透明波可以在 camping 做營,又可以在草地上滾,但你又有沒有試過在水面上滾呢?位於日本三重縣志摩市的志摩自然學校,可能會令到大家會愛上透明波這個玩意。好玩程度連杜如風都忍不住去玩!不懂遊水都唔洗怕,因為呢個Water ball 感覺好安全,好定,又唔使濕身,仲可以睇到水底的珊瑚同海星添!天氣好,仲可以睇到又清又藍海水,夏天甚至可以見到整個海底都是海參!

氧氣只有15 分鐘!失控水上狂碌!

志摩自然學校使用體積較大的Water ball,一個人玩的話,氧氣足夠使用15分鍾。

小艇拖行,「坐、瞓、趴」都唔怕飄出太平洋

在茫茫大海當然不能随意飄浮,否則飄了出太平洋怎麽辦?所以,在這裏Water ball 的玩法是坐或瞓或趴在波入面被小艇「拖行」!

職員會在岸邊的浮台上爲Waterball充氣,中段才讓人進入,最後拉上兩層拉鏈,保證不會入水!
因爲海面有浪,要站起來拍照,其實相當困難!

從Water ball向外望的影像。最有趣的地方是,見到自己半個身都於水面以下,但就滴水不沾!因爲怕弄穿膠波,所以必須換上學校提供的毛毛拖鞋。

記者玩後感:
一直以爲這個透明波玩意會似「倉鼠跑圈」,但原來在海上玩又是另一回事,完全找不到著力的立足點,保證一仆一碌!竟然可以唔濕身玩水上活動,更睇到水底的海星,非常興奮!

志摩自然學校
地址:三重県志摩市大王町波切2199 ともやま公園
Water ball及獨木舟體驗:大人¥5,000 / HK$380、 小童¥4,000 / HK$304
網址:www.shima-sg.com