臨近年尾,2017又就快到!趁住日本旅行,當然要狂掃心頭好。港女記者走勻東京幾間大型文具、雜貨店,包括Loft、伊東屋、鳩居堂、世界堂等等,精選每一間必買的 2017記事簿 和年曆。

01 | Loft 買到失心瘋!


來東京旅行,又怎可以唔到涉谷的Loft行一轉?七層高的大樓集齊各種生活雜貨,由護膚、化妝品、零食到文具都有。文具設計新潮,又多選擇,單是 2017記事簿 都有5、6個櫃擺放!作為文具控,起碼要睇2、3個鐘先可以離開!

唔使香港左搵右搵!Loft迪士尼款超齊!

不少香港文具店都可以找到迪士尼款記事簿,但Loft的設計和款式絕對係最齊的!單是迪士尼,目測有過百款,2個櫃擺放!雖然價錢比香港代購平得10-20元,但連埋退稅(消費滿5,000日圓以上),十分之抵!

02 | 少女至愛伊東屋!超多可愛款!

有過百年歷史的伊東屋,賣的文具完全唔老土,係港女遊日的第2至愛!今年他們有特別多可愛又治癒的月曆款,萌度爆燈!

03 | 典雅和風must buy!鳩居堂

鳩居堂有近300多年歷史,賣的文具和雜貨多以典雅、和風為主,喜愛復古感覺的,一定要去看看。