天氣凍,總想飲杯熱牛奶暖暖胃,不過近年流傳牛奶原來唔係畀人飲,係畀牛仔飲?牛奶需要擺入雪櫃?點解有人一飲奶就肚痛?即刻拆解牛奶4大迷思!

Text : Jeff Edit:Joan  photo : 新傳媒資料庫 營養顧問 : 尚營坊營養師 : Nicole Wong

(原文刊於《新假期周刊》)

飲奶四大迷思

1. 牛奶唔係畀人飲?

傳聞牛奶只對小牛有益,當中含有多種激素和添加劑,多飲會致癌云云,但營養師認為,香港食安制度完善,市面上的牛奶都可以放心飲用,而且亞洲人飲食少有乳製品,其他蔬果、魚蝦、豆製品鈣含量遠不及牛奶,而牛奶當中的維他命D亦可幫助鈣質吸收,牛奶的營養,值得肯定。

牛奶

2. 點解有奶唔使雪?

放在凍櫃的大多採用巴士德低溫消毒法,冷藏可以Keep到約兩星期,營養保存得最好。可放室溫的,則大多用上UHT超高溫消毒法,牛奶中主要營養成分依然Keep到,但會破壞當中的維他命B雜,不過很多品牌會額外再加維他命,所以問題不大。

牛奶

3. 飲親都肚痛?

又有人話牛奶難以給人消化,喝後會腹痛肚瀉。其實可能只是身體未習慣生產乳糖酶消化牛奶所致,營養師建議果腹後,再試飲半杯暖牛奶,其實身體能夠習慣起來,再逐步增加份量,大部分人都可以克服。

牛奶

4. 胃痛飲牛奶?

好多人胃痛,都以為可以飲杯奶來紓緩,但營養師指,牛奶反而會刺激胃酸分泌,無助胃病或腸胃炎徵狀。不過,如果胃痛是情緒緊張所致,牛奶中的色胺酸,則可以紓緩壓力,瞓唔著飲一杯,都有幫助,絕對可以放心飲!

牛奶

延伸閱讀:10款即沖的朱古力粉比拼 | 冬天暖笠笠熱飲