生活中總會有一間麵包店在你附近,不少人都喜愛吃麵包。不過有居住油塘的街坊表示,油塘商場麵包店供過於求「包全部都係包,食到唔想再食」,大呻「唔想再要包舖啦成8間啦」!有網民建議商場應該進駐甜品舖、咖啡店等,希望可以有多點選擇!

油塘商場已經有8間麵包店

最近有油塘街坊表示,油塘商場開太多麵包店,大本型有Antoshimo Cafe and Bakery、85。C、聖安娜、奇華,鯉魚門廣場有蛋撻王、半熟工房、美心、A1 Bakery、Chateraise,另外小商場亦有勝園餅家、山崎等,最少有11間麵包店。街坊表示「之前許留山店舖位置又開麵包店啊,由地鐵站A出口算,美心,之後有聖安娜,上一層就未開呢間,地下有太興,一樓有85。C,2樓有AEON,唔駛咁多麵包店掛,仲未計鯉魚門廣場有8間麵包店」。

油塘大本型
油塘大本型(圖片來源:google街景)

網民:油塘真係冇嘢多,最多係麵包呀

有網民表示「我前日都發現咗,油塘人係咪淨係可以食麵包」、「如果有旅客問油塘有咩好食呀?答佢食包啦」,有街坊發現不只油塘商場多麵包舖,連地鐵都有Yamazuki、美心和唐記,直言「油塘真係冇嘢多,最多係麵包呀」,不少街坊紛紛留言,食花生叫大家食麵包當飯,有網民即反駁「最慘而家啲包買兩個先飽,分分鐘貴過食飯」、「仲要唔飽」、「飲食沙漠」、「即係話麵包利潤好高」、「啲包貴到死呀,又不是好食喎,得個甜字」。

油塘 大本型有Antoshimo Cafe and Bakery、85。C、聖安娜、奇華,鯉魚門廣場有蛋撻王、半熟工房、美心、A1 Bakery、Chateraise,另外小商場亦有勝園餅家、山崎等,最少有11間麵包店。
大本型有Antoshimo Cafe and Bakery、85。C、聖安娜、奇華,鯉魚門廣場有蛋撻王、半熟工房、美心、A1 Bakery、Chateraise,另外小商場亦有勝園餅家、山崎等,最少有11間麵包店。(圖片來源:[email protected]家@油塘)

街坊建議開甜品舖

有網民表示唔鍾意食包,亦有網民表示想要糖水舖,「我好掛住許留山,我其實一星期都買一次。至愛多芒小丸子,油塘都無間甜品舖。油塘中心嗰間唔掂,大本型2樓嗰間又唔係甜品,糖水都Ma Ma」。

油塘 我好掛住許留山,我其實一星期都買一次。至愛多芒小丸子,油塘都無間甜品舖。
我好掛住許留山,我其實一星期都買一次。至愛多芒小丸子,油塘都無間甜品舖。(圖片來源:[email protected]許留山)

街坊建議開咖啡店

有網民建議開華御結、批&Tart、西樹、阿波羅等小店,亦有街坊表示想有星巴克、Pacific Coffee等咖啡店,「有時想搵間嘢坐下 chill下,乜都無,呢個位其實一定多人」、「同意,落到藍田都冇」、「pacific coffee都OK呀,得間85度,位又少」。

油塘 pacific coffee都OK呀,得間85度,位又少
pacific coffee都OK呀,得間85度,位又少(圖片來源:[email protected] Coffee)

原文刊於《新假期

圖片來源:[email protected]許留山、[email protected] Coffee、google街景、[email protected]家@油塘

相關文章