macau02去澳門睇完黃鴨下水,在岸上乾睇都幾無癮,自己都心郁郁落水玩埋一份。可惜香港海洋公園的水上樂園要2018先見影,去開澳門不妨玩夠兩日一夜,免費享受埋酒店的玩水設施,實行濕身入夏!

text: yuki | photo: twotung、Yee(原文刊於新假期周刊)

01| 銀河唯一的秘密  天浪淘園 9 米高透明滑梯

去年銀河二期開幕,水上樂園「天浪淘園」面積擴大一倍,最近仲增設多個玩水設施。不過全世界都講「空中激流」飄流河道,其實同期亦新增 3 條 9 米高的「衝天激流」滑梯,滑梯隱藏石山之中,霸氣先輸一截。但原來禾稈冚珍珠!

 天浪淘園
記者:「其實飛出透明水管的速度太快,咩都睇唔到!刺激度一定比飄流河勁!」

玩盡澳門無限式
無綫的節目《玩盡澳門無限式》,女主持也有示範透明水管滑梯!

記者玩勻3條梯,以橙色的衝力最強,最初以為得9米感覺流流哋,但第一次試玩都忍唔住失聲尖叫;綠色梯則最搶眼,其中一截以透明水管飛出石山,轉足 2 個圈先落水。 macau_pool04

綠色係透明水管,中等速度。
綠色係透明水管,中等速度。

記者落水失聲尖叫無晒形象啦,可以後製加一條馬賽克嗎?
記者落水失聲尖叫無晒形象啦,可以後製加一條馬賽克嗎?

入住銀河住客免費使用,試玩時撞正Check-in後 3、4 點高峰期,泳客數目不算超多,排隊速度快,三條梯玩完再玩都得!

唯一locker位在1期入口,由2期行去要行足10分鐘。加上locker收費貴,小型一次性要$40!
唯一locker位在1期入口,由2期行去要行足10分鐘。加上locker收費貴,小型一次性要$40!

下一頁:100%濕身!$599起住酒店兼玩漂浮河

$599起住一晚 玩濕身度  100% 漂浮河

話激流,倒不如話「激卸妝」來得貼切!坐水泡在全長 575 米的河道漂浮,彎彎曲曲穿梭叢林及人造沙灘之間。全程有不同速度的段落,亦設多個上落水位,唔一定要漂足全程。macau_pool03

空中激流最高水深1.2米,雖然無年齡限制,不過小朋友最好著救生衣先落水啦。
空中激流最高水深1.2米,雖然無年齡限制,不過小朋友最好著救生衣先落水啦。

哇!有埋伏,嚇到model花容神色!
哇!有埋伏,嚇到model花容神色!

玩足23分鐘,終於完啦!
玩足23分鐘,終於完啦!

macau_pool012 macau_pool015

macau_pool016

拍攝貼士:眼見不少人都旨在影相打卡,記者試玩的過程中,仲見到泳客連防水殼都無,拎住艾瘋沿途影相自拍。不過奉勸各位千祈咪搏,沿路有多個「瀑布式」倒水位,完全避無可避!Model因為影相工作,戰鬥格濃妝上陣,不過玩完一次即卸妝,大水到連假眼睫毛都險飛甩,濕身消暑度100%!

場內有 4 間池畔餐廳及酒吧醫肚。
場內有 4 間池畔餐廳及酒吧醫肚。

藍莓泡泡smoothies MOP$35 | 熱情果mojito MOP$68 以酒店酒吧計,$35杯即打沙冰並不算貴,果味濃郁,可以一試。
藍莓泡泡smoothies MOP$35 | 熱情果mojito MOP$68
以酒店酒吧計,$35杯即打沙冰並不算貴,果味濃郁,可以一試。

不過天浪淘園只限入住銀河住客使用,街客想畀錢入都唔得。要玩,可以揀銀河五間酒店之中,價錢至抵的百老匯酒店,連來回船票平日 $600 都唔使,請兩日假玩返轉都抵!

天浪淘園 
面積:75,000平方米(約9個足球場)
位置:JW 萬豪、Ritz Carlton、大倉、悦榕庄及銀河及百老滙酒店三樓直達
開放時間:8am – 6pm

下一頁:轉場「新濠影匯」! 8 字摩天輪下的漂浮河

02 | 新濠影滙挑機  hea住浮遊亞馬遜

去年開幕的新濠影滙,最記得的是超搶眼的 8 字摩天輪!撞正開幕時入冬,玩水設施真心零宣傳。其實在 3 樓戶外泳池位,一樣有漂流河「綠野遊踪」玩,在今個 5 月頭正式重開啦!

漂流河限最多 150 個泳客同時落水,唔使逼到沙甸魚咁!
漂流河限最多 150 個泳客同時落水,唔使逼到沙甸魚咁!

全長 450 米,雖然速度和長度都比銀河的遜色,大約 15 分鐘就玩完,在一開頭的落水位,水力特弱,撥到手軟都唔多郁。聽員工話,飄浮河原名叫「lazy river」,畀人 hea 爆浮住曬太陽,好在園景以熱帶雨林做主題,漂住睇巨口鱷魚和亞馬遜古廟都幾得意。

綠野遊踪的射水陷阱位不多,可以慢慢窯意飄過這段木陣。
綠野遊踪的射水陷阱位不多,可以慢慢寫意飄過這段木陣。

馬騮流口水,好弱!
馬騮流口水,好弱!

置身鱷魚口最驚嚇!
置身鱷魚口最驚嚇!

場內仲有 3 條小兒科滑水道,難度各有不同,由巨石口滑出,小朋友實鍾意。設施免費開放住客玩,非住客入場要成 $330,不少本地客都鬧超貴無得玩。

場內仲有一個恆溫大池,四季都開放有得玩。
場內仲有一個恆溫大池,四季都開放有得玩。

綠野遊踪@新濠影滙
開放時間:
9:30am – 6:30pm
住客入場費:免費
非住客入場費:成人 MOP$330、小童 MOP$130

下一頁:「黃色小鴨遊樂園」攤位遊戲

延伸閱讀:

澳門自助午餐推介

澳門美食 | 玉子芝士牛堡對決!美式漢堡店 Grill Burger House

澳門掃街王| 必試 8 款摘星街頭小食