【東京迪士尼樂園35周年】今年係東京迪士尼樂園35周年紀念,作為Disney的super fans,有咩開心得過同「偶像」慶祝生日?雖然正式的慶祝活動要等到4月15日先開始,但已經可以買到紀念商品喇!全部都好靚,好想買晒返屋企呀!(今次實破產!)

撰文、攝影:主場・日本

激可愛「小小世界」公仔

配合新裝後重開的遊戲「小小世界」,呢一系列商品有齊多個迪士尼主角,Elsa同Anna激可愛!

裝身買呢啲…

想更投入慶祝的活動,當然最好「dress up」一下,影相都sharp啲啦!

必搶!「期間限定」TOMICA

不同時段推出不同設計,第一輪的4款有南瓜車、Disney Resort Line單軌列車等,總共有20款!

超實用!

有無試過買手信送畀朋友,但畀人話「成日都買埋啲垃圾返嚟」?呢幾款又靚又實用,應該唔會再畀人鬧掛?!

零食手信

上面幾款sell實用都唔得的話,買嘢食一定唔會錯吧!

懷舊版米奇系列

最經典的樣子,未「進化」、無「添加」,fans必定要入手!

廚師唐老鴨系列

迪士尼近年較少推出唐老鴨的商品,這個全新系列,其實是呼應賣朱古力crunch的新店,設計好獨特,fans可能要買晒成set!

「世界市集」買得晒!

入到場,見到紀念品樣樣都咁靚,當然樣樣都想買啦!但其實唔使咁心急買㗎,唔好拎住一袋二袋,去玩同影相都唔方便啦!應該臨走之前先走「世界市集」買,其實都幾齊款!

延伸閱讀:東京大阪 春季賞櫻服裝穿搭示範!| 3-4月遊日注意