除咗跟米芝蓮掃街,記者仲有另一推介,就係「關東煮手作坊」!這家店遠離大三巴遊客區,位置隱秘,但在網上好評如潮,開業一年多已有近萬個 like!老闆迂真也是大阪人,最愛研發新菜式,試過將芝士粒加入普通麻糬福袋中,煮熱後一咬開湧出香濃芝士漿,邪惡度十級!

文:Elaine (新假期)


攝:Dick (新假期)、Oden Studio


店鋪開業一年多,位置甚隱蔽,位於渡船街附近的巷仔裡。店內設有 4 座位吧枱,落完柯打可坐低等食,亦可外賣。

店鋪供應 23 款特色關東煮,食材由日本新鮮運到,有鬆弛熊魚棒、帆立貝麻糬餃等,細細粒賣相得意,每款售 MOP 7 至 13。

下一頁:2 月限定!年年有餘鯛魚燒!

食完關東煮,仲可追加兩件抹茶忌廉鯛魚燒,這款期間限定甜品即叫即整,熱騰騰抹茶餡好有京都風味,只做到2月尾昨,過年必試!不過鋪頭初三先啟市,大家唔好初一初二過去啊!
2 月限定產品,抹茶忌廉鯛魚燒一份 2 件,售 MOP 28。不設單件售賣,成雙成對好溫馨。亦不設外賣,因老闆話凍咗會令口感變差,日本人的堅持!

自家製年糕片紅豆湯,售 MOP 25,去年 12 月 31 日曾推出過作賀節食品,極速被搶購一空,好多網民表示想食但搶唔到!所以老闆會再於年廿九( 2 月 7 日)再次製作,但同樣只賣一天,想食記得早點去!

關東煮手作坊 Oden Studio (初三啟市)

地址:澳門(先刂)雞街41號永昇大廈43號地鋪
交通:乘坐巴士 8A 或 26 於永樂戲院下車,沿鏡湖馬路步行至大欖巷,左轉直行至(先刂)雞街,再往上行可至。
營業時間:5:30pm – 1am(星期一休息)

延伸閱讀

澳門 7 大猴年佈置

澳門必試 8 款摘星街頭小食