撰文:Carmen |圖片來源:《林修の今でしょ!講座》
關於牛奶的5大疑惑
1|飲牛奶會肚瀉?
的確,成日會聽到有人話飲牛奶會飲壞肚,一飲就瀉。醫生就話,一飲牛奶就瀉嘅人,係有「乳糖不耐症」,意即小腸內能分解乳糖嘅酵素含有量較少,而呢類人士唔係唔飲得牛奶,只係需要多少少步驟。


但將牛奶整熱,又會唔會令營養流失?醫生指出,維他命C一經加熱就會流失,但牛奶中所含嘅維他命C本來就唔多,其他營養成分亦唔會因加熱而流失,所以可以放心加熱飲用。另一方面,亦有料理係使用牛奶製作嘅,例如奶油燉菜咁,唔習慣飲牛奶嘅人,都可以透過食呢啲料理吸收牛奶嘅營養。
牛奶加熱後,表面嗰層「皮」又係啲咩嚟嘅呢?

原來呢層「皮」,係蛋白質嚟嘅!唔知大家有冇好似嘉賓,大塚寧寧咁整走層「皮」先飲呢?如果之前係會整走嘅,記得以後唔好喇!醫生話飲埋佢,唔好浪費呢層營養。
醫生話,飲牛奶會致肥呢個傳聞,並唔係真嘅。一杯約200ml嘅牛奶,脂肪含有量為138kcal,而呢一個數值,喺成年人一日需要吸收嘅卡路里中,只佔約7%。因此,每日飲一杯牛奶,並唔會係致肥嘅主因。

雖然飲完牛奶之後,奶會喺胃內形成一層薄膜保護胃臟,但因為酒精嘅成分粒子幼細,仍是會被吸收嘅,所以飲完牛奶再飲酒,可以「千杯不醉」只係傳聞,而非事實。

之但係!醫生話酒精同牛奶一齊飲用嘅話,係會有一個神奇嘅作用!
而醫生指,雖然唔少食材都含有鈣質,但重要嘅係鈣質嘅「吸收率」,吸收率不足嘅話,食咗都冇多大好處。

研究顯示,牛奶所含嘅鈣質吸收率,比小魚同蔬菜都仲要高!呢個作用,係源自只有奶類製品先有嘅「酪蛋白」成分,身體將呢樣成分消化後,會令鈣質成為溶解狀態,更易被身體吸收。

咁咩時間飲最能提升吸收率呢?
據醫生所講,餐前飲牛奶最能夠提升吸收率,當胃部處於空腹嘅酸性狀態,牛奶中嘅鈣質落到胃部後,就會變為鈣離子,身體更加容易吸收。而餐後飲都唔係話唔得嘅,只係餐前飲能吸收到嘅鈣質更為豐富。