唔少香港人都好掛住哈迪斯,仲喊話希望佢回歸香港。但點解!點解無人提起雲狄斯(Wendy’s)!佢都係我童年回憶嚟架!記得讀小學果陣,屋企人最鍾意帶我放學去荃灣廣場食。正方型的夾心牛肉、爆芝醬、任斟的茄汁,絕對係小學雞的我食過最正的味道,連老麥都要行埋一邊。可惜雲狄斯做到2000年就頂唔住,要食返呢種味,最近都要去到日本。港女之前旅行,亦都專程去 東京雲狄斯 朝聖!(網上亦有一說指做到2006年,年代舊遠小妹實在唔太記得!)
圖文:[email protected]港女講旅行

食回憶之味!尋找東京唯一直營店

好多人去旅行都鍾意試新餐廳、試潮食。不過我呢,就唔介意用1餐quota來回味這間經典快餐店,仲可以探下孖辮「得意妹」!話晒都係我童年偶像,以前仲逼媽咪日日幫我扎孖辮返學架。想在東京食Wendy’s,在上野、六本木都有和另一餐廳First Kitchen的合作店,不過裝修比較潮。想見到孖辮妹,就要去到新宿區住吉町的直營店。一入到店內,牆身、標誌都是「得意妹」的嘜頭,裝修亦都係舊時的紅木牆身、木地磚!

P92912946
同學仔都鍾意食麥記,不過識食梗係食wendy’s啦!

IMG_1325
店內有大大小小的得意妹,很有親切感。

感動!必食正方形漢堡

講到雲狄斯最有印象的,就當然有任斟茄汁,仲有正方型漢堡!不過真心十幾年無食過,淨係記得細個食好味,起碼跑贏老麥N條街。今次點了一個必食的蘑菇芝堡(曾經拎個朝日電視台美味漢堡TOP4),用了記憶中的正方型的漢堡扒(聽聞佢哋用的肉和包都比老麥好,至少唔係生命麵包),入口塊肉又厚,肉味又香,芝士半溶味道超濃,絕對超出了快餐店質素!

P9291369
芝士蘑菇包¥510/HK$39,性價比極高,好好味啊!!

P9291317
N年無食過,仲有另一必食的墨西哥辣豆湯!!

追加芝士超滋味

雖然日本餐單無我另一至愛──焗薯!薯條亦都唔係記憶之中的粗薯條,不過勝在有得揀topping,例如煙肉芝士和辣肉醬芝士,又可以加錢追加5款醬料,好似蜜糖芥末、照燒、BBQ醬、芝士、辣蛋黃醬等等,唔會一味死鹹咁寡。
可能會有人笑我傻啦,去到日本都仲食快餐。但明明都係阿斯,個個淨係記得哈迪斯,睇怕我的雲狄斯都回歸無望啦。回憶嘅嘢,用一餐半餐去懷念都很值得啊!而且性價比咁高,跟我一樣的念舊L記得去東京雲狄斯試試。

IMG_1294
芝士控很想要吧!熱辣辣的薯條和芝士,好味。

IMG_1317
究竟Wendy’s可唔可以回歸香港!(淚)

info
曙橋直營店
地址:東京都新宿区住吉町8番24号
營業時間:8am-10pm
交通:都營新宿線 曙橋駅 2號出口 徒歩2分

浅草合作店
地址:東京都台東區上野7-2-2
營業時間:5am-1am(星期日至12mn)
交通:JR上野駅浅草口

六本木合作店
地址:東京都港區六本木7-14-11
營業時間:7am-1am
交通:東京メトロ 大江戸線 / 日比谷線 六本木駅 徒歩1分

yukk