某些快餐企業會聘請智障人士工作,給予讓他們工作機會,從而自力更生免被社會隔絕。近日就有連登巴打分享一段遇到智障人士送Pizza外賣時的經歷,他送外賣時唔小心打翻Pizza,因此拒收貼士,當中拒絕嘅原因仲令網民眼濕濕,仲激讚他的工作態度。

撰文:GW|來源:Lihkg

事緣有網民在連登討論區發帖稱讚Pizza BOX食物質素中上,仲聘請匡智人士送外賣,認為送外賣這件事對他們不是易事,既要搵路、又要拎穩食物、要找錢、要對單、仲要聯絡客人,認為他們非常叻仔可以自力更生。非常欣賞呢間公司肯為弱勢群體做事,仲希望大家比多小小貼士佢地,當作支持及鼓勵他們。

發帖者原文

發帖者原文

然後就引來另一位巴打回應帖文,他指自己同樣遇到智障人士送外賣,但收到時是兩個打翻的Pizza。他一路喊一路向事主講對唔住,並話自己因為過馬路時有小巴衝燈,嚇到他跌倒及打翻Pizza。

送外賣對弱智人士其實一啲都唔簡單

事主遂問他有無事,他回應無事,事主大方的照樣收貨及付款,但他不肯收取貼士,並說道「做得好就可以收,做得唔好唔可以收!」事主便問「是誰教會你的?」他回應「去咗好遠嘅爸爸。」網民看到這邊就覺得心酸又心疼,惹哭不少網民,同時大讚他懂事及認真工作。

網民感動又心酸

但故事仍未結束,隔了半小時後事主收到Pizza BOX電話,指知道外送員打爛了Pizza,話下次免費補送,事主稱不需要,但電話的那頭說「送餐者話一定要」,並指最初佢仲話「要自己出錢」,舖頭勸了他很久他才願意不付錢。

這一份對自己工作的堅持很多人都做不到

也有網民指,其實他們因為智力所限,他們比常人單純,所以更守規矩更少偷懶,步驟少錯漏效率也高,適合做一些重複性較高的工作,希望大家多包容,更不要吝嗇稱讚,更加更加不要歧視他們。

分享者原文

分享者原文