MGM美高梅本身於於澳門本島已有一家酒店,近年去開路氹,會見到美高梅金獅蹤影。原來最近在氹仔的 MGM COTAI(美獅美高梅)終於有開幕的消息了。由 2017 年第 4 季延至 2018 年 1 月 29 日(一)開幕, 路氹 美獅美高梅 位於新濠天地旁邊,同樣有隻金色獅子傍住,即刻睇官方釋出的開幕預告重點!(更新:美獅美高梅 3 大開幕優惠比拼!訂房套票$838起

圖:美獅美高梅官網

#01|仿首飾盒設計

同澳門美高梅一樣,酒店外形以銅、銀、金三色為主,但氹仔版本酒店房間大樓則以仿首飾盒設計,三色首飾盒坐落氹仔超搶眼!成間酒店有大約 1,400 間客房,而且會以藝術作主打,在酒店內放置不同的藝術品。

珠寶盒設計是氹仔美高梅的重點之一,晚上觀賞時非常漂亮!
珠寶盒設計是氹仔美高梅的重點之一,晚上觀賞時非常漂亮!

#02|世界最大朱古力噴泉之一

美獅美高梅在預告之中已經展現多位星級大廚的照片,分別有來自新加坡的甜品師傅 Janice Wong、米芝蓮星級大廚Graham Elliot掌舵的濤岸,及來自日本的星級名廚津村光晴主理日式秘魯菜等,非常多廚師坐鎮,聽聞價格亦非天價,即係話凡人都可以食到米芝蓮佳餚!

新加坡廚師 Janice Wong 更會在 MGM 內設甜品房,內有全世界最大的朱古力噴泉!
新加坡廚師 Janice Wong 更會在 MGM 內設甜品房,內有全世界最大的朱古力噴泉!

睇相都已經流晒口水,絕對是最期待的餐廳!
睇相都已經流晒口水,絕對是最期待的餐廳!

盛焰由星級主廚Mauro Colagreco主理。
盛焰由星級主廚Mauro Colagreco主理。

盛焰專門提供肉類、海鮮等,想食上等肉類一定要試!
盛焰專門提供肉類、海鮮等,想食上等肉類一定要試!

當然還有其他餐廳,暫時會有 9 間餐廳進駐。
當然還有其他餐廳,暫時會有 9 間餐廳進駐。

#03|移動劇院

據美高梅網站所寫道:「美高梅全新的劇院可隨意更改容納人數和形態結構。」舞台跟座位可以跟當時演出的劇目而改變,非常神奇!

全亞洲第一間移動劇院,可以根據不同表演改變座位!
全亞洲第一間移動劇院,可以根據不同表演改變座位!

據聞最多可以坐 2,000 人!
據聞最多可以坐 2,000 人!

無論是演唱會、音樂劇,全部都可以在這邊上演。
無論是演唱會、音樂劇,全部都可以在這邊上演。

#04|極大天幕 視博廣場

就如一般澳門酒店一樣有個超豪華大堂,有休憩空間等,視博廣場會有非常大的 LED 螢幕圍繞著整個廣場,展示不同畫面;而天花也採用透明玻璃天幕,暫時同類型酒店尚未有如此大的天幕。

全玻璃天幕設計,看起來是個相當大的休憩空間。
全玻璃天幕設計,看起來是個相當大的休憩空間。

#05|最勁!複式客房

一般住宅天台複式單位就聽得多,但美獅美高梅都有過千呎複式客房,位於頂層,幾錢一晚就未有詳細列出,但價錢一定不菲!一般客房就只有 400 – 500 呎,跟其他酒店客房差不多。(更新:美獅美高梅 開幕訂房套票比拼! )

雖然冇錢住,但剩係睇都夠過癮。
雖然冇錢住,但剩係睇都夠過癮。

複式套房--天樂閣有超大空間,適合需要招待客人的住客。
複式套房–天樂閣有超大空間,適合需要招待客人的住客。

普通客房就未有太大驚喜。
普通客房就未有太大驚喜。

#06|影相位!睇永利皇宮音樂噴泉兼獅子

MGM 位置在永利皇宮同埋金沙城中間,即係話部分客房應該觀賞到永利皇宮的音樂噴泉!美獅美高梅未如永利皇宮咁偏,但行出去官也街也需要 20 分鐘。

住高層、向永利皇宮的客人絕對有機會睇到噴泉!
住高層、向永利皇宮的客人絕對有機會睇到噴泉!

最後睇唔睇到都要等開幕先知!
最後睇唔睇到都要等開幕先知!

當然還有美高梅的標誌獅子!
當然還有美高梅的標誌獅子!