澳門變身二次元聖地!閱見新世界IP巡遊季:全職高手實景還原+痛車接駁

「跳島遊」集章挑戰：做任務換限定禮物

想玩得最盡興？第一站一定要去 「媽閣塘IP大本營」（海事工房 1 號）領取集章地圖。呢本地圖係你今次冒險活動嘅主要法寶，冇咗佢就集唔到印章做任務換禮物 ！

📍 編輯實測：不走回頭路 City Walk 路線

跟住呢條路線行，由媽閣塘IP大本營出發一路掃到路環最後再到快閃店抽獎換禮物，打卡集章最順路 ：

1. 媽閣塘IP大本營 – 先到快閃店領取集章地圖，同朝聖《全職高手》葉修、小點 ，仲有閱文 8 大經典 IP 角色 。
2. 海事博物館露天茶座 – 睇《一人之下》馮寶寶、張楚嵐
3. 亞婆井前地 – 搵《詭祕之主》克喵喵充氣打卡位 。
4. 崗頂前地 – 朝聖《全職高手》6 米高葉修 。
5. 福隆新街 – 支持指定商店換「消費章」 。
6. 草堆街 – 光顧特色 Cafe 拎「消費章」 ，同《一人之下》王也、張靈玉 打卡。
7. 路環聖方濟各聖堂 – 《一人之下》諸葛青 打卡 。
8. 美獅美高梅視博廣場 – 體驗數位方式呈現的經典IP角色及打卡「詭祕之主」克喵喵主題Café拎「消費章」
9. 澳門美高梅 – 「甜點」打卡主題餐飲拎「消費章」
10. 媽閣海事工房1號閱文 IP 快閃店 – 終點抽獎 ！

🎁 集章抽獎 Mission：點樣換禮物？

今次集章活動章分為兩類：

1. 景點章（免費）

• 只要去到指定 IP 景點就蓋得 。
• 集滿 5 個 唔同景點章 = 1 次 抽獎機會 。

2. 消費章（需消費）

• 喺聯動商戶（包括指定關前正街、福隆新街商戶、閱文 IP 快閃店，以及美獅美高梅「視博茶點」與澳門美高梅「甜點」）消費即可蓋章 。

消費章攻略 :

註：必須包含至少 1 個「閱文 IP 快閃店」印章 。

今次禮物超豐富，有多款「澳門漫遊指南」系列氣球、書簽同 IP 禮品 ！

想拎多幾次抽獎機會就要去指定商店消費啦

📸 社交平台打卡加碼賞

除咗抽獎換取嘅禮物，仲有「澳門限定主題貼紙」攞 ！

• 任務： 喺活動期間，於任意 3 個 IP 景點 影相或拍片 。
• 發帖： 公開發佈到 FB / IG / 小紅書 / 微博 / X，記得 Tag 返 #閱文IP跳島遊 同相關 IP 名（如 #全職高手） 。
• 禮物： 憑貼文去快閃店，即可領取 「澳門漫遊指南」系列貼紙 一張 ！

跳島景點介紹

⛴️ 全澳門首見朝聖必去！閱文 IP 「痛船」海上巡迴打卡

編輯今日好好彩，坐到第一個週末限定嘅痛船!

今次「閱見新世界」活動最震撼二次元界嘅一定係閱文 IP 痛船 往返「媽閣碼頭」同「路環碼頭」！貼滿晒動漫角色嘅痛船你搭過未？

• ⚓ 痛船快訊：
• 限時出沒： 2026 年 3 月 26 日至 29 日 。

🚌 錯過咗「痛船」，唔緊要！「痛車」接住嚟！二次元陸路繼續打卡

4月份仲有閱文 IP 主題穿梭巴士（痛車） 接力登場 ！穿梭巴士係免費服務，座位先到先得 。

🗓️ 痛車出沒時間：

• 活動日期： 2026 年 4 月 3 日至 4 月 19 日 。
• 編輯提示： 痛車僅限周末及公眾假期行駛 。
• 特別注意： 4月8-10日同13-17日冇車安排，記住要避開呢幾日，或者揀返周末先去捕捉葉修同克萊恩嘅身影呀 ！

📍 痛車行駛路線：

巴士會循環行駛以下站點，帶你輕鬆去勻各大 IP 打卡位 ：

媽閣塘（總站）→ 新八佰伴（中區）→ 高園街（大三巴）→ 美獅美高梅 → 媽閣塘。

⏰ 發車時間表：

• 《全職高手》主題巴士： 11:00 / 12:30 / 15:00 / 16:30 / 18:00 。
• 《詭祕之主》主題巴士： 11:30 / 13:00 / 15:30 / 17:00 / 18:30 。

🍴 朝聖必食攻略！全澳首個《詭祕之主》克喵喵主題 Cafe

行到肚餓？身為二次元Fans，開餐都要開得有儀式感 ！一定要衝去美獅美高梅「視博茶點」，今次餐廳變身成全澳首個《詭祕之主》克喵喵主題快閃店！

🍰 Q爆甜點推介：

• 全天候供應：供應超精緻嘅克喵喵主題馬卡龍同各式法式甜點 。
• 消費即送： 只要消費任何《詭祕之主》相關餐飲，即送限定明信片一張 ！
• 隱藏加碼位：澳門美高梅「甜點」餐廳都有同步販售克喵喵主題馬卡龍 ！

☕ 限定下午茶套餐：

• 供應時間： 每日 15:00 – 18:00 限時供應 。
• 激賞禮遇： 享用一份「克喵喵主題限定下午茶套餐」，即送人氣形象盲盒一盒！(每日限量)

🛍️ 海事工房 Pop-up Store：還原 3 大主題場景＋首發周邊

最後一站絕對要衝去位於媽閣塘區海事工房 1 號 嘅「閱文 IP 快閃店」朝聖一下 ！

• 實景還原： 現場有《全職高手》微迷宮、《詭祕之主》未公開系列實景場景，同埋《一人之下》精選原畫牆 。
• 首發周邊： 販售多款澳門首發全新周邊，包括結合咗澳門美食同景點嘅系列商品。

🎭 活動重頭戲：上一個weekend 編輯有幸參與好多Coser 夢幻聯動，放喺呢度俾大家recap 下

今次活動特別邀請咗多位知名 Coser 親臨澳門，將大家心愛嘅角色帶到現實世界 。佢哋唔單止會喺特色景點同大家交流合影，營造超強嘅「二次元」沉浸式氛圍，仲有以下兩大重磅環節 ：

3月28日：Coser 一日店長營業

地點： 媽閣塘片區海事工房1號（閱文 IP 快閃店）。

3月29日：閱文 IP 方陣亮相大巡遊

閱文IP首度同澳門國際幻彩大巡遊結合 。由《全職高手》、《一人之下》、《詭祕之主》同《道詭異仙》四大超人氣 IP 組成嘅角色方陣將會重磅亮相一齊喺澳門街頭巡遊 ！

🌸 2026 春季必衝：二次元與古城的夢幻聯動！

這場由閱文與美高梅策劃的盛事，開啟了澳門的旅遊新玩章！無論你是忠實動漫迷，還是想來一場「不一樣」澳門之旅的文青旅客，2026 年 3 月 26 日至 4 月 19 日，一定要來澳門親自解鎖這場春季限定的驚喜！

「閱見新世界 • IP澳門巡遊季」活動詳情：

📅 日期： 2026年3月26日至4月19日

📍 地點： 澳門美高梅、美獅美高梅、媽閣塘片區及社區街道

活動官網：MGM 官網查詢

* 所有換領活動受條款及細則約束，以主辦方公佈為準。

同場加映：去得澳門又去開MGM點可以錯過，佢哋嘅文娛活動呀！

1） 澳門2049

美高梅與張藝謀親自打造打造的澳門駐場show 《澳門2049》 已經迎來2.0升級版！除咗之前一直好受歡迎嘅8個結合前沿科技及中華非遺項目的巨作，今次嘅升級迎來咗呢排超Hit嘅升級版G1機械人，仲有實景拍攝的中華非遺表演！80分鐘完全冇冷場，忍唔住係咁拍手！

《澳門2049》票務資訊

2) 保利美高梅博物館

近年好興講「穿越」——由大銀幕嘅科幻故事，到社交平台啲打卡 hashtag，大家都對跨越時空嘅想像特別着迷。而家，呢趟「千年穿行」唔使靠幻想，因為澳門已經真實上演緊。

保利美高梅博物館正舉行嘅「絲路」大型展覽，一口氣集結超過 200 件珍貴文物，仲加碼 VR 體驗同夜遊活動，帶觀眾由實體展品出發，再跳入沉浸式世界，來一場橫跨千年嘅文明之旅。

逢星期六、日上演嘅《博物館奇遇記——盛唐有話說》，就用「活態博物館」嘅方式玩穿越。專業演員化身成導賞員同古代角色，帶住觀眾由「睇展覽」升級做「入戲參與」，一齊返到一千幾年前嘅盛唐，親身感受絲路當年嘅繁華氣象。

自2026年3月24日起，保利美高梅博物館《絲路》展覽推出《馬可·波羅的絲路之旅VR體驗》，邀請參觀者於虛實交融之間，感受絲路的別樣魅力與文明回響。

七百多年前，一位威尼斯青年踏上連結東西方的傳奇絲路；七百多年後，您將作為歷史的親歷者——在威尼斯的晨霧中登船啟航，在中亞的沙漠感受炙熱風沙，在帕米爾高原的雪山見證生命的頑強，最終置身於忽必烈的輝煌宮廷。絲綢之路的宏偉圖景在眼前鋪陳，文明間的交流仿佛耳畔永不停息的呼吸，讓我們跟隨馬可·波羅，通過沉浸式VR走進這段跨越中西的傳奇旅程，在光影交織中漫遊千年。

有得免費玩高質 VR當然唔可以錯過，這個位於保利美高梅博物館推出嘅《馬可·波羅的絲路之旅 VR》，編輯實測過真係好有驚喜！

戴上 VR 眼鏡就直接置身 700 年前嘅絲綢之路 ，比起睇書本文字或者文物更生動易吸收！由威尼斯晨霧啟航，再到中亞沙漠感受嗰種「炙熱風沙」，最後仲可以去埋忽必烈嘅輝煌宮廷！視覺效果超震撼，只係10 分鐘足夠橫跨中西傳奇！