今年10月梳乎蛋將會現身澳門,化身澳門美食的造型同大家一齊影相,其中最吸睛的,必定係10米高的充氣梳乎蛋,一定唔可以錯過!除咗有影相位,仲有好多梳乎蛋美食,有得食有得影!一於趁著周末,與家人朋友一齊嚟個2日1夜澳門之旅啦!

撰文:Kamen | 圖片:相關機構 (原文刊於《Sunday Kiss》)

梳乎蛋初次現身澳門

今年10月,梳乎蛋將會首次現身澳門,化身澳門美食的造型同大家一齊影相!全球首隻10米高的充氣梳乎蛋將會坐於悅畔灣旁的大浮台上,大家可以免費同佢盡情合照!除此之外,梳乎蛋亦會化身成澳門美食的造型,喺場內6個不同位置現身!梳乎蛋嘅粉絲唔可以錯過呀!

懶洋洋嘆梳乎蛋美食巡禮

除了可愛的梳乎蛋裝置,場內還有很多特色美食,包括「馬介休梳乎蛋香腸」、「至Hea水果蛋糕」、「輕輕鬆鬆提拉米蘇」及「懶洋洋蛋撻」等等,全部印有梳乎蛋的樣貌,好食之餘,仲可以影相留念!

梳乎蛋期間限定店

而活動期間,場內更會發售一系列限量紀念精品,包括電話套、文件夾、便條簿、名信片、襟章及4組超過30款不同設計的行李貼紙等等!

梳乎蛋在澳門

日期:2018年10月6日至11月4日

時間:星期一至星期四 4:00pm-9:00pm

星期六至星期日 11:00am-9:00pm

地點:澳門南灣雅文湖畔

費用:免費入場

*10米高充氣梳乎蛋展覽時間:每天9:00am-9:00pm

下一頁:【澳門美食】澳門街頭美食節2018 一次過品嘗8間米芝蓮推介食店