【美白真相】要成功美白,除咗要努力不懈咁堅持使用美白產品,日常嘅各方面護理都好緊要架!坊間有好多唔同關於美白嘅方法同產品,但係未必樣樣都真係有美白效果!有時更會因一時貪方便,令臉上潛在色斑增多!睇睇醫學美容專家剖析,關於美白嘅真相!

撰文:Carmen|圖片來源:《LDK》

真相1|祛斑膏無法消除現有色斑

現有嘅深色色斑只能用鐳射去除,無論產品聽落幾有效都好,都係無辦法只憑美白化妝品消除現有色斑。祛斑膏主要成份為抑制黑色素形成嘅維他命C誘導體,而且成份配合有促進肌膚血液運行嘅維他命E、保濕成份,能夠起到預防色斑形成,及淡化初期色斑嘅功效。

真相1|祛斑膏無法消除現有色斑
真相1|祛斑膏無法消除現有色斑

真相2|美白成份有機會令色斑加深

大多數美白產品都係醫藥外用品,一方面可能帶來顯著效果,另一方面可能會帶來刺激。敏感肌嘅人使用美白產品,有機會引起發炎、泛紅情況,令色素沉澱,又或招來炎症性色斑,所以使用後一旦感到不適,就要立即停止使用!

真相2|美白成份有機會令色斑加深
真相2|美白成份有機會令色斑加深

真相3|朝早唔用洗面乳可能會成為色斑成因

喺睡眠時浮出嘅皮脂,一經日光照射,就會成為形成色斑嘅變性皮脂。只用水洗面係無法將所有皮脂洗走,除咗極度乾燥性皮膚嘅人之外,都應該用洗面乳清潔。

真相3|朝早唔用洗面乳可能會成為色斑成因
真相3|朝早唔用洗面乳可能會成為色斑成因

真相4|暴曬後可透過事後護理減輕色斑形成

日曬後皮膚泛紅時,係黑色素活性化中嘅表現,呢個時候就唔好為肌膚增添負擔。當皮膚狀況穩定後,可使用有消炎效果嘅產品,然後再使用美白美容液令肌膚狀態回復。

真相4|暴曬後可透過事後護理減輕色斑形成
真相4|暴曬後可透過事後護理減輕色斑形成

真相5|曬後肌膚泛紅時避免敷面膜

紙面膜多數都含有保存劑及酸化防止劑,會對經日曬後變得敏感嘅肌膚帶來刺激。呢種刺激有機會成為色斑,及細紋形成嘅原因。

真相5|曬後肌膚泛紅時避免敷面膜
真相5|曬後肌膚泛紅時避免敷面膜

真相6|”美白”比”whitening”更有效

寫有「美白」嘅產品,都係加入咗經日本厚生勞動省承認有美白效果成份嘅,醫藥外用品。另一方面,「whitening」除咗一部分醫藥外用品之外,亦都使用於化妝品中。用喺化妝品時,其美白效果係未知之數,因此醫藥外用品係比較有效果。

真相6|
真相6|”美白”比”whitening”更有效

真相7|美白防曬產品揀石澤研究所最佳!

講到美白防曬,通常都會諗起ANESSA、或者Biore,但其實石澤研究所嘅外用防曬產品,含有更多美白防曬成份。不使用有機會引起化學反應,造成肌膚刺激嘅紫外線吸收劑,可以減輕肌膚負擔。

真相7|美白防曬產品揀石澤研究所最佳!
真相7|美白防曬產品揀石澤研究所最佳!

真相8|美白&抗衰老成份可能係形成色斑嘅原因

有美白效果嘅柑橘系成份中,有機會帶有一經日曬便會形成色斑嘅「光毒性」成份。只能於睡前使用,朝早就最好避免使用。此外,維他命A經日曬後亦有機會形成色斑。

真相8|美白&抗衰老成份可能係形成色斑嘅原因
真相8|美白&抗衰老成份可能係形成色斑嘅原因

真相9|臉色泛青時該食促進血液循環嘅營養補充劑!

臉色發青、暗啞係血液運行變差嘅證據。可於38℃嘅熱水中泡20~30分鐘澡,提升新陳代謝及免疫力。另外,都可食維他命E嘅營養補充劑,改善血流狀況。

真相9|臉色泛青時該食促進血液循環嘅營養補充劑!
真相9|臉色泛青時該食促進血液循環嘅營養補充劑!

真相10|要買美白產品就買CLARINS!

成份配合中加入咗維他命C嘅其中一種,名為L-抗壞血酸等等,有抑制色斑形成嘅美白效果成份。使用感有如化妝水、乳液般輕盈清爽,但同時有相當嘅保濕力,專家推薦使用!

真相10|要買美白產品就買CLARINS!
真相10|要買美白產品就買CLARINS!

真相11|網絡熱爆嘅「脫斑膏」無法令色斑剝落

喺SNS上形成話題嘅,聲稱可以令色斑脫落嘅「脫斑膏」,其實不能令色斑剝落。只因為加入咗聚合物,而有機會因而令多餘角質剝落。但產品加入咗有美白成份嘅傳明酸、消炎效果顯著嘅甘草甜素,單純作為美白膏嘅話就可以。

真相11|網絡熱爆嘅「脫斑膏」無法令色斑剝落
真相11|網絡熱爆嘅「脫斑膏」無法令色斑剝落

真相12|對苯二酚變得易入手!但其實⋯⋯

有「色斑漂白劑」之稱嘅對苯二酚,雖然美白效果強勁,但同時帶有強烈刺激性,以前只能從皮膚科診所取藥。最近變得能從藥妝店買到,雖還是有機會帶來強烈刺激,但產品濃度只有4%以下,比醫生處方嘅種類濃度較低。肌膚底子較強嘅先好嘗試使用。

真相12|對苯二酚變得易入手!但其實⋯⋯
真相12|對苯二酚變得易入手!但其實⋯⋯

真相13|美白化妝品都有機會係刺激性

美白成份一旦接觸空氣便會酸化變色,所以多數都加入咗酸化防止劑。酸化防止劑當中,有啲成份有機會刺激到肌膚,偏亞硫酸氫鈉就係其中一種。

真相13|美白化妝品都有機會係刺激性
真相13|美白化妝品都有機會係刺激性

真相14|維他命C由營養補充品中吸收

含優秀成份嘅維他命C誘導體,有著令逐漸形成色斑嘅肌膚回復嘅效果,但因為體內能吸收嘅維他命C量係早已決定好嘅,所以即使一次過吸收大量維他命C都係冇意義嘅。透過點滴補充維他命C,會好快變成尿液排出體外,因此能頻繁地食用嘅營養補充劑更有效率。

真相14|維他命C由營養補充品中吸收
真相14|維他命C由營養補充品中吸收

真相15|深色色斑只能用鐳射消除

能夠將已形成嘅色斑消去嘅,有2個代表性方法。鐳射可於數分鐘內1次過消除色斑,但價格相對較貴;彩光嫩膚則價格較平,但有機會要多做幾次治療。

真相15|深色色斑只能用鐳射消除
真相15|深色色斑只能用鐳射消除

真相16|鐳射有機會令肝斑惡化

肝斑同色斑難以用肉眼分辨,如果用鐳射錯點肝斑,有機會導致顏色變深,所以要服用內服藥護理。最近可於藥妝店買到Transino II等等醫藥品。

真相16|鐳射有機會令肝斑惡化
真相16|鐳射有機會令肝斑惡化

真相17|只服防曬藥嘅話係會曬傷!

現時流行「能飲用嘅防曬劑」,雖然能有效地抑制因接觸到紫外線而產生嘅活性酸素,有效預防因日曬而形成嘅色斑,但呢種外服藥本身並不具備阻斷紫外線嘅效用,所以如果唔搽防曬,肌膚表面都係會曬傷。

真相17|只服防曬藥嘅話係會曬傷!
真相17|只服防曬藥嘅話係會曬傷!

真相18|要食美白藥就喺沖完涼後食!

沖完涼後,身體會處於營養吸收力高嘅狀態,呢個時候服食美白藥會有更好效果。但如果要服食傳明酸則緊記唔好空肚食!

真相18|要食美白藥就喺沖完涼後食!
真相18|要食美白藥就喺沖完涼後食!

真相19|攝取茄紅素更有美白效果

蕃茄中含有嘅茄紅素有高效抗酸化作用,能有效抑制黑色素形成。相比生蕃茄,100%果汁效果更好,而且能更容易堅持攝取。

真相19|攝取茄紅素更有美白效果
真相19|攝取茄紅素更有美白效果

真相20|卸妝紙巾有機會係色斑原因!

非常方便嘅卸妝紙巾,為咗能有效卸妝而加入咗酒精及界面活性劑。因為卸妝時無論如何都會擦拭,摩擦及成份嘅刺激則成為暗啞同色斑嘅原因。

真相20|卸妝紙巾有機會係色斑原因!
真相20|卸妝紙巾有機會係色斑原因!

下一頁:【 FlyJapan 】14款最新美白美容液No.1決定戰| FANCL有效預防色斑CP值高、SK-II評價一般?!

【 FlyJapan 】20個美白護膚產品成效真相|卸妝濕紙巾用得多會有色斑、CLARINS係王道產品