(Presented by DREAM CRUISES X BE.OKINAWA)

去到沖繩,點可以只留喺本島?識玩一定要去埋附近嘅離島。如果想欣賞大自然風光,一片碧藍嘅大海,就要去 宮古島 了! 宮古島 附近海域出名清澈,日光折射海中嘅珊瑚礁,海水形成不同層次嘅「宮古藍」。去到當地,唔少人都會去浮潛,探視呢片美麗海域。唔識游水?怕曬?唔緊要!唔需要濕身都可以深入水底,欣賞珊瑚礁和熱帶魚仔們。睇完大自然風景,再去掃手信同歎地道美食,輕鬆1日遊!

1. 不用濕身!排排坐潛入水底

宮古島海域清澈,浮潛欣賞珊瑚礁和熱帶魚群是必做項目之一!唔想濕身又想潛入「宮古藍」嘅水底世界,就要去上野德國文化村搭半潛水式觀光船博愛號喇! 觀光船有兩層,上層係甲板,下層係玻璃船艙,共可載乘客60名,但玻璃船艙内只有38個座位。

博愛號在宮古島南岸一帶航行
博愛號在宮古島南岸一帶航行。

成人票價每人 ‎¥2000
成人票價每人 ‎¥2,000。

離開港口前,先在甲板層欣賞附近景色,欣賞藍澄澄嘅海灣。差不多開船時間,就要到下層玻璃船艙霸窗口位,捕捉熱帶魚在身邊游過的畫面!玻璃船的窗口大,視野較廣,有親身潛入水底探險的感覺。觀光船航行時會見到熱帶魚群喺身邊游過,5、6月去仲有機會見到野生海龜~船程約40-45分鐘,每天只有7班船,去前記得查清楚時間。

在上層甲板可欣賞上野德國文化村的景色
在上層甲板可欣賞上野德國文化村的景色。

透過玻璃都魚仔們清楚睇到藍澄澄嘅海中暢泳!
透過玻璃窗可清楚看到魚仔們喺藍澄澄嘅海中暢泳!

近距離看熱帶魚同珊瑚!
近距離看熱帶魚同珊瑚!

半潛水式觀光船博愛號
班次:9:00am、10:00am、11:00am、1:00pm、2:00pm、3:00pm、4:00pm 
費用:‎¥2,000/成人,‎¥1,000/小童(小學生-中學生)
網址:hakuaiueno.com/seasky.html

2. MaxValu掃當地手信

宮古島 內雖然冇大型百貨公司,但想掃零食、手信可以去當地嘅MaxValu。其實MaxValu係小型嘅Aeon,水果、熟食、壽司、飲品一應俱全。值得一提的是店內有著名嘅地道手信賣,如宮古雪鹽製品、海葡萄、宮古島交通警包裝小食⋯⋯宮古島嘅雪鹽出名含多種礦物質,曾連續3年在世界食品品質評鑑大賞奪得金賞,島民把雪鹽製作成不同的手信,有宮古島cider、雪鹽金楚糕、雪鹽糖,去到MaxValu可以將呢啲手信一網打盡!

整個corner都放滿宮古雪鹽產品
整個corner都放滿宮古雪鹽產品。

宮古島cider candy ¥270 雪鹽口味嘅糖,你試過未?
宮古島cider candy ¥270
雪鹽口味嘅糖,你試過未?

蜜瓜 ‎¥‎900起 有水果賣,去到當然要買個返香港!
蜜瓜 ‎¥‎900起
有水果賣,去到當然要買個返香港!

海葡萄 可以帶走埋沖繩必食嘅海葡萄同屋企人歎!
海葡萄
可以帶走埋沖繩必食嘅海葡萄同屋企人歎!

MaxValu係24小時營業,幾時去掃貨都得!
MaxValu係24小時營業,幾時去掃貨都得!

MaxValu宮古南店
地址:宮古島市平良字松原631番地
營業時間:24小時
電話:0980-73-7711

3.超多嘢買激安の殿堂

逛完MaxValu未必夠喉,離嗰度約7分鐘車程,就係當地嘅激安の殿堂。MaxValu嘅貨品以家居用品同食物為主,而激安則是大雜燴,咩都有,由水上活動用品、藥妝到小食都有。仲可以搵到一啲MaxValu搵唔到嘅當地手信,如沖繩限定的百力滋、泡盛同面膜。去晒兩間店,就一定買得齊沖繩特色手信啦!

沖繩出產嘅泡盛﹐¥‎300左右一支
沖繩出產嘅泡盛,¥‎300左右1支。

沖泡限定口味百力滋
沖繩限定口味百力滋。

激妻の殿堂超大,咩嘢都買到!
激安の殿堂超大,咩嘢都買到!

激安の殿堂
地址:宮古島市平良字西里1283
營業時間:9:00am-3:00am
電話:0980-75-3011

4.小島地道料理

個個去沖繩都話一定要食石垣牛、海鹽雪糕、沖繩そば,我就話要「be local」不如食地道嘅鄉土料理,あぱら樹被稱為琉球居酒屋,原木色系裝潢,帶點古樸嘅味道。坐下看一看餐牌,就被伊勢蝦嘅圖片所吸引,於是叫了1個伊勢蝦定食。另外仲試咗沖繩出名的苦瓜炒蛋和海葡萄。伊勢蝦定食果然冇令人失望,半邊伊勢蝦有手掌那麼大,肉質扎實,每口都是鮮甜的蝦膏,配飯食一流!

伊勢蝦定食 ¥2700 有半邊成隻手掌大嘅伊勢蝦,加上白飯、漬物等,勁飽!
伊勢蝦定食 ¥2,700
有半邊成隻手掌大嘅伊勢蝦,加上白飯、漬物等,勁飽!

海葡萄 ¥594 沖繩特產嘅健康食品,咬爆每粒小珠,是海水咸咸的味道
海葡萄 ¥594
沖繩特產嘅健康食品,咬爆每粒小珠,是海水鹹鹹的味道。

海葡萄 ¥594 沖繩特產嘅健康食品,咬爆每粒小珠,是海水咸咸的味道
苦瓜炒蛋 ¥604
差不多每間沖繩餐廳都有這道菜,是沖繩必食地道菜!

帶點古樸風味嘅琉球居酒屋
帶點古樸風味嘅琉球居酒屋。

あぱら樹
地址:宮古島市平良字西里399-1
營業時間:11:00am-11:30pm
電話:0980-73-6655

5.人氣意式雪糕

夏日炎炎,一定要去食雪糕消暑!離宮古島港口約10分鐘步程,有間意式雪糕(gelato)專門店,走入店內見到不少日本少女幫襯,人氣十足~雪糕由店員喺每天早上製作,用咗島上不同的食材,而且不同季節時,會換唔同嘅限定口味,每日都有唔同口味揀。特濃牛奶係店舖人氣no.1的口味,用宮古島的鮮榨牛奶製作,入口有濃濃的奶甜味。建議試埋沖繩名物-紫薯製作嘅雪糕!

特濃牛奶+沖繩紫薯 ¥‎450
特濃牛奶+沖繩紫薯 ¥‎450

熱情果梳打 ¥‎600
熱情果梳打 ¥‎600

門外有少量坐位
門外有少量座位。

リッコ ジェラート RICCO gelato
地址:宮古島市平良字下里550
營業時間:11:30am-10:00pm(星期二休息)
電話:0980-73-8513

沖繩郵輪之旅

香港未有直航去 宮古島 ,但搭郵輪就可以1程去到,仲可以順便去埋那霸!郵輪上有好多唔同的活動,如巨型滑水梯、繩索陣、攀石等等,一路玩一路去沖繩!船上仲有收費餐廳在6月期間會推出沖繩菜單,將石垣牛、黑豚豬肉入饌,船上已經充滿沖繩風情!現在仲有宮古牛食,喺宮古島miss咗都可以喺船上食到!不過數量有限,想食就要快啦~夜晚亦有表演、電影播放,由朝玩到晚都得。出發前提早 30 日預訂仲有 7 折優惠,趁今個夏天,一於一家大細上船去沖繩,來個舒服嘅郵輪假期!

詳情:goo.gl/TUn3eq

有水上滑梯玩,超刺激!
有水上滑梯玩,超刺激!

星夢豪華套房有個專屬露台,望著個海,好梳乎~
星夢豪華套房有個專屬露台,望着個海,好疏乎~

夜晚有表演睇,日夜都咁精彩
夜晚有表演睇,日夜都咁精彩。

郵艇有收費嘅中菜餐廳(絲舞花路)推出沖繩菜單,用石垣牛做中菜﹐fushion!
雲頂夢號有收費嘅中菜餐廳(絲路花舞)推出限定沖繩菜單,用石垣牛做中菜,fusion!特別菜單只去到6月,快啲去試啦!

夜晚嘅甲板上﹐開晒燈都好靚!
夜晚嘅甲板上,開晒燈都好靚!