日本有關報導指,因為各種問題, 築地 市場原定 11 月 7 日搬遷的計劃應該會擱置,豊州新場真正可以面世的日期,可能會延後到 2017 年 5、6月,換言之,大家又多了時間去 築地 市場覓食了!現在馬上和大家推薦 7 大必食!

螢幕快照-2016-08-30-19.38.14

01 | 爭崩頭「師傅發辦」壽司店!壽司大

「壽司大」被食容形容為能感動人心嘅壽司店,其「師傅發辦」嘅壽司套餐吸引唔少來自世界各地嘅遊人,每到 築地 門口例必一條長龍!唔少食客仲凌晨兩、三點開始排隊,名氣迫人!

tsukiji05

壽司大

地址:築地市場内 6號館
營業時間:5:00 am-4:00pm

02 | 與壽司大叮噹馬頭的壽司店!大和壽司

講到爭崩頭嘅壽司店,同壽司大叮噹馬頭嘅一定係大和壽司!同樣以「師傅發辦」為主打,唔少食家都大讚!

tsukiji07

tsukiji08

大和壽司

地址:築地市場内 6號館 (顯示地圖
營業時間:5:30 am-1:30 pm

下頁續:炸海鮮拼盤!叉燒雙蛋飯!

03 | 炸海鮮拼盤!叉燒雙蛋飯!とんかつ八千代

築地 唔食壽司仲有乜食?呢間炸物店同樣大排長龍!唔少食家專誠嚟食佢嘅炸海鮮拼盤同叉燒雙蛋飯。見到咁多人喺門口排隊,寧棄刺身飯都要食佢哋嘅料理,就知做得有幾出色!想感受築地不一樣嘅料理,不妨去試吓!

tsukiji09

とんかつ 八千代 (やちよ)

地址:築地市場内 6號館(顯示地圖
營業時間:5:00 am-1:00pm

04 | 一定要嚟食!大定玉子燒

築地 除咗壽司,仲有唔少人鍾意嚟食玉子燒,而大定玉子燒大家都一定聽過啦!原來大定玉子燒有差唔多80年歷史,仲要啲玉子燒係新鮮出爐,所以食玉子燒一定要嚟食呢間呀!
tsukiji12
大定本店/市場内支店

地址:東京都中央区築地 4-13-11 (顯示地圖)/魚がし横丁7号館(顯示地圖
營業時間:4:00 am-3:00 pm

下頁續:再介紹3大場外食店

築地 場外簡介:

鄰近 築地 市場嘅商店街就係「場外」範圍,以招待觀光客同當地上班族為主,呢道嘅餐廳種類比「場內」可謂更多元化!水產餐廳、和食店、洋食店、拉麵店都有,一應俱全,有400間餐廳畀你慢慢選擇,實有間啱你心水!有選擇困難症嘅朋友唔洗擔心,我哋亦於云云餐廳中揀咗幾間畀你哋參考參考:

05 | 百年壽司老店!壽司清

喺日本有22間分店,本來於1889年起於「場內」經營,但經關東大地震後搬到「場外」,於「場外」嘅本店地方較闊落、舒服!位於築地嘅本店可算係百年老店,一場嚟到築地,點都要感受下百年老店嘅威力!

tsukiji14

壽司清 築地本店

地址:東京都中央區築地場外4丁目13番9号(顯示地圖
營業時間:星一至日(8:30am-2:00pm及5:00至8:00pm)、星期三休息

06  |  1,000 YEN 鮪魚「面豬燈」飯!築地どんぶり市場

鮪魚就食得多,燒鮪魚面頰飯就真係未食過,網上食家形容為「像牛扒一樣的魚」,有牛扒嘅味道卻有魚肉嘅細膩感,無筋無渣,啱哂怕食生魚嘅朋友!

tsukiji16

築地どんぶり市場

地址:東京都中央區築地場外4丁目9番5号(顯示地圖
營業時間:星期一至六24小時營業,星期日及公眾假期休息

07 | 手信玉子燒 口味多選擇!松露玉子燒

松露玉子燒雖然無大定歷史悠久,但係喺築地都好出名唔少人會嚟排隊食㗎!松露玉子燒口味有好多,例如有櫻花蝦、雞肉、 紀州梅同海苔都有,當然有佢地出名嘅招牌松露玉子燒啦!松露玉子燒仲有包裝好嘅玉子燒買,雖然無新鮮出爐嘅玉子燒,熱辣辣啦好食,但係都不失為手信嘅好選擇!

tsukiji19
松露玉子燒

地址:東京都中央区築地 4-13-13(顯示地圖
營業時間:4:00 am-1:00 pm

原文刊於新假期網站

下一頁:搬前必食!食齊 築地橫丁 8 家名店

延伸閱讀:

築地場外市場 7 間刺身壽司海鮮店合集

密食。庶民台所 | 築地場外市場 5 大小食

豊洲 又出事!11月 築地 搬唔成?