事先利申,全文非廣告,介紹的都是我用緊的好物,品牌會比較小眾,雖然唔係大牌護膚品,但質素絕對有保證!

01 | 日本ands beauty Celcure亮肌滋潤保濕液


其實呢個品牌喺日本好出名,係樂敦藥業旗下品牌,專門研發醫學護膚品!今次就介紹佢哋嘅化妝水畀大家!

其實佢哋大部分嘅護膚品都含有維他命ACE,剩係呢點已經勁過出面唔少大牌子。而呢款化妝水除咗有維他命ACE外,仲含有黑豆漿發酵物,可以延緩肌膚老化!質地方面比起一般水質濃稠少少,感覺滋潤保濕,但唔會覺膩。

冬天藥妝, Celcure
$250/120ml

02 | 新西蘭Antipodes H2O Intensive 補水精華

Antipodes 嘅全線產品都係用有機、天然嘅水果、植物、精油造成,成分好靚但價錢尚算合理。主要成分係當地耕種嘅葡萄籽,具有好強嘅抗氧化功效,官方話佢能夠刺激人皮膚細胞中膠原生成的合成高達72%!質地好水潤同埋好快好快真係好快吸收!除咗好保濕之外,個人覺得愈用毛孔愈細緻!

冬天藥妝, Antipodes H2O intensive
$328/30ml

03 | 新西蘭Apicare 麥盧卡蜂蜜面霜

呢款面霜所含嘅並唔係普通蜜糖,係蜜糖界比較矜貴嘅麥盧卡蜂蜜!一塗上面就會聞到好香濃嘅manuka honey 獨特香味,因為佢用咗成30%嘅manuka honey! 可以有效穩定面部肌膚、紓緩牛皮癬、濕疹、皮炎等症狀。長期用可以強化皮膚屏障,同敏感say bye-bye!

冬天藥妝, Apicare
$260/50g

04 | 澳洲Botani 巴西莓活性防禦精華

相信已經愈來愈多人明白護膚油嘅好處,眾多護膚油裡面我首推角鯊烯。角鯊烯係我哋皮膚本身有嘅天然油脂,幫助皮膚鎖水、抗氧化同抵抗外間刺激,不過好多時我哋過分清潔、年紀老化都會令角鯊烯變少,適當補充會有助皮膚變得健康,不易敏感。

冬天藥妝, Botani
$390/15ml

冬天藥妝, Botani

05 |  Epionce Enriched Firming Mask

Paper mask係方便,但市面上9成紙面膜都有較多防腐劑,而且紙質參差,cream mask/ gel mask 就普遍少好多問題,而且敷cream mask 有彈性,可以根據皮膚狀況決定敷幾厚,甚至唔同類型嘅面膜。

我近排最愛就係醫學品牌Epionce 嘅Enriched Firming Mask,佢非常保濕之餘,仲抗炎抗紅抗敏感,敷咗佢暗粒都會少啲,唔係我講,臨床科學都證實佢可於45分鐘內修復保護層功能達89%!個人覺得佢真係一隻幾全能嘅面膜!

冬天藥妝, Epionce
$380/75ml

06 | 寶藝凍膜

至於清潔面膜,冬天我會推介寶藝,我分別用過紫水晶凍極淨煥白凝凍同q10 酵素冷膜。兩隻都好用,紫水晶會即時美白,乾淨得嚟一啲都唔乾,啱晒冬天用。

冬天藥妝, 寶藝凍膜
$185 /550g

07 | Aesop Body Balm

如果你同我一樣,身體皮膚極乾,推介你用Aesop Body Balm!價錢係貴過你喺萬寧Watsons 買嘅,但成分高質,用好多靚油(甜杏仁油、柑橘皮油、椰子油、 澳洲堅果籽油、小麥胚芽油等等),唔係化學嘢,其實有時皮膚過敏呀痕呀就係因為我哋搽太多化嘢呀!我覺得佢做到真正滋潤唔黐身,臨瞓覺之前搽, 讚呀!

冬天藥妝, Aesop body balm
$250/120ml

冬天藥妝, Aesop body balm

08 | Sabon 身體磨砂

冬天其實比夏天更易積聚死皮,但磨得多又怕乾。Sabon 嘅磨砂就最啱,佢入面又係有靚油(大豆油、杏仁油),配合海鹽(唔係啲垃圾膠粒),磨完唔單止滑,係潤滑!係呀!價錢又係比出面貴少少,但一分錢一分貨,而且試過包你冇投訴,同埋講真有排用呀!

冬天藥妝, Sabon
$338/600g

冬天藥妝, Sabon

最後留意番,本人面部皮膚屬於中性偏乾,身體皮膚屬於阿婆級乾,請根據個人皮膚再作參考!簡而精 | 空姐的冬天藥妝8件寶!

延伸閱讀:日本藥妝好用推介 | 8大回購度高好物

簡而精 | 空姐的冬天藥妝8件寶!