【Daiso回收產品】遊玩日本嘅指定動作，總有一項係去Daiso掃貨。但近年嘅日本Daiso似乎有啲不安寧，幾個月前試過大規模回收藥妝，昨日亦出現咗一單意外，需要進行商品回收！
撰文：Ryoko｜圖片來源：FNN、ANN
日本Daiso回收產品
日本100円店Daiso出售嘅筆盒，昨日意外割斷咗一個10歲女仔嘅左手拇指指頭肉！
日本國民生活中心嘅鈴木課長指出，按壓筆盒透明部分時，會有空隙出現，開合筆盒蓋時，容易觸碰到內側嘅銳利邊緣，有造成身體損傷嘅危機，呼籲購入者停止使用。筆盒由今年2月至8月10日發售。
Daiso方面將回收售出的約8萬個筆盒，並表示「今後將更加強化，及徹底監管品質，努力阻止同類情況再次發生」。
最新的日本入境要求詳情？
現時大家進入日本，可以登錄Visit Japan Web遞交電子表格，代替填寫入境表格及海關申報表，毋須再排隊領取表格。
