【日本年輕人潮流】日本流行嘅嘢變得好快,特別係引領潮流嘅JC(女子中學生)同JK(女子高中生),每隔一段短時間就會有唔同嘅新潮語、新旋風形成。有啲潮語都仲可以憑表情語氣估到咩意思,但今期嘅,實在係估唔到一句「ありがとう」(多謝)都可以有咁嘅變化!不得不佩服日本年輕人呀!

撰文:Carmen|圖片來源:株式会社AMF、網絡、相關機構

JC.JK流行語大賞2018年上半期結果

呢個調查係由擅長探索潮流嘅「JC.JK調查隊」搜集而成嘅結果,分為「人物」、「物品」、「app」、「詞語」4個部門。結果及解釋如下:

JC.JK流行語大賞2018年上半期結果
JC.JK流行語大賞2018年上半期結果

【人物部門】

第1位:今田美櫻

剛結束不久嘅上季日劇《花過天晴~花男next season》中,今田美櫻所飾演嘅角色,髮型設計使用咗絲帶綁成超可愛嘅雙馬尾,造成日本女生之間嘅熱爆話題。喺運動會、特別活動等中模仿呢個綁法嘅女子高中生非常之多!

今田美櫻
今田美櫻

今田美櫻大熱角色髮型「愛莉髮型」。
今田美櫻大熱角色髮型「愛莉髮型」。

第2位:BTS 防彈少年團

韓國Big Hit娛樂經紀公司旗下7人男子團體,2013年於韓國出道後大紅!2014年開始進軍日本,引來超高關注度。呢一、兩年都依然能頻頻於日本電視節目上見到佢哋嘅身影。BTS防彈少年團成員包括:Jin、SUGA、j-hope、RM、Jimin、V、Jung Kook。

BTS 防彈少年團
BTS 防彈少年團

第3位:King & Prince

日本Johnny’s事務所旗下新6人偶像團體,於2018年5月23日正式CD出道。出道單曲首日銷量達31.8萬!歌曲〈Cinderella Girl〉是成員・平野紫耀主演日劇,《花過天晴~花男next season》主題曲,爆紅到日本街頭幾乎每走過一處都能聽到店家在播嘅程度。King & Prince成員包括:平野紫耀、永瀨廉、高橋海人、岸優太、神宮寺勇太、岩橋玄樹。

King & Prince
King & Prince

第4位:BLACKPINK

韓國YG娛樂旗下4人女子組合,於2016年韓國出道,憑出道單曲打破多項新人組合紀錄。2017年開始進軍日本,但正式於日本出道前,在日本武道館舉行首場海外showcase,高達20萬名歌迷透過各種渠道,向其所屬公司表達購票請求,於日本也擁有大量歌迷。BLACKPINK成員包括:Jisoo、Jennie、Rosé、Lisa。

BLACKPINK
BLACKPINK

第5位:けみおKemio

以日本女高中生的支持為主嘅日本超人氣YouTuber,其「獨特世界觀」獲得年輕人嘅壓倒性支持。現時22歲嘅Kemio,父親係意大利+伊朗混血,母親為日本人,父母因事故雙亡後,由祖父母養育成人。曾於6秒影片app「Vine」投稿,出名後做過歌手、演員、model。現時居於美國,以YouTuber身分活躍中。

けみおKemio
けみおKemio

【物品部門】

第1位:芝士熱狗

來自韓國嘅食品,因為影相放上Instagram畫面感夠吸引,成為咗流行第1位!特別係新大久保嘅「Arirang Hotdog」人氣最高,芝士拉伸嘅畫面有非常多朋友、情侶影相合照,喺年輕人之間極具人氣。

韓式芝士熱狗
韓式芝士熱狗

第2位:貢茶

喺日本,貢茶特別出名嘅原因為茶香同珍珠嘅口感。一入口就有滿滿紅茶香,而且珍珠都非常講究。貢茶嘅珍珠柔軟,口感良好,係高人氣嘅原因之一。除此之外,因為可以自由選擇飲品配搭,所以喺年輕人之間相當有人氣。

貢茶
貢茶

貢茶hit到連電音女子組合Perfume嘅あ〜ちゃん都勁鍾意!
貢茶hit到連電音女子組合Perfume嘅あ〜ちゃん都勁鍾意!

第3位:STRAWBERRYVERYMUCHFRAPPUCCINO

被稱為Starbucks史上最強士多啤梨星冰樂,整杯不使用牛奶,士多啤梨亦不做加熱處理,而且無論飲到第幾啖,都充滿濃厚嘅士多啤梨味。士多啤梨嘅使用量多到令人認不住感嘆:「係咪over咗?」

STRAWBERRYVERYMUCHFRAPPUCCINO
STRAWBERRYVERYMUCHFRAPPUCCINO

第4位:オオカミくんには騙されない(不會被大灰狼君騙倒)

2017年開始於網絡電視,AbemaTV播出嘅日本真人騷節目。以「真心想要戀愛嘅女子高中生」為主人公,透過反覆同男性陣容見面、約會,追拍到直至陷入戀愛嘅「戀愛紀錄片」節目。2018年被選為「女子高中生票選「最喜歡的戀愛真人節目」第1位。

オオカミくんには騙されない
オオカミくんには騙されない

第5位:腰包

日本衣著潮流的一環,斜孭或掛腰間都係受年輕一眾歡迎嘅潮流。

腰包穿搭示範。
腰包穿搭示範。

腰包穿搭示範。
腰包穿搭示範。

【app部門】

第1位:荒野行動

由中國網易遊戲公司開發嘅第三人稱射擊遊戲。玩法簡單,連冇乜打機經驗嘅玩家都能享受遊戲,所以喺年輕人間非常受歡迎。而喺遊戲裡面,勝出就會獲得朋輩間嘅人氣,亦能得到女生嘅支持。

荒野行動
荒野行動

第2位:Tik Tok 抖音

抖音於2016年9月開始應用,至今已成為中、港、日三地非常多年輕人使用嘅音樂社交軟體。

Tik Tok 抖音
Tik Tok 抖音

第3位:Peing -質問箱-

首先製作一條URL,然後公開放到社交媒體平台上,可供follower匿名向玩家提問問題。玩家唔會知係邊個人問,回覆時,更會自動將問題變成一張圖片,玩家就可以轉到自己Twiiter帳號,或其他社交平台回答問題。

Peing -質問箱-
Peing -質問箱-

第4位:Netflix

於世界多國提供網絡隨選串流影片嘅公司,1999年開始推出訂閱制服務,至今已提供超過10萬部電影DVD,訂閱者人數超過1,000萬人。

Netflix
Netflix

第5位:IGTV

Instagram新服務,用家可upload約1小時嘅影片,而解家頁面則稱為「頻道」。

IGTV
IGTV

【詞語部門】

第1位:「あげみざわ」

由【人物部門】人氣第5位嘅YouTuber Kemio始流行嘅「あげみざわ」,帶有情緒高漲嘅感覺,最原本用於表達情緒高昂嘅字詞係「あげ」→「あげみ」→「あげみざわ」,透過呢個進程慢慢演變而成。多用於表達情緒高漲,或表現開心時用到,例如「テスト終わった~あげみざわ~」(測驗結束啦~好開心啊~)。

第2位:「あざまる水産」

係最新版嘅「ありがとう」(多謝)潮語說法,由「ありがとうございます」(標準說法)→「あざっす」(省略版)→「あざす」(再省去促音)→「あざまる」(まる有圓形意思,這裡則表示句號)→「あざまる水産」(まる同指句號,後面加上水產係因為讀音上與磯丸水產的日語發音相似)。大概今後會流行企業名(商品名)x詞語嘅合成潮語。

第3位:「ないたー」

呢個都係由Kemio帶起嘅潮語,字面有「泣いた」(哭泣)嘅意思,但唔係悲傷嘅時候先用,咩情況底下都可以用。

源於YouTuber Kemio嘅潮語足足有成2個上榜!
源於YouTuber Kemio嘅潮語足足有成2個上榜!

第4位:「クセがスゴい」

來自日本漫才藝人・千鳥Nobu嘅段子「クセがスゴい」。主要指習慣、冇意識嘅行為太過有特徵,令人忍不住感嘆「實在太有特色」!比起普通嘅表達方法,模仿Nobu嘅抑揚頓挫嚟講,更受高中生歡迎。

第5位:「いい波のってんね」

由Tik Tok中所使用嘅大熱歌曲演變出嚟,同首歌本身一樣,配合節奏感咁講出嚟,先係年輕人間嘅正確說法。

https://youtu.be/dJ8R8aDFtd8