臨近聖誕跨年放假未諗到去邊度慶祝,又想離開香港?一於約埋班朋友仔一齊過澳門!可以見正版聖誕老人專程過嚟澳門,仲有澳門光影節2017嘅白玫瑰花海同蠟筆小新展等緊你哋!當然唔少得嘅係聖誕大餐啦,甜品、蛋糕、意大利菜甚至自助餐都有齊,可謂任君選擇,應有盡有!

text: Ellissa | photo: Fion、  有關機構

澳門 行程 美食
今次行程重點主要為聖誕新年而設,2日1夜吃喝玩樂懶人包。

【DAY 1】01 |美式聖誕早餐:Dean & Deluca

澳門銀河新開嘅Dean & Deluca ,來自紐約,新開不久就已經吸引唔少人到場幫襯,搭早船來到澳門可以先到這裡吃一個豐富又有紐約特色的聖誕早餐。

澳門 行程 美食
Dean & Deluca 喺大中華地區首間分店。

澳門 行程 美食
聖誕將至,Dean & Deluca 門口擺放唔少聖誕裝飾,紅噹噹好有節日氣氛,經過都想買返屋企。

D&D的食物融合了美國同澳門嘅飲食文化,例如用非洲雞做炸球,聖誕將至,更加推出聖誕特色食品,加添節日氣氛。

澳門 行程 美食
火雞炸肉丸 (MOP 38)|聖誕期間限定,由著名葡菜餡非洲雞改變為火雞,一樣咁好味。

澳門 行程 美食
黑櫻桃mocha (S: MOP 48/ M: MOP 58)|充滿聖誕氣氛之特飲,面頭啲cream好容易塌,所以影相要快手。

澳門 行程 美食
魯賓三文治 (MOP 48)|聖誕特別菜式,見到芝士拉絲就已經流晒口水!

澳門 行程 美食
三款聖誕特色蛋糕。前:篝火南瓜塔 (MOP 58)|中:聖誕蛋糕 (MOP 48)|後:抹茶紅豆卷 (MOP 38)

除咗聖誕特色新品,D&D仲有好多特色必吃甜品,彩虹蛋糕係其中之一。經理話每間分店嘅彩虹蛋糕口味,都會因應地區需要稍作改良,所以味道同質感都會唔一樣。

澳門 行程 美食
彩虹千層蛋糕 (MOP 46)|每個地方嘅彩虹蛋糕都有其特色,職員話呢款入口比較鬆軟。

鹹蛋西瓜沙律就更加係澳門嘅特色,聽到個名可能覺得奇怪!記者訪問經理,佢話有人食西瓜喜歡加鹽調味,於是創新加入鹹蛋和泰式醬汁配製成沙律。記者親身試味,以為一定會中伏,結果出奇意外地夾!

澳門 行程 美食
鹹蛋西瓜沙律 (MOP 40)|雖然聽到個名覺得會係伏,但記者試過有驚喜,味道出奇地夾,絕對係誠意推介!

澳門 行程 美食
牛肉焦糖南瓜穀物三文治 (MOP 48) |經理推介,每日銷量最高嘅食品。

Dean & Deluca 
地址:澳門銀河地下G107
電話:+853 8883 2221
營業時間:8:00am-9:00pm

02|威尼斯人 免費print出Swarovski紅框相

威尼斯人聖馬可廣場裡面,有一棵12米高的Swarovski水晶聖誕樹,重點係佢左邊有一部紅色曬相機,只要scan QR code同喺微信上選擇活動,就可以上傳手機照片,免費打印出來!記者即場試玩,張相會有紅色邊框,聖誕氣氛濃厚!

澳門 行程 美食
只要連結手機上微信應用程式,就可以立刻免費打印相片,仲冇數量限制!

澳門 行程 美食
免費曬相機就係喺Swarovski水晶聖誕樹左下角,十分顯眼。

Swarovski免費曬相機
地點:威尼斯人聖馬可廣場
費用:免費

03|打卡必去!夢幻少女粉色tone 聖誕下午茶

澳門銀河嘅Cha Bei,去年開幕後一直一位難求。Cha Bei就是茶杯的意思,每一個特色設計的茶杯,背後裝有你和閨密的故事。整間餐廳環境設計都走少女粉色系列,仲有唔少打卡位。

澳門 行程 美食
臨近聖誕,門口擺放聖誕樹,配埋粉色鞦韆,好啱影相。

澳門 行程 美食
店內亦有不少聖誕飾品出售,可以用嚟做影相道具。

不得不提全新下午茶系列「繽紛狂想曲」,分量超級豐富!二人分量包括精緻三文治及鹹點、花漾甜點、柚子梳乎厘配雲呢拿醬,配上茗茶、熱朱古力或者咖啡,成個set大到兩個人根本食唔晒!雖然主力係甜品,但鹹點一樣好好食,特別係松露蘑菇酥,外皮鬆脆,餡料豐富。

澳門 行程 美食
「繽紛狂想曲」(MOP 528 兩人分量)|建議可以搵多兩個朋友叫飲品一齊分享,因為真係多到食唔晒。

澳門 行程 美食
柚子梳乎厘配雲呢拿醬味道清新不膩,酸酸的柚子清香叫人食完想再食多個!

聖誕期間這套下午茶嘅蛋糕甜點,更會裝飾成雪人同戴上聖誕帽,只在聖誕期間限定。由於呢set甜品製作需時,每日只會限定發售8套,如果想食就要預訂喇!

澳門 行程 美食
每套花漾甜點都係專人花1.5小時製作,所以限定發售。

澳門 行程 美食
如果唔想食太甜,脆米龍蝦湯飯 (MOP 168) 係不錯之選。龍蝦肉嫩滑之餘,湯會用茶壺盛裝,十分優雅。

Cha Bei
地址:澳門銀河1樓1047號舖
電話:+853 8883 2221
營業時間:午餐12:00nn-3:00pm,下午茶3-6:00pm,晚餐6-9:00pm(星期一至四), 6-10:00pm(星期五至日)

04|免費同聖誕老人影相

食飽飽最啱周圍行下、影下相,可以選擇去搵真正嘅聖誕老人。超過50年表演經驗嘅Santa Ron專程由北歐飛嚟澳門同大家過聖誕,即日起到26號都可以搵佢影相,唔使去芬蘭都見到真聖誕老人!

澳門 行程 美食
聖誕老人仲會教你擺pose,跟住佢做就得。

澳門 行程 美食
跟番時間表去搵聖誕老人就唔怕白行一趟。

與聖誕老人親密接觸
地點:澳門銀河東翼廣場
日期:2017年12月1-26日
時間:1-4:00pm, 5:30-8:30pm

05|光影節有驚喜 白玫瑰花海

今年澳門光影節最矚目嘅景點,應該係位於南灣湖水上活動中心嘅白玫瑰花海。呢片花海約有半個足球場大小,每晚 7-10:00pm 亮燈,著燈之後真係好靚!記者到現場拍攝嗰日都見到人山人海,唔少情侶同一家大細到場留倩影。

澳門 行程 美食
記者採訪當日仲有唔少情侶溫馨自拍,單身的你記得約埋朋友過去影。

澳門 行程 美食
如果冇帶腳架唔夠高,呢度好貼心,設置一個台階畀大家企上去影相,高炒冇難度!

除咗打卡景點之外,佢實質是一個迷宮!記者兜咗入去拍攝,本身想沿路行番出去,結果係失敗唔可以嘅!所以,如果會到場影相,記得要行多幾步行晒全程。

澳門 行程 美食
因為花海迷宮出入口都有保安控制人流,入口唔出得、出口唔入得㗎!

澳門 行程 美食
雖然白玫瑰花海作為影相景點真係唔錯,但唔好忘記會有一堆路人甲乙丙成為你嘅背景。

白色玫瑰花海隔籬仲有一個彩色版本,同樣吸引唔少人帶埋腳架嚟影相!不過彩色玫瑰花就比起白色玫瑰花矮,所以相對吸引更多小朋友跑嚟跑去,各位如果想影靚相就要等一等。

澳門 行程 美食
Wide shot又得,close-up又得,絕對係練習攝影嘅好地方。

澳門 行程 美食
彩色玫瑰花海都係迷宮設計,紅、黃、藍、綠、紫,由於置身於彩虹世界。

06|互動光影遊戲 畫畫登上銀幕

呢期澳門舉辦緊teamLab展覽,其中一個活動可以即場畫畫,scan入電腦,然後在銀幕上可以互動。南灣湖白玫瑰花海旁邊的廣場,同樣可以玩!此為光影節免費體驗,首先畫上自己喜歡嘅圖案,交畀工作人員 scan 一下,幾秒之後抬頭望下上面帳幕,就可以見到了!

澳門 行程 美食
畫完畫、填完顏色之後抬高頭,就可以即刻見到自己嘅作品。

澳門 行程 美食
小朋友可以選擇填顏色,張紙本身已經印製成聖誕鹿一隻,好有節日氣氛!

澳門 行程 美食
完成畫作之後,行番去諮詢枱,交畀工作人員就可以scan。

澳門 行程 美食
沿著湖畔向前行,可以見到一條幻彩光影隧道,唔少人會過去睇燈飾、影靚相。

澳門2017光影節 花海迷宮
地址:南灣湖水上活動中心
開放日期:2017年12月3-31日
亮燈時間:7-10:00pm

07|平食節日自助餐 怒食葡、泰、中式美食

玩完全日最啱食大餐,自助餐就最好不過。金沙城Sheraton的節目自助餐比香港酒店的相對抵食,聖誕同除夕都係5百幾蚊左右,有各式各樣澳門菜、葡國菜、泰國菜及中菜,大家可以一次過食勻4地風味。現場有廚師即席烹調菜式,又有新鮮至尊海鮮凍盤。聖誕期間,餐廳仲提供特色聖誕蛋糕、布甸,同多款口味的聖誕枴杖糖。

澳門 行程 美食
多款海鮮、壽司供應,保證食到唔停手。

現場會有廚師即席烹調美食。
現場會有廚師即席烹調美食。

盛宴多國風味自助餐
地點:喜來登金沙城中心大酒店
費用:聖誕自助晚餐(12月4-25日 MOP 588+),除夕自助晚餐 (12月31日 MOP 538+)
聯絡電話:+853 2880 2000
網址:www.sheratongrandmacao.com/zh

DAY 1 氹仔兩大住宿推介

全日都在氹仔活動,酒店揀番氹仔就最方便行程。住澳門銀河的話推介JW萬豪酒店,上網查過12月房價由MOP 1,180起,抵住喎!酒店去唔同景點都方便,仲有24小時行李寄存同自助退房手續,啱晒想第二日玩全日又唔想攞行李嘅客人。

澳門 行程 美食
JW 萬豪房間配套完善,環境舒適,12月同1月最低價都係MOP 1,180起,住得近又抵!

自助餐+花海打卡+蠟筆小新展覽|食足5餐! 澳門2日1夜行程 聖誕跨年懶人包

澳門銀河
網址:www.galaxymacau.com/zh-hant/

羅斯福酒店係今年6月新開嘅酒店,房間有落地玻璃,可以俯瞰氹仔馬場。超過368間客房,每一間房都有特別景觀,包括河景、賽馬會觀景等。12月同1月最抵房價只係MOP 1,093起!

澳門 行程 美食
擁有180°華麗景觀的豪華客房,四面牆有兩面都係落地玻璃,可以睇盡靚景。

澳門 行程 美食
呢個房型可以見到氹仔馬場同附近樓景,落地玻璃可以畀太陽光照進。

羅斯福酒店
網址:themacauroosevelt.com/zh-hant/

【DAY 2】搭?上山晨運 看路氹全景

第二日瞓醒喺酒店食埋早餐,可以選擇上山郊遊。以為一定要行得好辛苦?事實係可以搭新開嘅斜行電梯,上大潭山觀景台,仲可以一覽路氹全景。

澳門 行程 美食
觀景台位置可以鳥瞰氹仔新舊城區全景。

澳門 行程 美食
可以選擇搭圖中嘅巴士路線或者的士嚟到氹仔嘉樂庇馬路或T315 氹仔Cem貨倉。

澳門 行程 美食
然後過對面上天橋。

澳門 行程 美食
再搭斜行電梯上觀景台。

澳門 行程 美食
一出斜行電梯就見到自來水廠水池嘅瞭望台,上面有唔少位置可以坐低睇靚景。

澳門 行程 美食
可以行近瞭望台外圍,搵朋友一起影靚相。

大潭山自來水廠瞭望台
斜行電梯開放時間:7:00am-6:00pm

08|意式午餐 正宗意大利菜

睇完靚景可以去食新葡京入面新開嘅意大利菜「當奧豐素」 ,由越洋過海嘅意大利主廚主理,仲會親手炮製,pizza鋪滿了手壓San Marzano番茄、新鮮牛奶芝士、水牛芝士、手工辣肉腸,口味非常正宗。

澳門 行程 美食
水牛芝士白松露薄餅 (MOP 160)運用新鮮材料,由意大利名廚親手炮製。

澳門 行程 美食
風乾火腿芝麻菜薄餅 (MOP 160),加上芝麻菜夠新鮮。

澳門 行程 美食
餐廳有來自意大利名廚,親手製作每個pizza餅底。

當奧豐素1890意式料理
地址:澳門葡京路新葡京酒店三樓
電話:+853 8803 7722
營業時間:12:00nn-2:30pm,6:30pm-10:30pm
網址:www.grandlisboahotels.com/en/grandlisboa/dining/casa-don-alfonso

09|蠟筆小新大冒險展覽 移師澳門

早前台灣蠟筆小新展引起唔少人關注,今個聖誕可以考慮去澳門睇。展覽12月16日開始,展覽中有晒卡通入面多個角色嘅場景,當中仲有兩個澳門區特別展覽,結合澳門元素,小新的大像會變成澳門旅遊塔嗎?

澳門 行程 美食
蠟筆小新全家福展覽圍板,小新fans記得去影合照啊!

澳門 行程 美食
劇中角色簡介一覽,大家可以去細閱自己鍾意嘅人物。

澳門 行程 美食
一入場就有澳門特色展區。

早前台灣嘅蠟筆小新展已經吸引好多人去觀賞,澳門咁近,快啲約朋友一起去睇。
早前台灣嘅蠟筆小新展已經吸引好多人去觀賞,澳門咁近,快啲約朋友一起去睇。

蠟筆小新特展春日部大冒險
日期:2017年12月16日至2018年2月14日
時間:2-9:00pm(最後入場時間為8:30pm)
地點:百老匯展覽廳2樓
聯絡電話:+853 6288 9485

10|日式cafe 怒食芭菲班戟

睇完小新展,落去食埋Ufufu Cafe的甜品先打道回港吧!花多眼亂的餐牌上面真係令人有選擇困難,記者試食兩款招牌甜品,Tiramisu芭菲同梳乎厘班戟係兩款適合港人口味的甜品,第一款芭菲裡面有多款味道,加上鮮甜的士多啤梨,見到都想食!班戟配抹茶雪糕同紅豆蓉,唔會太甜,食落啱啱好。記得Ufufu的甜品係落單後立刻炮製,等候需時,所以預多一點時間嘆甜品,唔好趕住船去啊!

澳門 行程 美食
Tiramisu蛋糕士多啤梨朱古力芭菲 (MOP 80) 雪糕、蛋糕、朱古力,一層層咁好吸引。

澳門 行程 美食
抹茶小倉超鬆軟梳乎厘班戟 (MOP 88) 配抹茶味雪糕,一冷一熱,冰火交融。

Ufufu Cafe 佐賀橫町
地址:百老匯美食街H-G006-G011號舖
電話:+853 2899 1106
營業時間:12:00nn-11:00pm

 

延伸閱讀:澳門有條火鍋街|一條街食盡羊腩煲、醉雞鍋、粥底火鍋 8大特色邊爐

自助餐+花海打卡+蠟筆小新展覽|食足5餐! 澳門2日1夜行程 聖誕跨年懶人包

 延伸閱讀:開幕直擊!澳門teamLab展覽 5大打卡熱點+購票攻略

自助餐+花海打卡+蠟筆小新展覽|食足5餐! 澳門2日1夜行程 聖誕跨年懶人包