東京 富士急 樂園嘅地理位置唔算太理想,由新宿出發需要近兩小時車程,不過樂園嘅 過山車 實在太刺激,出名嚇破膽 ,每年都吸引近百萬遊客前往,挑戰膽量!當中就有累積乘客達2,000萬嘅  過山車 之王 Fujiyama 。論速度, 過山車 之王 最高速只有 130 公里,但佢勝在夠高,足足離地 7 9米,衝落嚟嘅離心地特別大,特別恐怖!
過山車之王 FUJIYAMA 1

1.「過山車之王」喺咩位置?

「過山車之王」係旋轉木馬隔離,離正門入口有一段距離,旁邊就係「世界終極過山車」。假如樂園一開閘你就跑輸咗個馬鼻,霸唔到頭位,唔洗灰心,「過山車之王」一次可以載 28 位乘客,人流去得比較快,排隊時間有機會快過其他 過山車。

富士急 過山車 fujiq fujiyama
圖片來源:互聯網

2.有咩咁吸引?

全程共有 3 個靚位可以睇富士山景,有高位亦有低位。多得過山車嘅高架設計,乘客可以一覽無遺欣賞富士山。天朗氣清時,更可看到富士山山頂!

fujiyama 富士急 fujiq 世界之王過山車 3
圖片來源:互聯網

fujiyama fujiq 過山車 富士急1
圖片來源:互聯網

3.有咩驚喜位?

過山車一離站就慢慢爬上 79 米嘅最高點,到頂後乘客注意力多數會集中咗係富士山的靚景度,忘記咗架車幾時落斜!一不留神,過車山就開始俯衝,快到反應唔到,呢吓最驚心!

過山車之王 fujiyama 2 富士急
圖片來源:互聯網

4.玩完嘅朋友有咩感覺?到底有幾好玩?

首先成架過車有28人,如果坐滿乘客,成車人一齊嗌一齊笑真係好好氣氛!樂園入面其他 過山車 每次都坐得好少人,太冷清!呢架就唔同,好熱鬧,正!我玩咗 4 次,覺得坐車尾反而最刺激,車尾會拋得勁啲,離心力大啲!雖然話由最高點衝落嚟好驚,但我自己最怕後段開始,不停穿過高架嗰一段,又急又快,好似隨時會撞埋落鐵架度咁!成個過程有 2 分鐘,唔係一衝上去就玩完咗,有多次上落,層次有高有低,算係抵玩!

fujiyama fujiq 過山車 富士急 1
圖片來源:互聯網

5.有咩方法可以唔洗排隊?

可以事先去旋轉木馬旁嘅售票處「絕叫優先券」,每張1,000円,咁就可以唔洗排隊喇!

6.有無高度同年齡限制?

有,只要高過120cm,兼係62歲以下就可以玩~

睇埋片,你就知有幾好玩!

下一頁:東京富士急 | 拋出外太空 ! 世界終極 過山車  | 試玩報告

相關文章

【新加坡】多圖!聖淘沙「雙軌過山車」歸位喇!