早前編輯部跟大家介紹過東京富士急樂園 4 大必玩 過山車,係咪已經引死你班唔嚇破膽唔收貨嘅 過山車 迷呢?今次,我哋就詳盡解構各個 過山車 嘅玩法同公開試玩報告,首先出場嘅係時速達172公里,直上直落,快到你無法動彈嘅「世界終極 過山車 」!

dodonpa fujiq 過山車
圖片來源:網上圖片

1.「世界終極過山車」喺咩位置?

「世界終極過山車」位於樂園正門不遠處,一入場直行無耐,見到「ドドンパ」橙色招牌就係啦!唔少人係樂園一開門就會衝去排隊。如果唔夠人衝,其實可以用fast pass ,下面有詳細介紹。

dodonpa map 2 過山車
圖片來源:網上圖片

2.有咩驚喜位?

過山車一開波就會以噴射機發射嘅方式,以時速172公里高速起滑行。唔好以為只有 52 米最高點衝落個一下先最驚,其實第一個半圓大彎位已經令不少人後悔上車。大彎位嘅離心力好大、時速高,啲風大到你無法抬起頭。

map 過山車 fujiq
圖片來源:網上圖片

3.有無高度同年齡限制?

有,只要高過130cm,年齡介乎10歲至60歲就可以玩喇~

4.玩完嘅朋友有咩感覺?到底有幾好玩?

成個過程得分半鐘,真係快到你估唔到!第一個大彎位,架過山車接近90度傾側,我差啲以為會被拋出車、跌落街,超恐怖!當上到最高點,有一種被拋出外太空嘅感覺,不過轉過頭,已經被地心吸力吸返落嚟,好似跳樓咁衝落去,直上直落,好得人驚!成程都因為速度太快而無法抬過個頭,以為可以好好欣賞富山士風景,點知都睇得唔太清楚。雖然好玩,但全程得分半鐘,我覺得好唔夠喉!

dodonpa fujiq pov 3 過山車
圖片來源:網上圖片

dodonpa fujiq pov 4 過山車
圖片來源:網上圖片

5. 有無fast pass 買?

富士急有一種叫「絕叫優先券」嘅fast pass ,每張1,000円,每人限買6張。更係每日限量發售,唔想畀人買晒,建議一入場就衝去迴轉木馬旁嘅售票處購買。有咗呢個fast pass 就唔洗排隊,不過變相畀多啲錢。以「世界終極過山車」為例,1,000円門票加1,000円fast pass,足足要畀貴成倍價錢先玩到,值唔值就自己衡量喇!

dodonpa fujiq 過山車
圖片來源:網上圖片

6.玩到最尾,見到部相機同富士山,係咪提醒我夠鐘自拍呀?

唔係唔係,係遊戲場set 咗知相機,大家可以快手執吓個貓樣,準備勝利笑容影相。玩完之後,可以用500円買返自己張相,計返港紙大約三十幾蚊,平過香港啲主題樂園多多聲,抵買!

過山車 fujiq
圖片來源:網上圖片

過山車 fujiq dodonpa
圖片來源:網上圖片

最後睇埋片,睇吓有日本人點玩到眼都突埋!

下一頁:東京富士急 | 360°向後行4D 過山車 | 試玩報告

相關文章

東京富士急樂園 4大必玩過山車!