週末想逃離香港,去澳門就最快捷方便!澳門雖然地方不大,不過就有好多好西食!今次集齊澳門 4 大分區 9 間中式食店介紹,一於過大海試勻佢!

文:黃潔欣、羅詠彤、曾寶娥 | 攝:新假期攝影組、新傳媒資料室、有關機構(原文刊登於新假期周刊)

【高士德】

01 | 超邪惡厚西多 新鴻發咖啡美食

一般茶餐廳未必滿足到為食的你,有網友推介新鴻發的西多士,張張的西多都勁厚,有網友曾經度過,就話有差不多 6cm 咁厚,起碼兩個人才食得完。厚西多一上枱已好震撼,外層金黃酥脆,麵包口感紮實,中間夾了半溶的花生醬,好誘人。餐廳開業多年,除了厚西多,其他食物與傳統茶記差不多,有牛蛋多士,豬扒包等,質素不差,因此不少遊客都特意去幫襯。

唔止街坊,都有好多遊客幫襯。
唔止街坊,都有好多遊客幫襯。

西多士 MOP$25 西多士表面香脆,淋上蜂蜜糖漿食,邪惡度滿分。
西多士 MOP$25
西多士表面香脆,淋上蜂蜜糖漿食,邪惡度滿分。

忌廉筒 MOP$7.5 懷舊餅點,外層酥皮好硬,不夠酥脆。
忌廉筒 MOP$7.5
懷舊餅點,外層酥皮好硬,不夠酥脆。

牛蛋多士 MOP$25 包在蛋裡的牛肉頗多,抵食。
牛蛋多士 MOP$25
包在蛋裡的牛肉頗多,抵食。

新鴻發咖啡美食
地址:澳門高士德賈伯樂提督街 55 號 A
電話:853- 2853 0452
營業時間:星期一至日 6am – 6pm
交通:乘 12 號巴士到盧廉若花園下車,再步行 3 分鐘

02 | 後巷內的瓦煲腸粉 珍榮咖啡美食

去澳門搵食,連橫街窄巷都唔可以放過,這間餐廳就開在一條後巷內,唔小心一點真的會找不到。餐廳的裝潢有點殘舊,看起來並不起眼,不過食物款式就好新奇特別。一入餐廳見到有幾枱客人都有個瓦煲,但又唔見餐廳有煲仔飯食,原是是瓦煲腸粉。瓦煲牛腩腸粉一上枱就見到腩汁滾到熱辣辣,腩汁的味道好濃,加了辣椒因此帶微辣,滾下滾下,愈食愈濃味。另外,亦有其他新奇配搭,椰汁燒賣腸粉、越式雞絲撈油麵等。

瓦煲牛腩腸粉 MOP$34 腸粉入味,啖啖都食到香濃的牛腩味,牛腩亦燜得夠軟稔,不過腸粉唔夠滑。
瓦煲牛腩腸粉 MOP$34
腸粉入味,啖啖都食到香濃的牛腩味,牛腩亦燜得夠軟稔,不過腸粉唔夠滑。

椰汁燒賣腸粉 MOP$34 燒賣不是一般的魚肉餡,而是鯪魚肉餡,真材實料,不過湯汁落了不少辣油,唔食得辣的真的不要試啊。
椰汁燒賣腸粉 MOP$34
燒賣不是一般的魚肉餡,而是鯪魚肉餡,真材實料,不過湯汁落了不少辣油,唔食得辣的真的不要試啊。

餐廳充滿古早味。
餐廳充滿古早味。

珍榮咖啡美食
地址:澳門高士德澳門蓮莖巷 9-13 號嘉年大廈地下
電話:853- 2835 0201
營業時間:星期一至日 7am – 6pm
交通:乘 3 號巴士到提督/紅街市下車,再步行 4 分鐘

【新橋】

03 | 街坊茶記有驚喜 新威廉咖啡美食

在澳門茶餐廳通常被稱為「咖啡室」或「咖啡美食」,在連勝馬路就有間好多街坊幫襯的「咖啡美食」。餐廳的食物與香港茶記相若,驟眼睇好似好普通,睇真啲就發現有驚喜!豬扒包食得多,菠蘿豬扒包就好少見,雖然餐牌上就唔見有菠蘿豬扒包,不過唔少街坊都會照叫。菠蘿包是自家製的,包身相當鬆軟,而且面層夠脆,中間夾住大大塊豬豬,好食。另外,當然要試下餐廳的奶茶質素,凍奶茶的奶味香濃,帶有茶的微甘,高質。值得一提,餐廳有賣多款自家製蛋糕,如瓜子紙包蛋糕、三角朱古力蛋糕、提子蛋糕等,幾特別。

一早來到澳門,來食個地道早餐再去玩,剛剛好。
一早來到澳門,來食個地道早餐再去玩,剛剛好。

豬扒大菠蘿包 MOP$23 大菠蘿包中有雞尾包的甜餡,鹹鹹地的豬扒同菠蘿包出奇地夾,好有驚喜!
豬扒大菠蘿包 MOP$23
大菠蘿包中有雞尾包的甜餡,鹹鹹地的豬扒同菠蘿包出奇地夾,好有驚喜!

乾炒牛通 MOP$37 做法同乾炒牛河相若,用通粉取代河粉,配搭夠新鮮,不過通粉未夠彈牙。
乾炒牛通 MOP$37
做法同乾炒牛河相若,用通粉取代河粉,配搭夠新鮮,不過通粉未夠彈牙。

三角朱古力蛋糕 MOP$7 外形懷舊,但朱古力味唔夠濃。
三角朱古力蛋糕 MOP$7
外形懷舊,但朱古力味唔夠濃。

新威廉咖啡美食
地址:澳門新橋連勝馬路 45 號
電話:853- 2836 5235
營業時間:星期一至日 6:30am – 6pm
交通:乘 12 號巴士到盧廉若花園下車,再步行 7 分鐘

04 | 性價比高蟹黃麵 澳門新龍記

別小看餐廳一副茶餐廳格局,它在澳門相當有名氣,很多人都特意前來。不少網友推介他們的蟹黃撈麵,蟹黃望落有點乾,但食落就有好甘香的油脂味,拌勻麵底後,啖啖都有蟹香。如果想要多點蟹黃,只要加 $20就可以有蟹黃滿瀉的效果!餐廳的食物價格都是街坊價,抵食!

餐廳雖然格局似茶餐廳,食物有驚喜。
餐廳雖然格局似茶餐廳,食物有驚喜。

蟹黃撈麵 MOP$28 好香蟹膏味,食落有點油,亦有蟹黃的鮮味。
蟹黃撈麵 MOP$28
好香蟹膏味,食落有點油,亦有蟹黃的鮮味。

煎墨魚餅 MOP$50/8件 墨魚餅是店家每日新鮮手打,非常彈牙、香口。
煎墨魚餅 MOP$50/8件
墨魚餅是店家每日新鮮手打,非常彈牙、香口。

澳門新龍記
地址:澳門沙梨頭區沙梨頭南街 29 號地下 E 舖
電話:853- 2825 2517
營業時間:星期一至日 7am – 10pm
交通:乘 3 號巴士到提督/紅街市下車,再步行 6 分鐘

【荷蘭園】

05 | 誠意推介 永安咖啡室

永安咖啡室用料如高級西餐食材,有煙鴨胸、牛脷、牛肝等,因價廉物美而深受街坊歡迎。來到這裡必點的牛脷通粉,牛脷口感有嚼頭,味道不臊且彈牙。店內只有廿多個座位,假日想避過人潮可考慮早餐時間造訪。

macau_food_chinese16

牛脷通粉 MOP$32
牛脷通粉 MOP$32

永安咖啡室
地址:澳門荷蘭園東望洋斜巷 2 號 H-1
電話:853- 2832 5001
營業時間:星期一至日 7:30am – 5:30pm
交通:碼頭乘的士約 $30

06 | 澳門人力捧茶記 喜蓮咖啡麵食

位於氹仔住宅區內,除了當地人幫襯外,不少遊客也會專程捧場。冰室廿多年來始終如一,美食眾多,招牌牛尾通以新鮮牛尾、蕃茄等熬 2-3 小時,濃稠酸甜,並非坊間罐頭湯貨色,港人最愛之一。至於當地人必點干免治牛肉飯,是家庭式美食,並非一般糊成一團的窩蛋牛,而是用手切牛粒乾炒,惹味度一百分!

鮮牛尾湯通粉 MOP$25 湯底以牛尾、蕃茄、甘荀、洋蔥、西芹等熬製而成,非常足料。
鮮牛尾湯通粉 MOP$25
湯底以牛尾、蕃茄、甘荀、洋蔥、西芹等熬製而成,非常足料。

炸咖喱角 MOP$22 咖喱角用麵包替代脆皮,不過一樣炸得鬆脆,咖喱吞拿魚餡料豐富,香氣令人食指大動。
炸咖喱角 MOP$22
咖喱角用麵包替代脆皮,不過一樣炸得鬆脆,咖喱吞拿魚餡料豐富,香氣令人食指大動。

喜蓮咖啡麵食
地址:澳門氹仔舊城區飛能便度街南龍花園地下 B84 號
電話:853- 2882 7733
營業時間:星期一至六 7am – 5:30pm
交通:乘 11 、22 、28A號等巴士至泉悅花園站即達

07 | 首創魚翅麵 達榮魚翅湯麵

食開魚翅撈飯,是時候轉下新口味了!此店老闆從事海味批發生意,故能低價取得未經加工的雜翅,減低成本,所以所炮製的魚翅麵、魚翅球,魚翅份量落得夠多,絕對唔手軟!魚翅的湯頭以豬骨、老雞、火腿、胡椒及果皮煲成,味道香濃,不論用來配搭湯麵或撈麵,同樣出色!

經常爆滿!建議下午時段光顧。
經常爆滿!建議下午時段光顧。

魚翅撈麵 MOP$85 足料!一碗就有 5-6 大條的翅裙,不過略嫌湯頭偏鹹。
魚翅撈麵 MOP$85
足料!一碗就有 5-6 大條的翅裙,不過略嫌湯頭偏鹹。

魚翅球 MOP$36 魚肉中混入魚翅,再打碎的成魚丸,炸過後超香口!
魚翅球 MOP$36
魚肉中混入魚翅,再打碎的成魚丸,炸過後超香口!

達榮魚翅湯麵
地址:澳門氹仔舊城區地堡街泉福新村地下 1 舖
電話:853- 2882 5596
營業時間:12nn – 9pm
交通:乘 28A號巴士於官也街下車,步行約 3 分鐘。

08 | 本地人至愛冰室 新好利咖啡餅店

大街上長期有一條長龍,原以為是全都是慕名而來的遊客,但原來本地人排隊都爭住要食!這人氣茶記最出名的是四式撻(蛋撻、鮮奶撻、葡撻及燕窩撻)和豬扒包,前者好彩遇著新鮮出爐的話,熱辣辣最好味,不禁要 Encore 多個;至於後者,份量十足,豬扒不會太乾太瘦,亦不會油膩得過分,口感充實,打包回港,烘熱再食,味道依然超讚!

門外經常有長龍,採訪當日選擇在臨收舖的 5 點半後去,不用等即有位!
門外經常有長龍,採訪當日選擇在臨收舖的 5 點半後去,不用等即有位!

咖喱牛腩麵 MOP$29 牛腩夠稔,味道頗辣又過癮,但不灼喉,愈食愈滋味!
咖喱牛腩麵 MOP$29
牛腩夠稔,味道頗辣又過癮,但不灼喉,愈食愈滋味!

豬扒包 MOP$25 烘過的包外脆內軟,豬扒肉質鬆軟,醃得相當入味,必食!
豬扒包 MOP$25
烘過的包外脆內軟,豬扒肉質鬆軟,醃得相當入味,必食!

新好利咖啡餅店
地址:澳門氹仔舊城區地堡街 13-14 號地下
電話:853- 2882 7313
營業時間:7am – 6pm
交通:乘 28A 號巴士於官也街下車,步行約 3 分鐘。

09 | 地膽必食蛋糕仔 沛記咖啡室

官也街整條街都是食店,好容易會走漏眼,好似門面不甚起眼的沛記咖啡室,就極容易走寶。賣的核桃蛋糕仔是識貨澳門人必買的,每日 10 時半開賣,每半小時就有一轉新鮮出爐,保證客人食到的一定是熱烘烘。蛋糕仔牛油香極重,加上核桃甘香,配上一杯咖啡,完美的茶記下午茶,但記住舖頭不做晚市,幫襯請早!

熱咖啡 MOP$10 港式茶餐廳咖啡,堂食配蛋糕一流。
熱咖啡 MOP$10
港式茶餐廳咖啡,堂食配蛋糕一流。

核桃蛋糕仔 MOP$7 蛋糕每日即製,軟熟綿密,一出爐就整店牛油香,食飽都忍不住柯打一件。
核桃蛋糕仔 MOP$7
蛋糕每日即製,軟熟綿密,一出爐就整店牛油香,食飽都忍不住柯打一件。

沛記咖啡室
地址:澳門氹仔舊城區官也街 25 號地下
電話:853- 2882 7462
營業時間:星期一至日 8am – 6pm
交通:乘 11、28A號巴士至氹仔官也街站下車,步行約 1 分鐘。

延伸閱讀:

澳門新馬路各國西式食品任你揀

澳門新馬路 4 大特色甜品

澳門必試 8 款摘星街頭小食