【春裝 顯瘦穿搭】春天氣溫暖和,冇得再著多幾層衫遮蓋身形⋯⋯而且春季服裝大多都是白色、鮮色系、材質輕盈的款式。靚還靚,但總覺得好「蝦人著」?咁可能係件衫出錯!睇下體形並非特別瘦削嘅日本女生,有咩春裝顯瘦穿搭法!

撰文:C|圖片:WEAR

春裝 顯瘦穿搭法

NG穿搭:暖色系顯肥!

春裝第一個顯肥嘅原因在於顏色選擇!以白色為首,紅色、橙色、黃色等暖色系都係顯肥嘅顏色,亦係稱為「膨脹色」嘅色系。如果唔識得好好運用有平衡效果嘅顏色或花紋,好容易會顯得臃腫。

圖片來源:[email protected]

OK穿搭:選擇冷色系

相反地,藍色、綠色、深藍色等等,則被稱為「收縮色」,亦即係著用冷色系服裝嘅話,更容易營造顯瘦效果。如果係以白色為基調嘅糖果色服飾,可選上衣或下身,甚至作為飾物等等,聚焦到其中一點便可。

圖片來源:[email protected]ぴょん

NG穿搭:A字連身裙易出事!

裙襬設計為傘裙的A字連身裙雖然可愛,但缺點在於容易顯肥!就咁單穿嘅話,就連腰線都被遮蓋,顯得又肥又橫,容易予人全身都肥嘅印象。

OK穿搭:加皮帶強調腰線

著連身裙時,推薦盡量喺腰間加番條belt強調腰線,特別係剪裁直身嘅連身裙。又或選擇束腰款式連身裙。

圖片來源:[email protected]美南レイラ

NG穿搭:橫間條紋顯「大隻」

橫間條紋望落充滿膨脹感,容易將身體拉到好橫。如果非要揀橫間條紋,選擇啡色或深藍色等深色色系,可起到緊致效果。

圖片來源:[email protected]

OK穿搭:直間條紋恤衫更顯瘦

由於直間條紋恤衫會強調直線,令身體線條顯得更俐落窄長,具有顯瘦效果。下身著貼身嘅黑色skinny會有更佳緊致身形的效果。

圖片來源:[email protected]りこ