反斗奇兵主題酒店2021年正式開幕!東京迪士尼樂園最近好多新搞作,例如東京迪士尼海洋近年擴建嘅「魔法世界」主題園區,以及東京迪士尼樂園最新嘅《美女與野獸》主題園區。不過,東京迪士尼度假區都唔執輸,盛傳已久嘅《反斗奇兵》主題酒店即將開幕,睇嚟下次去東京迪士尼嘅時候,應該會有好多新景象!

撰文:C|圖片來源:The Oriental Land Company

東京迪士尼新酒店|反斗奇兵主題酒店2021年正式開幕

東京迪士尼咁多新搞作,咁東京迪士尼度假區呢?有!《反斗奇兵》主題酒店即將同你見面!東京迪士尼度假區近日喺網頁宣布新酒店即將開幕,酒店名稱為「東京迪士尼度假區反斗奇兵酒店」(Tokyo Disney Resort Toy Story Hotel),造價約315億日圓,有595間客房,預定會於2021年開業。

(圖片來源:東京迪士尼渡假區)
(圖片來源:東京迪士尼度假區)

「反斗奇兵酒店」係日本迪士尼度假區入面,第一間被定位為中等類型嘅酒店,價格自然會比豪華類型嘅酒店更加宜人,睇嚟以後去東京迪士尼嘅時候,就會有多一個選擇喇!

東京迪士尼度假區將以《反斗奇兵》作主題開設新酒店!
東京迪士尼度假區將以《反斗奇兵》作主題開設新酒店!(圖片來源:《反斗奇兵》劇照)

新酒店嘅外觀相當繽紛多彩,計劃由外觀至中庭全部用上玩具風設計,以動畫電影《反斗奇兵》系列為主題。於動畫電影中登場嘅少年・Andy,同Andy珍而重之嘅玩具們——胡迪、巴斯光年等角色所操縱嘅世界,將給予住客不可思議的住宿體驗。

圖為東京迪士尼海洋的「Toy Story Mania」遊戲。酒店嘅設計唔知會唔會都係咁夢幻呢?
圖為東京迪士尼海洋的「Toy Story Mania」遊戲。酒店嘅設計唔知會唔會都係咁夢幻呢?(圖片來源:東京迪士尼樂園)

除此之外,客室將會重現《反斗奇兵》電影中,Andy嘅房間設計,使用上色彩繽紛嘅家具。

客房統一使用標準房型,將附設餐廳等設施,給予住客更輕鬆嘅入住體驗。

重現電影中安仔嘅房間設計,令人恍如置身於《反斗奇兵》嘅世界中!(配圖僅供參考,並非酒店客房設計圖!)
重現電影中安仔嘅房間設計,令人恍如置身於《反斗奇兵》嘅世界中!(配圖僅供參考,並非酒店客房設計圖!)

酒店詳情

  • 酒店名稱:東京ディズニーリゾート・トイ・ストーリーホテル
  • 開業時間:2021年
  • 客房數量:595間
  • 酒店地址: 千葉県浦安市舞浜1-46、47