港式麵包啖啖風,別以為捱麵包就會變瘦,其實麵包卡路里都幾高㗎!原來一個冇餡甜餐包都260kcal,已經多過一碗白飯220kcal。今次精選了其中8款港人最常吃的麵包,邀請營養師逐個計算卡路里,睇真邊款最肥!

撰文:Hello Pinkey | 圖片:Tommy、新傳媒資料室(食物圖片只作參考 )|營養顧問 : 尚營坊營養師 Tracey Yau(原文刊於《新假期》)

麵包卡路里 陷阱逐個睇

白麵包最健康,但纖維低,升糖指數高,好快肚餓想再食。麥包纖維較白麵包高,飽肚感延長,食慾降低,提子有糖分,將卡路里提高。

麵包卡路里

叉燒包的餡料所用糖分較其他有餡包少,熱量較低。火腿脂肪不算高,但雞蛋用油來煎,所以腿蛋包有1.5 茶匙油分,驚驚哋。腸仔包的卡路里相對不高,但腸仔是加工食品,鈉質偏高,還是少食為妙。

麵包卡路里

諗住食齋包冇咁肥?唔係囉!因為麵包實心,又加了牛油、糖和雞蛋製作,卡路里多過1碗飯,但脂肪量比有餡包低!

麵包卡路里

椰絲餡料有大量牛油,不但卡路里高,而且有4茶匙油分,脂肪極高。

麵包卡路里

解答! 麵包3大謎思

1. 鬆軟麵包冇咁飽肚,冇咁肥?

要令麵包鬆軟,有可能是加了膨脹劑,麵粉量相對少,冇咁飽肚,卡路里也相對低。不過油分也可令麵包鬆軟,例如牛角酥,吃時留意會否有大量油分殘留手上,油太多便要少吃。

麵包卡路里

2. 中式蒸包較健康?

以冇餡的甜餐包和饅頭比較,前者卡路里比後者高63kcal,全因為加入了雞蛋、牛油、糖,脂肪量相對高。不過論纖維,兩者皆低,而且升糖指數同樣偏高,飽肚感快來也快去,食慾易增。

麵包卡路里

3. 麵包機自製麵包=健康?

未必!麵包機提供的食譜,一般麵粉量多,教用油使麵包鬆軟,而且自製麵包通常厚切,都是致肥陷阱。營養師建議,以全麥粉混白麵粉延長飽肚感,糖分、牛油、果乾等分量減半。

麵包卡路里

特別鳴謝:尚營坊健康顧問有限公司 營養師 Tracey Yau

麵包卡路里