2件年糕就等於1.5碗飯,2件蘿蔔糕又等於1碗飯……今個新年你食咗幾多碗「飯」?過完年,又係時候要面對現實,檢查一下自己體重合唔合格喇!

標準體重有得計!


首先睇下符唔符合標準體重先!根據世衛指引,健康嘅BMI指數係介乎18.5至24,而一般認為最理想BMI指數就係「22」,所以標準體重就可以按以下公式計算:

標準體重(kg)=身高(M)x 身高(M)x 22

即是假設身高160cm,標準體重就等於1.6x 1.6 x22 = 56.3kg

日本新指標——「シンデレラ体重」 (灰姑娘體重)

但對日本女高中生而言,都係未夠瘦呀,仲要再瘦多啲!佢哋嘅新標準係「シンデレラ体重」 (灰姑娘體重):

灰姑娘體重(kg)=身高(M)x 身高(M)x 20×0.9

亦即係等於BMI指數=18,稍低於世衛對健康體重嘅標準。

同樣假設身高160cm,「灰姑娘體重」就等於1.6x 1.6 x20x0.9 = 46.1 kg, 同標準體重差成10kg !(圖片來源:《灰姑娘》劇照)

為咗方便大家,我哋已經一早準備好個對照表,仲唔即刻check下自己達唔達標?

睇落「灰姑娘體重」真係相當具挑戰性!不過,體重始終唔係單一指標,大家減肥之前,都要了解自己身體狀態,量力而行,以健康為大前提,唔好勉強呀!

下一頁:平衡身體2種必瘦荷爾蒙 減肥迅速見效! | 不用瘋狂運動節食

相關閱讀:「 4321健康減肥餐單 」公開!免節食 | 個半月減14.5kg食譜