好熱呀!要怪就怪自己唔好好愛錫地球,家陣未到端午節已經熱到「慶合合」,呢個夏天真係要去南半球避下暑至掂!朋友介紹去南半球嘅新西蘭Queenstown同澳洲墨爾本Mt. Buller滑雪,皆因這些地方雪場大而裝備齊,當地人亦甚為熱情,絕對係個避暑勝地,有緣仲可以 睇南極光 !

(Presented by Shiseido)

涼晒~南半球兩大滑雪勝地

立夏已到,即係話你知,熱辣辣嘅夏天is coming!與其日日開冷氣,不如去南半球避暑,咁就即時爽晒~而家南半球已步入冬天,鍾意滑雪嘅朋友要留意!我Miss Sunny嘅朋友仔就介紹以下兩大滑雪點,話消暑一流!

刺激玩樂集中地:新西蘭南島皇后鎮

如果並非滑雪愛好者,會覺得整日滑雪有點沉悶,皇后鎮就啱晒鍾意緊張刺激玩意嘅朋友仔。一到冬季,皇后鎮就有冬季嘉年華,加上附近有多個適合初、中、高級滑雪者嘅滑雪場,玩幾多日都唔會悶。

01
記住必去皇后鎮附近嘅世界遺產Midford Sound米爾福德峽灣,嗰度除咗風景靚,仲有一系列local tour供旅客遊玩,可以睇下水底照觀,又或者享受個船上午餐,好寫意呀!

最受歡迎嘅係最近市中心嘅皇冠峰滑雪場Coronet Peak,嗰度有唔同程度嘅滑道提供,而且滑道分隔仔細,初學者同較高難度嘅滑道完全分開,咁就唔使擔心危險。推介不太高難度但好玩刺激嘅M1滑道,啱晒初試者玩。場地仲有兒童滑雪班,照顧埋小朋友需要添!皇冠峰仲會配合皇后鎮嘅冬日節慶,舉行多項雪地活動,過往就有「紙皮箱滑山」等過癮比賽,亦有滑雪比賽、越野單車比賽等,活動超豐富。

睇南極光
坐擁4大滑雪場嘅皇后鎮,白皚皚嘅迷人雪景,唔識滑雪都要去!

如果嫌皇冠峰人多擠迫,皇后鎮附近還有多個滑雪場任你揀,如The Remarkables,唔少網友都讚嗰度風景超靚,仲有著名嘅Cardrona ski field同位於小鎮外圍、景色絕佳嘅Treble Cone ski field,都係去皇后鎮必到景點!

知多啲:

Coronet Peak開放日期:6月17日

https://www.nzski.com/queenstown/the-mountains/coronet-peak

The Remarkables開放日期:6月10日

https://www.nzski.com/queenstown/the-mountains/the-remarkables

03
想欣賞迷人嘅雪景,就一定要去鮑伯山峰打卡,兼試坐全南半球最斜纜車行線之一嘅恭多拉纜車。登上鮑伯峰山頂可以欣賞到皇后鎮同瓦卡蒂普湖嘅絕美風景致。喺嗰度你仲可以試玩Queenstown skyline luge、滑翔傘、單車和遠足步道等驚險刺激活動!

澳洲最方便滑雪場:Mt. Buller

澳洲是個旅行的好地方,夏天可以享受陽光與海灘,到了冬天就有滑雪場等你去大展身手。位於墨爾本嘅Mt. Buller雪山,距離市中心約3個小時車程,是澳洲交通最便利嘅滑雪場,而Mt. Buller滑雪場是維多利亞地區登山纜車規模最大嘅。位處高山嘅度假村觀景壯麗,住宿設施亦齊備完善。Mt. Buller同樣備有唔同滑道俾不同程度嘅滑雪友,初學者可選位於南邊嘅ABOM快速登山纜車旁,而中級就可以揀喺Summit同Wombat纜車旁嘅滑道。

Mt. Buller滑雪場適合大人細路玩,3歲以上就可以學滑雪,仲有Kids Center「寄存」小朋友,爹哋媽咪就可以輕鬆下。除咗滑雪,仲有行山遠足團、直升機遊雪山等local tour,真係玩幾日都得呀!

睇南極光
Mt. Buller滑雪場係澳洲最方便嘅滑雪勝地!

05
Mt. Buller滑雪場面積頗大,就算人多都唔會迫。

詳情:http://www.mtbuller.com.au/Winter/

如果有時間,亦可以向墨爾本東北方向出發,約5小時車程會到鄰近嘅Alphine National Park。呢個滑雪場設施亦好齊全,初、中、高嘅裝備同滑道都有,仲有小房子供遊客住宿,加上活動多籮籮,滑完雪仲可以玩雪地摩托車、Snow Tubing、Snow Bike,小朋友就可以玩Snow Dragon添!

詳情:www.fallscreek.com.au

可遇不可求,有緣要 睇南極光 !

去到皇后鎮,如果「緣分」到,記住要 睇南極光 。南極光顏色偏粉紅、偏橙,同以綠光為主嘅北極光有唔同,但由於南半球海洋多陸地少,加上較難預測,所以要睇到南極光就真係要睇緣分喇!喺位處南緯度67度附近嘅兩個環帶狀區域內,就有機會見到,最熱門嘅地方包括新西蘭南島蒂卡波湖(Lake Tekapo)同皇后鎮(Queenstown),澳洲嘅塔斯曼尼亞(Tasmania)都會間唔中出現,想 睇南極光 ,真係要講句「祝君好運」!

睇南極光
浪漫嘅南極光比起北極光更難預測,要見到真係要睇緣分。

溫馨提示:去雪地必備防曬裝備!

去到天寒地凍嘅雪地,要準備嘅除咗雪褸、skiing裝備外,有樣嘢都一定要帶備,唔記得帶,會「出事呀」!係咪~咪就係佢囉……防曬護膚品!雪地會反射陽光與紫外線,一個唔小心,曬黑嘅機會唔會比起享受陽光與海灘低!而喺雪地玩,少不免接觸雪水,咁就梗係要揀高效防曬兼防水力強嘅護膚品,就如擁有WetForce防曬技術嘅Shiseido防曬系列,佢哋採用WetForce防曬技術,防曬層遇水會更堅固,水凝得來又唔黏膩,可以幫你全方位隔絕紫外線,咁就玩得更安心!

HyperFocal: 0

介紹番3款啱晒滑雪用兼質地清爽唔黏膩嘅防曬霜俾你,(左)Shiseido Perfect UV Protector SPF 50+ PA++++(HK$340)採用WetForce及專利防曬技術SuperVeil-UV 360™,高度防曬、高度防水防汗,仲可以用一般潔膚產品卸除;(中)集防禦、修護及美肌三重功效於一身嘅Shiseido BB for Sports SPF 50+ PA+++(HK$290),有3種顏色俾你揀,等你喺陽光下膚色更健康;(右)Shiseido Perfect UV Protector HydroFresh SPF 50+ PA++++(HK$340),啫喱配方好輕盈,水凝唔黏膩,滲透力強,最適合戶外活動用。