提到沖繩,通常即時諗起自駕遊,不過今次要介紹的不是四個轆的汽車,而是用兩個轆的單車環遊沖繩本島。沖繩位於日本南面,氣候和香港差不多,就算要踩單車環島身體都絕對應付到,加上沿路風景優美,不經不覺就輕鬆環完整個沖繩,是繼台灣之後另一個環島單車遊熱點!

香港飛去沖繩大約兩個鐘鬆少少,加上有直航機到市中心那霸,交通非常方便。不要以為帶埋愛車去沖繩會麻煩,其實只要上機前通知航空公司,再將單車小心pack好,落機後即刻組裝返,話難唔難,計下條數,好過落機再慢慢用有限日文搵車,到時雞同鴨講,分分鐘租到一架唔啱的車就喊都無謂。

沖繩本島雖然唔算大,幾日就玩得哂,但勝在沿途自然景色一流,特別係清到見底的海水,人人都忍不住發出「嘩嘩嘩」聲,不知幾想即刻衝落沙灘游水,親親大自然。對於生活在香港的城市人來講,海天一色簡直是難得一見的奇景,當然要係沖繩睇返夠本先走,成條單車路線都是沿住海旁前進,鐘意睇海的朋友一定唔可以錯過。不過,唔好掛住睇海,要小心睇路先啱。

沖繩單車環島路線有幾個必去景點,千祈咪走寶!

沖繩環島單車遊 齊齊出發啦!

萬座毛

雖然萬座毛本身不適合單車進入,但大家放心,入口處會有一個簡陋的停車場,只要到時將單車停泊埋一邊就無問題。不過要注意,萬座毛和本身的環島公路有一段距離,所以如果想去的車友就要預留多少少時間,以免太夜都未去到當日的目的地。

沖繩環島單車遊 齊齊出發啦!

海中道路

嚴格來說海中道路並非景點,而是一條連結沖繩本島中部與平安座島之間全長4.5km的道路,單車旅人們可以一邊享受海風,一邊欣賞美景,非常寫意,特別是當踩到身水身汗時,一陣陣涼風吹過黎,都咪話唔爽!

雖然250公里對新手來講有點嚇人,不過其實都只是「聽落得人驚」,實際上唔算太艱辛,整條路線都以平路為主,上落位不算太多,只是間中有小斜坡,所以就算要環完整個沖繩本島都無問題!加上沿途有不少草地可以休息,放低單車同車友齊齊在路邊攤抖下、傾下偈都係增進感情的好活動。

路線資料:

Day1:那霸>泊港>首里城公園>美國村
Day2:都屋漁港>殘波岬燈塔>嘉手納町>萬座毛>琉球村
Day3:石川>海中道路>與那原町>知本海水浴場
Day4:斎場御嶽>玉城村濱海茶屋>奧武島
Day5:玉泉洞>平和祈念公園>系滿>那霸
全長:250KM
預計時間:5天
路面狀況:沿海馬路為主
難度:★★☆☆☆ 初至中級
好玩度:★★★☆☆
參考地圖:http://bit.ly/15mazgq

更多海外單車好路數,記得留意單車遊專頁: