新年過大海,攞個好意頭又點少得入賭場玩兩手呢?不過咁,澳門賭場門高風水陣大,酒店門口的靈猴大都暗藏猙獰臉,你以為最新落成的新濠影匯咁大個 8 字摩天輪就會好意頭咩?玄學家司徒法正話新落成酒店賭場內裡的風水陣都非同小可,如果想發個新年財,一於睇下師傅有咩貼士,沾旺氣開個好運新年!

文/ Elaine; 攝/ Chi @新假期周刊

第1招:新濠影滙--8字摩天輪唔利賭客?!

FotorCreated3 copy摩天輪的齒輪遠看似兩個銅錢在不停轉動,司徒師傅話係寓意賭場「財運生生不息,源源不斷」。如果賭客上去轉完一圈,財氣勢被洩減一半,此時再前往賭場搏殺,恐怕凶多吉少!所以如果想在賭場上大殺三方,摩天輪還是事後坐吧!

第2招:新濠影滙--正門池水避之則吉!

macau_hotel_luck_3

師傅話在賭場正門的水池絕非裝飾咁簡單!實情是賭場想利用正門水池的水來反吸賭客身上的「水」,所以賭客進入賭場前,記得要繞過正門水池進入啊!

第3招:新濠影滙--破陣靠 5 蚊!

macau_hotel_luck2-684x1024 copy
但如果真係要經過水池可以點?唔怕,師傅建議,可以掉一個 5 蚊銀入水池,「嫌多的掉 5 毫子一樣得」,然後記住頭也不回向前走!這樣就可以減弱水池對自身運勢的影響!

第4招:金沙城娛樂場,早買早享受!

20140923102329835

當夜幕降臨,娛樂場外的裝飾亮燈後呈現一片金黃色,此為光煞之外,亦寓意整個娛樂場被黃金包圍,不斷生財。大家應盡量在早上入場,待其光煞最弱時,方可進入。

第5招:銀河娛樂場,凡人不宜久留!

macau_hotel_luck_5整個娛樂場採用宮廷式設計。凡人進入宮殿後,被華麗堂皇的設計吸引定必流連忘返,其實正是佈局,吸引賭客不斷下注。賭客應先校好鬧鐘,於指定時間內,無論輸贏都要抽身離開,否則精氣減弱,運勢也會隨之下降,十賭九輸。(咦,乜咁似白雪公主?)

第6招:凱旋門娛樂場,向吊燈下的賭枱說不!

cassinos_macau_f_024
圖片來源:viagem.uol.com.br

賭廳後天花的吊燈形成了光煞,對吊燈正下方的賭枱影響最大。賭客應選擇上方天花板沒有吊燈的賭枱,否則一直被吊燈射著,就彷如被熊熊烈火包圍,想突破重圍都幾難!

延伸閱讀

澳門新春 5 大精選活動

澳門必試 8 款摘星街頭小食

澳門 7 大猴年佈置

澳門新春 5 大精選活動