的陷阱

早晨永遠特別忙碌,起床後,就要準備返學/返工,因此喺護膚嘅世界,都流行「縮時產品」。例如卸妝產品中,不難見到有標榜「1分鐘就完成卸妝」、「一抹即卸」等人氣商品。

圖片來源:樂天市場

吉木院長指,卸妝卸得快嘅產品一般都係清潔力較強,容易奪去皮膚內嘅「神經醯胺」,並成為皮膚乾燥、敏感嘅原因。就算係標榜「one step cleansing」嘅產品,雙重清潔都係洗臉嘅基本。用cream狀或gel狀嘅卸妝產品,並配合番梘清潔最好。

2|「短時間」的陷阱

3|所有護膚程序該直接用手

吉木院長再三強調,要保持皮膚好嘅話,「不觸碰」係非常重要嘅事項!例如卸妝時,為咗清出毛孔內污垢而搓擦臉部、狂拍化妝水、塗精華時太用力按壓等等,長年咁樣觸碰得愈多愈耐,會導致黑色素及細紋增加。

要保持皮膚好嘅話,「不觸碰」係非常重要嘅事項!

建議由卸妝至保濕護膚,所有程序合計3分鐘以內完成,減低對皮膚嘅刺激。此外,因使用化妝棉等工具會容易對皮膚造成刺激,所以推薦所有程序直接用雙手進行。

使用化妝棉等工具會容易對皮膚造成刺激。

另外,護膚品使用數量亦該好好決定。洗臉後塗上臉嘅產品,最好2-3款以內。如果使用產品中含有「神經醯胺」,咁基本上只用該款產品就已足夠有保濕效果。

4|有機成分唔代表100%安全

近年有唔少產品都標榜成分「低刺激」,但「低刺激」並冇特別基準分別,點先叫真係「低刺激」,因此不能盡信。

咁選擇成分溫和嘅化妝品有咩竅門呢?第一樣嘢係檢查顯示嘅成分種類,成分愈多,顯示容易致敏嘅機率愈大。無論係化妝水定係其他產品,成分愈少,愈難以引致肌膚問題。

即使係有機成分護膚品,都唔代表所有人都適合使用。

唔少人都認為有機化妝品就等同100%安全,吉木院長則不認同。院長指,食物嘅話就當然有機嘅好,但化妝品唔同,植物萃取物成分較為複雜,塗抹上臉,其實也容易引起敏感。

5|用固體番梘洗臉最好

市面上有液態、泡沫狀等各種不同形態嘅潔面產品,但吉木院長最推薦使用嘅,係固體番梘,因番梘嘅添加物較少,成分較為溫和,對皮膚較溫柔。即使有唔少人話朝早只需用水洗臉,但其實睡覺時都會有皮脂排出,因此朝早都需要用番梘清潔臉部。皮脂殘留係導致毛孔粗大嘅原因。

5|用固體番梘洗臉最好

6|化妝品愈貴愈好?

雖說並不能話愈貴嘅產品,效用就愈好,但也不能否定與價格之間嘅一定關係,始終品質與價格多數為正比。

價錢唔係衡量質素嘅最高標準,購買時,應先檢查成分標籤!(圖片來源:@cosme)

特別係卸妝產品同保濕液不能求其買!卸妝應選擇cream或gel等對皮膚溫和嘅款式,保濕美容液則選擇含有「神經醯胺」或透明質酸成分嘅產品,呢兩種產品都在約3,000円(約HK$210)左右價位。番梘則低於1,000円(約HK$70)都冇所謂,化妝水搽唔搽亦不會有影響。

下一頁:日本cosme大賞化妝品|最強口碑!平價品牌表現優秀|CEZANNE、KATE攻入top 3

下一頁:【日本必買2019】藥妝店銷量Top 3護膚品排名|MINON乳液打入榜首、NIVEA成潤膚霜王者!