文、圖授權轉載自：兩個沸青去日本
大家食日本拉麵多數不外乎有豚骨、醬油、味噌、牛油湯底再加兩塊叉燒，沸青友人推介位於大阪港站附近(即係天保山海遊館嗰度)，有間fusion拉麵店，將日本人定食套餐內容二合為一炮製咗呢個 茶碗蒸拉麵 ！
上層有成吋厚蒸滑蛋，中間有芽菜，下層有特製湯底拉麵，一口蒸蛋一口拉麵，口感真係勁過癮！
製作一碗茶碗蒸拉麵工序都幾繁複，師傅要邊煮拉麵邊炒香芽菜邊蒸蛋。
有入廚嘅朋友都知道蒸個蛋要花啲時間，要點樣拿捏好時間三樣同步完成，真係少啲心機都唔得，仲要價錢同出面普通一碗拉麵冇咩分別。
原本唔愛食拉麵嘅小朋友都大讚好食，大家去開海遊館順路可以去試下！